Reagon: Luan – Asllan Dibrani, Prevallë
Një reagim që nuk mund të mungojë
Kallëzimi penal ndaj veteranit të Ushtrisë Çlirimtare të Kosovës, Musë Musa, më detyron të reagoj publikisht. Nuk reagoj për të sulmuar askënd, por për të mbrojtur një parim themelor: lirinë e shprehjes dhe të drejtën për debat të lirë në një shtet demokratik.
Musë Musa është një luftëtar i UÇK-së, një njeri që në kohën më të rëndë të historisë sonë zgjodhi ta mbrojë Kosovën me armë në dorë. Prandaj çdo akuzë ndaj tij duhet të trajtohet me përgjegjësi, me prova dhe në përputhje me ligjin.
Pse reagimi im lidhet me avokatin Asdren Bytyqi?
Reagimi im lidhet me veprimet publike të avokatit Asdren Bytyqi, i cili ka paraqitur kallëzim penal ndaj Musë Musës. Më parë, sipas deklarimeve publike, ai ka qenë i përfshirë edhe në procedura ndaj figurave të tjera të njohura të debatit publik, si Belisar Jezerci. Këto janë çështje që tashmë janë bërë pjesë e diskutimit publik.
Si qytetar kam të drejtë të pyes nëse rruga e kallëzimeve penale është mënyra më e mirë për t’iu përgjigjur mendimeve politike dhe ideologjike, apo nëse ato duhet të ballafaqohen me argumente në hapësirën publike.
Një pyetje që kërkon përgjigje
Nga deklarimet dhe angazhimet publike të avokatit Asdren Bytyqi lind një pyetje e natyrshme: pse reagimet e tij publike shihen më shpesh në çështje që lidhen me debatet mbi fenë dhe islamin politik, ndërsa nuk vërehet i njëjti angazhim publik për mbrojtjen e gjuhës shqipe, flamurit kombëtar, figurave të Rilindjes Kombëtare, trashëgimisë sonë historike dhe luftëtarëve të Ushtrisë Çlirimtare të Kosovës?
Kjo nuk është një akuzë, por një pyetje legjitime që çdo qytetar ka të drejtë ta shtrojë në një shoqëri demokratike.
Debati nuk fitohet me kallëzime
Në demokraci, mendimi kundërshtohet me mendim. Argumenti mposhtet me argument. Kur debatet politike ose ideologjike zhvendosen në kallëzime penale, krijohet përshtypja se po kufizohet hapësira e debatit të lirë. Kjo nuk i shërben as demokracisë dhe as besimit të qytetarëve te drejtësia.
Vlerat që unë mbroj
Qëndrimi im ka qenë gjithmonë i njëjtë. Kam mbrojtur dhe do të vazhdoj të mbroj identitetin kombëtar shqiptar, gjuhën shqipe, flamurin kuqezi, historinë tonë, figurat e Rilindjes Kombëtare dhe sakrificën e Ushtrisë Çlirimtare të Kosovës.
Për këto vlera kam vepruar gjatë gjithë jetës sime. Kam qenë i burgosur politik dhe nuk kam ndryshuar bindje as atëherë, as sot.
Thirrje për Odën e Avokatëve të Kosovës
I bëj thirrje Odës së Avokatëve të Kosovës që, nëse paraqiten ankesa për shkelje të etikës profesionale nga çdo avokat, pa dallim emri, t’i shqyrtojë ato me paanshmëri dhe në përputhje me ligjin. Vetëm zbatimi i një standardi të barabartë për të gjithë forcon besimin e qytetarëve te drejtësia dhe te profesioni i avokatit.
