AfrimMusliu, Suedi
____
Islami politik
Presideti Historik i Kosovës, Dr. Ibrahim Rugova, thoshte: “Është rrezik kur cilido religjion fillon të bëhet politikë”.
Islami politik është rreziku më i madh ndaj institucioneve demokratike, ndaj të drejtave të njeriut si dhe stabilitetit shoqërorë në përgjithësi. Sepse, islami politik, apo siç shkurtimisht e quajmë ‘islamizmi’, i njeh vetëm ligjet siç ata i quajnë të ‘Allahut’, e që është “sharia”, të cilat pa kompromis bien drejtpërdrejt ndesh me principin e të drejtës së popullit që t’i krijojë ligjet e veta përmes një parlamenti demokratik.
Ligjet e ‘sharias’ nuk e tolerojnë as pluralizmin politik, e që është rreziku më i madh ndaj demokracisë së një vendi si dhe lirisë së njeriut.
Pastaj, poashtu, nuk tolerojnë as të paktën kritikë apo skepticizëm ndaj fesë islame dhe/apo profetëve të fesë islame. Gjë që paraqet rrezik edhe ndaj lirisë së shprehurit dhe mendimit ndryshe. Ne shumë shpesh e ndëgjojmë kryeimamin e BIK-ut, Naim Tërnava, si dhe imamë të tjerë, por nuk mungojnë as liderët politikë që e përdorin shprehjen “tolerancë fetare”.
Mirëpo, duke i pasë parasyshë vendet islamike ku sundojnë me ligjet e sharias, religjionet pakicë, përfshirë këtu edhe myslimanët sekularë si dhe tariket tjera myslimane që jetojnë në ato vende, nuk tolerohen fare dhe diskriminohen në çdo segment të jetës. Madje edhe përndjeken dhe luftohen.
Prandaj, gabimi më i madh i Albin Kurtit dhe partisë së tij është që islamit politik ia ka hapë dyert dhe dritaret e institucioneve shtetërore qyshë në vitin 2021 kur i’u dha mundësinë gjashtë islamikëve radikalë që të kandidojnë dhe të zgjidhen deputetë, ndërsa vetë si kryeministër, këshilltar kryesorë e bëri hoxhën nga Gjilani, Mustafa Bajramin, i cili me mish e me shpirtë lufton për neo-osmanizimin dhe arabizimin e Kosovës dhe shqiptarëve.
Të njejtin gabim e bëri edhe tani në zgjedhjet e vitit 2026, kur i’a dha mundësinë të zgjidhet deputet një imami që i takon islamit radikal e shumë ekstrem. Një imami që e ka poshtërur kryeheroin tonë kombëtarë, Gjergj Kastriotin – Skënderbeun, ndërsa Shën Nënë Terezën e ofendonte me shprehjet më të ulëta, pra, hoxhën Osman Musliun. Po ky imam, e shfrytëzoi një rast shumë tragjik tash së fundmi që të mbajë fjalime fetare përmes foltores së Kuvendit të Kosovës, si të fliste nga ndonjë xhami.
Pra, kjo klasë politike në pushtet, Kosovën e ka sjellë deri në atë ditë, saqë hoxhallarët e rrymave radikale islame mbajnë ‘vajz’ (fjalim fetar) edhe nga foltorja e Kuvendit. Pavarësisht se iami i shdërruar në deputet, në gjithë fjalimin e tij ka shpifur se ato që i thoshte nuk gjinden në asnjë hadith. Deri më sot, fjalimet e tyre indoktrinuese ishin të kufizuara vetëm në një katun apo lagje, ku flisnin kryesisht nga xhamitë. Ndërsa tani ato ndëgjohen në të gjithë vendin e më gjërë edhe drejtpërdrejt përmes televizioneve publike e private, sepse islami politik e (keq)përdorë institucionin më të rëndësishëm të shtetit të Kosovës për t’i përhapur përrallat e fletushkave religjioze, me qëllim të përhapjes së islamizimit të vendit si dhe indoktrinimit të shumë shqiptarëve në rrymat e tyre islamike e anti-shqiptare.
Një imami radikal e ekstrem i është dhënë mundësia që ta zgjërojë indoktrinimin e të rinjëve dhe të rejave të Kosovës përmes tempullit të demokracisë së shtetit të Kosovës, ngase fjalimi i mulla Osman Musliut, deputet i LVV-së së Kurtit në Kuvendin e Republikës së Kosovës, ishte një ‘vajz’ mysliman që rëndomë ndëgjohet të premteve në zmadhueset e xhamive të shumta të Kosovës. Asnjë dallim fare. Dhe, pikërisht për këtë arsye nuk u ipet fuqi politike klerikëve fetarë dhe ekstremistëve të ndryshëm fetarë. Ata duhet mbajtë sa më larg nga politika. Shumë vende evropiane i kanë shpallë luftë islamit politik, të cilit i’a kanë kufizuar dhe ndaluar fushëveprimin.
Ndërsa Kosova si shtet ende i pakonsoliduar përfundimisht, me këtë pushtet të ekstremit të majtë politik, islamit politik i’a ka hapë të gjitha rrugët drejt ndikimit politik.
Atëherë shtrohet pyetja: A thua, a do të na pranojë Evropa në gjirin e saj me islamin politik në majat e politikës?
