Ted Hjuz
Për TY !
Këngë dashurie
Ai e deshi atë dhe ajo e deshi atë
Puthjet e tij thithën gjithë
të kaluarën dhe të ardhmen e saj ose u përpoqën
Ai nuk pat’ oreks tjetër
Ajo e kafshoi ajo e brejti ajo thithi
E deshi të tërin brënda saj
Sigurtë dhe pa dyshim përgjithmonë dhe gjithmonë
Klithmat e tyre të vogla përplaseshin në perde
Sytë e saj nuk deshën asgjë të ikën
Shikimet e saj gozhduan duart e tij kyçet e duarve të tij bërrylat e tij
Ai e mbërtheu fort në mënyrë që jeta s’ duhej ta tërhiqte nga ai çast
Ai deshi gjithë e ardhmja të pushonte
Ai deshi ta rrëzonte përtokë me krahët e tij rreth saj nga prag i atij çasti dhe n’ asgjë
Ose në përjetësi ose çkado që ekzistonte
Përqafimi i saj ishte një shtypje e pamasë
Ta shtypte atë n’ eshtrat e saj
Buzëqeshjet e tij ishin kullat e vrojtimit të një pallati përallor
Ku bota e vërtetë kurrë nuk do vinte
Buzëqeshjet e saj ishin kafshime të merimangës
Kështu ai do rrinte qetë i shtrirë
derisa ajo të ndjente uri
Fjalët e tij ishin ushtri okupuese
Qeshjet e saj përpjekje të një vrasësi
Vështrimet e tij ishin pëlumba kamë hakmarrjeje
Shikimet e tij ishin fantazma në kënd me sekrete të tmerrshme
Pëshpëritjet e tij ishin kamxhikë dhe çizme ushtarake
Puthjet e saj ishin avokatë që shkruanin ngadalë
Përkëdheljet e tij ishin grepat e fundit të një të mbijetuari
Truket e saj ishin kërcitje bravash
Dhe klithmat e saj të thella zvarriteshin mbi dyshemetë
Si një shtazë që zvarrit një kurth të madh
Premtimet e tij ishin shaka e kirurgut
Premtimet e saj hoqën kapakun e kokës së tij
Ajo do bënte një karficë prej tij
Betimet e tij tërhoqën të gjitha gilcat e saj
Ai i tregoi se si të bënte një nyje dashurie
Betimet e saj i vendosin sytë e tij në formalinë
Në pjesën e pasme të sirtarit të saj sekret
Britmat e tyre ngjitur në mur
Kokat e tyre ranë në gjumë si dy gjysma të një pjepëri të prerë,
por dashuria vështirë ndahet
Në gjumin e tyre të ndërthurur i shkëmbyen krahët dhe këmbët
N’ ëndrrat e tyre trurët e tyre
Morën peng njëri tjetrin
Në mëngjes
Ata mbajtën fytyrën e njëri tjetrit
nga anglishtja Vera Xërxa
Londër 04 shkurt 2021