Përfundim
Ky reagim nuk është kundër besimit fetar të askujt. Ai është në mbrojtje të lirisë së shprehjes, të së drejtës për debat të lirë dhe të identitetit kombëtar shqiptar. Në mbrojtje të lirisë së fjalës dhe të dinjitetit të luftëtarit të UÇK-së, Musë Musa** Kjo pasqyre nuk është vetëm një kujtim, por edhe një mesazh solidariteti. Musë Musa është një nga ata burra që në kohën më të rëndë për Kosovën nuk qëndroi anash, por u rreshtua në mbrojtje të atdheut. Sot, kur ndaj tij ngrihen akuza për shkak të qëndrimeve të tij publike, është detyrë qytetare të kërkojmë drejtësi, paanshmëri dhe respekt për lirinë e shprehjes. Unë, Asllan Dibrani – Luani, si ish-i burgosur politik dhe veprimtar i çështjes kombëtare, qëndroj në mbrojtje të së drejtës për mendim të lirë, të flamurit kombëtar, të gjuhës shqipe, të historisë sonë dhe të sakrificës së luftëtarëve të UÇK-së. Debati duhet të fitohet me argumente, jo me presion dhe frikësim. **Me Musë Musën, për drejtësi, dinjitet dhe liri të fjalës!
Kosova është ndërtuar mbi sakrificën e njerëzve që luftuan për liri. Ata meritojnë respekt. Po aq meriton respekt edhe e drejta e çdo qytetari për të shprehur bindjet e tij pa frikë, gjithmonë brenda kufijve të ligjit.
Luan – Asllan Dibrani
Nga: Florim Zeqa
Pyetja më e shpeshtë që më është bërë ditëve të fundit është kjo: “Aty ku jeton në Itali, a keni nëndegë apo degë të LDK-së, a jeni i zgjedhur delegat për kuvend, ngase duhet të keni një bazë deleguese, duhet që të respektoni rregulloren dhe statutin e partisë, mos e harro se ka rend dhe rregull në LDK!”
As rend dhe as rregull, anarki në LDK
Sikur të kishte rend dhe rregull, demokraci dhe meritokraci, sot në LDK nuk do ta kishim këtë klasë parazitësh dhe kusarësh politik, parashutistësh dhe matrapazësh politik dhe as partinë në vendin e tretë!
Të dashur miq, komentues të respektuar, unë jam duke e kërkuar ndryshimin dhe jo vazhdimësinë e kapjes së LDK-së nga klanet dhe grupet e interesit!
Statuti aktual i partisë është i adaptuar për interesat e klanorëve të partisë dhe nuk është aspak konformë rrethanave kohore!
Pikërisht ‘Statuti’ të cilit i referohen klanorët është bërë pengesa kryesore e ndryshimit substancial në LDK, i cili i favorizon grupet e interesit dhe kapësit e LDK-së, ata të cilët i patën pamundësuar kandidimin edhe ish Presidentit, Dr. Fatmir Sejdiu!
Do ta nxjerrim ‘Titanikun’ nga fundi i detit
Sikur të ishte e lehtë mposhtja e klaneve dhe grupeve të interesit, e falangave sorrosiane, servilve dhe yryshnikve të pushtetit në LDK nuk do të më kishte ardhur radha që të kandidoj për kryetar, për shkak të vargut të gjatë të ambicieve për pushtet!
I vetëdijshëm për sfidat dhe vështirësitë, pa asnjë ambicie pushteti apo privilegji e mora guximin intelektual dhe qytetar që të marrë përsipër përgjegjësinë e ri-ngritjes LDK-së!
Përveq atyre që janë pjesë e klaneve dhe grupeve të interesit, të cilët mund të mbështeten dhe të arrijnë më lehtë në krye të partisë, për Ne të tjerët që jemi jasht atyre rrathëve vicioz, kandidatura për kryetar është një sfidë e rëndë, por jo e paarritshme!
Zgjedhja ime e mundshme nuk paraqet privilegj dhe as komoditet, por do të jetë një barrë e rëndë, e rëndë vetëm të mendohet, shumëfish më e rëndë që të realizohet!
Heqja e pragut të 50+1 % të votave të delegatëve për aprovimin e kandidaturave për kryetarë të partisë, i vënë padrejtësisht nga klanorët do të thotë heqje e prangave të demokracisë në LDK!
Parimi bazik i demokracisë së brendshme duhet të jetë ky: secili duhet ta ketë të drejtën të zgjedhë dhe të jetë i zgjedhur në organet e partisë!
Nëse hiqen barrierat byrokratike statutore, me besim në Zot dhe në elektorat do ta nxjerrim ‘Titanikun’ nga fundi i detit!