Unë mendoj se me këtë ndikim të islamizmit në politikën shtetërore të Kosovës, BE-ja kurrë nuk do ta lejon Kosovën të anëtarësohet në strukturat e saj.
Madje, islamizimin nuk ka për ta duruar, si nuk po e duron gjithnjë e më shumë, as mbarë kombi shqiptar. Natyrisht se këtu nuk është fjala për asnjë religjion, por kryesisht për atë se njerëzit nuk duan që religjioni (në këtë rast ai islam), t’ua errësoj mendjen dhe të gjykuarit, se njerëzit parasëgjithash duan të jenë ata që të kenë përkatësi identitare kombëtare, e jo religjioze!
Prandaj, edhe pati aq shumë reagime dhe mospajtime të hapura me fjalimin e pa mend dhe të pasakt të Glauk Konjufcës, Ministrit të Jashtëm të Qeverisë së Albin Kurti, në Organizatën e Kombeve të Bashkuara në New York, ku u mburrë padrejtësisht me zgjedhjen e Justina Shirokës – Pulës, “katolikës” së mendjes së tij, në vendin e Presidentes në një vend “shumicë myslimane”.
Kjo qenka “tolerancë”, sipas tij…!
Kështu mendon edhe BIK-u dhe “përallat” e tilla nuk shiten askund në vendet e qytetëruara, në Europë jo se jo !
Një fjalim i tillë parasëgjithash bije ndesh me Kushtetutën e Republikës së Kosovës, që e përshkruan përmes nenit 8 të saj neutralitetin ndaj fesë dhe e thekson faktin se vendi (Kosova) është vend laik.
Si nuk e din dhe ka parasysh këtë fakt kushtetues, Glauk Konjufca…?
Sikurse që bije ndesh edhe me secilën kushtetutë të vendeve demokratike të botës.
Ai politikan apo udhëheqës politik – shtetëror, qysh ështët Glauk Konjufca, që e përmend përkatësinë religjioze a joreligjiozitetin e tjetrit, madje edhe nga selia e OKB-së, ai edhe pavetëdijshëm nuk ia don të mirën vendit dhe qoftë edhe pa dashur mendon si islamist politik!
Ne kemi të drejtë të pyesim dhe kërkojmë përgjigje prej tij, se a ka këshilltar të zgjuar apo ndonjë analfabet,… ai udhëheqës…?
Të gjithëve na kujtohet se si Anton Gj Kolaj, ish – kuadër elitar i LDK-së, e ka thënë moti – për të mos u harruar kurrë, se nuk pranon ta përkëdhel askush “si katolik”, por vetëm si një ndër intelektualët e njohur shqiptar. Me shumë të drejtë.
Andaj, Justina Pula Shiroka është vetëm intelektuale që mund ta ketë zgjuar kurreshtjen e përgjithshme për Presidente të Kosovës përmes dijeve dhe aftësive që e shquajnë.
Nëse ajo “do të ishte Presidente katolike”, në vendin “me shumicë Musliamen”, qysh kanë dëshirë ta theksojnë shovenistët religjioz të BIK-ut, që me ëndje nuk e pranojnë identitetin kombëtar shqiptar, ajo nuk do të ishte Njeri, por një lloj kukulle – lodër që i plotëson dëshirat e të tjerëve.
Me “kukulla” luajnë fëmijët apo “ndonjë i rritur i papjekur”, andaj Presidetja duhet t’ua mbyllë gojën njerëzve të pa kulturuar, që e marrin “si shembull tolerance” të qenët e saj në krye të shtetit.
Fundja, Glakun do të duhej ta pyesnim, se a është Mysliman apo Shqiptar…?
Kend e përfaqëson ai në arenën ndërkombëtare si Ministër i Jashtëm i Republikës së Kosovës, shtetin dhe shtetasit e Kosovës apo “myslimanët”?
BIK-ut, me aq mohues të kombit brenda vetës, që shfaqen si antishqiptar e antiperëndimor në përgjithësi, duke i dhënë detyrë vetës për ta bërë veprimin më antihistorik ndaj kombit përmes islamizimit, i duhen arsyetimet e tilla para botës, por jo Glauk Konjufcës.
Arsyetimet e tilla, i duhen sipas të gjitha gjasëve edhe Kryemnistrit Albin Kurti, që e lartëson rolin e medreseve që përgjat historisë e kanë nënkuptuar stabilizimin e pushtimit të Perandorisë Osmane dhe pajtimin me asimilimin si rrjedhim i dorëzimit nga dhuna e madhe pushtuese, që më tej do të bëhej hapur…!
Fjalimi i tillë i Glauk Konjufcës është thikë në shpinën e shpirtin e kombit shqiptar, pasi me këtë tregohet infiltrimi i padurueshëm islamik në instutucionet shtetërore e kombëtare të vendit tonë.
Që na prezenton padrjtësisht e pa “lejen tonë” edhe në arenën ndërkombëtare…!
Me këtë dëshmohet se Islami Politik nuk pajtohet që të rri “vetëm nëpër xhami”, por i synon institucionet dhe përfaqësuesit kryesor të tyre.
Mu ai islam Politik dhe “Vëllazëria Myslimane”, që për ditë e më shumë po ndalohen me ligj edhe në shumë vende demokratike në botë, madje “Vëllazëria Myslimane” , e themeluar në vitin 1928 nga Hassan al Banna, është ndaluar me ligj edhe në Egjipt, në vendin e saj të origjinës.
