NATO ISLAMISTE E MUSTAFË BAJRAMIT !
Doli prapë në skenë “Nastradimusi i lagjes”, ky analist me filxhan çaji në dorë dhe hartën e botës në xhep… që çdo mbrëmje e hap si të ishte meny kafenesh: pak Turqia për antipastë, ca Izraeli për debat, dhe në fund një ëmbëlsirë me “NATO Islame”.
Sepse, sipas këtij “profeti”, bota nuk lëviz nga strategjitë reale, por nga ora 21:00 kur ai hyn LIVE.
Ky është i njëjti “Nastradimus” që:
e sheh NATO si organizatë që pret udhëzime nga komentet e Facebook-ut , e imagjinon SHBA duke dalë nga aleanca si klient i pakënaqur nga kafeneja dhe e shpall Turqinë njëkohësisht superfuqi, shpëtimtare dhe kalif global… veç pse i rriten shikimet në video.
Ky nuk është analizë – është horoskop gjeopolitik.
Kur flet për “luftën që po troket në dyert e Turqisë”, të jep përshtypjen sikur historia është postier dhe Mustafai është i vetmi që e dëgjon ziljen.
Ndërkohë realiteti është brutal për fantazitë e tij:
Izraeli dhe Irani janë në një lojë të ftohtë e të kalkuluar, jo në skenarët dramatikë të “Nastradimusit”,
ndërsa Turqia luan shumë role, por jo atë që i ka shkruar Mustafai në skenarin e tij të natës.
Dhe pastaj vjen kryevepra: “NATO Islame”.
Një ide që do e bënte edhe vetë Nasradinin të qeshte me zë: një aleancë mes Pakistanit, Arabia Saudite, Egjiptit, Indonezisë dhe Turqisë — vende që në realitet mezi bien dakord për interesat bazë, e jo më për një “NATO” imagjinare.
Por në universin e Mustafait, mjafton një LIVE dhe të gjitha firmat hidhen… ndoshta … ?!
Kulmi i ironisë?
Ndërsa shpall “fatet e botës”, publikut i thotë: “Merre çajin, smoki, ullinj… dhe koncentrohu!”
Pra: bota digjet,
aleancat shemben,
superfuqitë riorganizohen…
…dhe ti rri me farëra në dorë duke dëgjuar “Nastradimusin”.
E vërteta është shumë më e thjeshtë dhe më e dhimbshme për këta “profetë”:
Nuk ka “NATO Islame”.
Nuk ka largim të SHBA nga NATO me një klikim.
Dhe nuk ka asnjë Mustafë që e rrotullon globin me LIVE.
Ka vetëm një fenomen të rrezikshëm: injoranca që vishet si analizë dhe propaganda që shitet si dije.
Në fund, “Nastradimusi” mbetet ai që është:
Jo parashikues i së ardhmes…
por shitës i frikës me paketim folklorik dhe fantazi osmane.
Sepse kur dikush fton njerëzit të “shpëtojnë botën” me smoki dhe ullinj…
nuk kemi të bëjmë me strateg —
por me një aktor që ka ngatërruar skenën me realitetin.