Katër nëndegë të themeluara, të harruara nga kryesia qendrore
Sa i përket organizimit politik të LDK-së ne Itali, ai erdhi si produkt i interesave personale të disa prej kandidatëve për deputet në zgjedhjet e 9 shkurtit 2025, të cilët erdhën në Itali në mesin e shtatorit të vitit 2024, “si të autoriazuar nga kryesia qendrore në Prishtinë” për themelimin fillimisht të nëndegëve të LDK-së, pastaj të degës në Itali.
Përfaqësuesit politik përmes planit paraprak dhe lidhjeve nepotike veçse i kishin caktuar kryetarët e Nëndegëve dhe nga 7 anëtarë të Kryesisë për secilën nëndegë!
Nga ajo kohë ekzistojnë katër nëndegë të themeluara në letër, pa arritur deri më sot të koordinohen për themelimin e Degës dhe zgjedhjen e kryetarit dhe kryesisë!
Kur jemi në këtë segment, në tri prej nëndegëve të themeluara kam asistuar, porqë nuk kam pranuar të bëhem pjesë e tyre shkaku i zgjedhjes antidemokratike (me aklamacion) të kryetarëve dhe 7 anëtarëve të kryesisë të nxjerrë ‘nën tavolinë’!
Për më shumë kliko linkun e mëposhtëm: https://fjala.info/themelohen-kater-nendeget-e-para-te-ldk-se-ne-itali/
Nga ajo që mund të keni lexuar në linkun e mësipërm, për kryesinë qendrore të LDK-së asnjëherë nuk ka qenë prioritet ngritja dhe konsolidimi i LDK-së në Diasporë, por vetëm grumbullimi i votave nga mërgimtarët, siq ndodhi me themelimin e katër nëndegëve në Itali, të cilat u harruan dhe injoruan tërësisht nga klanet dhe grupet e interesit pas procesit zgjedhor të 9 shkurtit 2025!
Për më keq se kaq, kryetari në largim i LDK-së, si tifoz i flaktë i FC Milan bukur shpesh ka ardhur në Milano për të përcjellur ndeshjet e kampionatit italian, por asnjëherë “nuk ka gjetur kohë” të takohet me bashkatdhetarët, përkatësisht me elektoratin e subjektit që drejton!
Mos themelimi i Degës së LDK-së në Itali për dy vite rresht, e vërteton edhe paaftësinë e atyre që morën barrën që nuk iu takon!
Nuk ka si të jetë ndryshe, kur katër kryetarë të 4 nëndegëve dhe 44 anëtarë të katër kryesive për 2 vite nuk arritën me “hapa të breshkës” që ta themelojnë një degë të premtuar në shtetin italian!
Ndëshkimi i pret dështaket politik dhe uzurpatorët dhe jo ata që angazhohen për reformim të thellë dhe ndryshim rrënjesor të partisë. Do ta kenë bekimin e Zotit reformatorët dhe ata që punojnë më përkushtim për ngritjen e LDK-së!
Bëhu edhe Ti pjesë e ndryshimit!
Florim Zeqa, kandidat për kryetar të LDK-së!
Orsago (Itali), 27.07.2026
Policia pushtuese Serbe në Kosovë, në vitin 1999
Nga: Gani Mehmeti
PËR NE NË KOSOVË, QË E NJOHIM VUÇIQIN, NUK KA ASGJË BEFASUESE PËR URDHËRIN E VUÇIQIT USHTRISË SERBE. TANI TOPI MBETET TEK BE-ja.
Për ne, që vërtet e kemi njohur dhe e njohim mirë se kush është Serbia e Vuçiqi, asgjë nuk është befasuese. Ne edhe e kemi thënë këtë sa herë që është kërkuar se, Vuçiqi është një Millosheviq. Ky, duke mos pasur guxim nga NATO, nuk ka ndërhyrë në Kosovë. Këtë e di edhe vetë NATO, prandaj i mban trupat e tij në emër të KFOR-it.
Se çfarë e kush është Vuçiqi, nuk është duke e njohur BE-ja, e cila i rri si kujdestare Kosovës sa herë që ajo vepron në të drejtën e saj për shtrirjen e sovranitetit në veri të Kosovës, duke dhënë vërejtje e duke mospranuar me veprimet e Kosovës në zbatimin e ligjit dhe Kushtetutës së saj edhe në veri, ku shumica janë serbë.
BE reagon ashpër ndaj Kosovës pse kërkon të zbatohet ligji, duke e kundërshtuar, që është në mbrojtjen sovranitetit të Kosovës, asgjë më shumë, por pse kjo nuk i pëlqen Listës serbe dhe Vuçiqit në Beograd, Bashkimi Europian del në anën e Serbisë!
Bashkimi Europian është për mosshtrirjen e sovranitetit të Kosovës në veri, pse Vuçiqi është kundër. Kjo del sikur BE i ka frikën Serbisë, dhe pa Amerikën, nuk guxon të ndërmarrë asnjë hap në funksion të ligjit të Kosovës edhe në veri e as të pranojë atë. Me këtë, BE-ja është për veriun t’ia shkëpusë Kosovës e t’ia japë Serbisë, vetëm për ta pajtuar Serbinë, sepse i ka frikën asaj. E, nga Kosova që nuk ndien kurrfarë frike, atë e dëmton, duke i marrë territor, si gjithherë deri tani, të paktën nga viti 1878, në Kongresin e Berlinit.
E, çfarë do të bëhej, sikur edhe Kosova të ishte e armatosur në të njëjtën masë sa është armatosur Serbia, dhe, sikur ne të kërkonim tokat tona deri tek Molla e Kuqe, kur qe bërë ai spastrimi etnik i shqiptarëve nga këto vise në vitet 1877/1878?
Kam bindjen se, sikur ne të ishim në të njëjtën masë të armatosur sa Serbia, dhe sikur të kërkonim tokat tona deri atje, Europa do të ishte më e kujdesshme dhe më e drejtë në politikën territoriale, dhe nuk do të ishte pro Serbisë, të paktën për veriun e Kosovës. Kësisoji, nuk është mirë të anohet nga i forti, por nga drejtësia. Pa drejtësi, nuk do të ketë paqe të qëndruehme.
Vuçiqi vazhdimisht ka qenë kundër njohjes së Kosovës, dhe BE ishte sërish me të, i afronte favore në dialog, pa këmbëngulje për ta njohur Kosovën.
Vuçiqi nuk dëgjoi Europën në vënien e sanksioneve ndaj Rusisë, dhe, sërish asgjë, njësoj, madje me Kosovën silleshin shumë keq,sa i vënë edhe masat, ndërsa Vuçiqin e lëmonin, e rrihin krihëve, gjoja për ta larguar nga Rusia. Por, Srbia nuk largohet nga Riusia, madje ajo lidhi marrëdhëniet edhe më të forta edhe me Kinën, si në kundërvënie me BE dhe SHBA, dhe sërish po përkëdhelet Serbia.
Reagimi I SHBA dhe i BE ishte ndaj sulmit terrorist në Banjskë të Zveçanit dhe në Kanalin e ujit në Ibër -Lepenc, por nuk kishte masa. Nuk u mor asgjë ndajs erbëve edhe kur u sulmuan ushtarët e KFOR-it dhe ku qenë plagosur rreth 90 vetave.
Nuk u ndërmor asgjë edhe me rastin e ministres Snezhana Paunoviq, e cila tha se po të ishte në vend të Millosheviqit do të bënte spastrim etnik në Kosovë!
Të gjitha këto ishin dhe mbeten provokime të Serbisë, se deri ku mund të shkojë ajo në intervenimin në Kosovë. Bën t’ia mësyjë apo jo. Ai vetë ka thënë shumë më heret se do të vazhdojë bisedimet deri sa të vijë rasti më i mirë për intervenim ushtarak në Kosovë. Këtë e di Amerika, BE-ja nuk po guxon ta dijë.
Dhe, pas ktij kërcënimi për Kosovën, BE nuk ka ndonjë reagim serioz kundër Vuçiqit. Edhe pas gjithë këtyre ngjarjeve e kërcënimeve, BE nuk është e bashkuar në njohjen e Kosovës, por mbajnë anën nga Serbia. Dhe, më shumë po çojnë peshë katër shtete të NATO-s që nuk e kanë njohur Kosovën, sesa 23 të tjera që e kanë njohur. Këtu shihet sa janë të lidhura nshtetet në Bashkimin Europian.
Rroftë Amerika, Zoti e bekoftë!
Abdul Ballout dyshohet se qëndron pas sulmit dhe u ndoq nga policia gjermane. Foto: Policia gjermane/Annegret Hilse / Reuters / NTB
Të shtunën në mbrëmje një Citroën i bardhë përplasi një turmë gjatë një ngjarjeje Pride në Berlin. Të dielën, autori u vra nga policia.
Rreth orës 22:00 të së shtunës në mbrëmje u bënë njoftime se një makinë kishte përplasur një turmë gjatë një ngjarjeje Pride – Christopher Street Day (CSD) – në Berlin.
Ngjarja ishte në plot zhvillim pranë Brandenburger Tor, dhe një person vdiq si pasojë e sulmit. Të tjera 29 persona u lënduan.
Pak pas orës 17:30 të së dielës pasdite, kancelari i federatës Friedrich Merz njoftoi se të gjithë të lënduarit pas sulmit në Berlin janë jashtë rrezikut për jetën.
Foto: RALF HIRSCHBERGER / AFP / NTB
Ishte 21-vjeçari Abdul Ballout ai që qëndronte pas sulmit.
Ministri gjerman i brendshëm, Alexander Dobrindt, vlerësoi se gjithçka tregonte se bëhej fjalë për një sulm terrorist islamik.
– Të gjitha provat tregojnë në këtë drejtim, tha ai në një konferencë për shtyp.
Sipas Dobrindt, 21-vjeçari gjithashtu sulmoi viktimat me një armë për therje – dyshohet se ishte një hanxhar. Pastaj iku.
Herët në mëngjesin e së dielës, policia gjermane lëshoi një urdhër kontrolli për burrin që besonin se ishte pas sulmit.
Në të njëjtën kohë, policia paralajmëroi se burri do të ishte i armatosur dhe i rrezikshëm.
Sulmoi policinë
Të dielën në mbrëmje në orën 18:00, forcat speciale gjermane gjetën Ballout në një magazinë kopshti në lagjen Spandau të Berlinit.
Gjatë bastisjes u qëlluan të shtëna.
Në këtë kopsht koloni në lagjen Spandau u gjet Ballot, dhe më vonë u qëllua dhe u vra. Foto: Annegret Hilse / Reuters / NTB
– Burri sulmoi forcën speciale të policisë me një armë të mprehtë. Më pas forcat speciale hapën zjarr, shkruan policia në X.
Policia njoftoi se Ballout mori trajtim urgjent për shpëtimin e jetës, por u shpall i vdekur në vend.
Rasti tani do të hetohet më tej.
Policia me armë u gjet në zonën e kolonisë së kopshtit Ballout të dielën në mbrëmje. Foto: JOHN MACDOUGALL / AFP / NTB
I dënuar më parë
Disa media të mëdha gjermane raportuan se 21-vjeçari më parë ishte klasifikuar si një “kërcënim islamik” nga autoritetet e sigurisë.
Sipas një zyrtari të policisë, ai gjithashtu ishte i njohur më parë nga policia dhe thuhet se kishte lidhje me një mjedis islamik në Berlin.
Raportohet se ai dyshohet se kishte përpjekur të shkonte në Siri për t’u bashkuar me grupin terrorist IS, sipas mediave gjermane. Nuk dihet saktësisht kur ka ndodhur kjo.
Njerëzit vendosën lule dhe urime jashtë Portës Brandenburg për të mbështetur komunitetin LGBTQ+. Foto: Markus Schreiber / AP / NTB
Süddeutsche Zeitung dhe disa media të tjera shkruan se 21-vjeçari u arrestua në një aeroport në Berlin vonë në 2025 kur u kthye nga Libani.
Ministri i Brendshëm Dobrindt konfirmon se 21-vjeçari ishte dënuar më parë me një vit e dhjetë muaj – por dënimi ishte ankimuar.
Gazetat raportuan se ai ishte mbajtur në paraburgim deri në maj të këtij viti, me pretendimin se ishte dyshuar për planifikimin e një sulmi terrorist.
Autoritetet nuk kanë konfirmuar zyrtarisht këto informacione.
Një vdekje e konfirmuar
Sipas gazetës së madhe Bild, Ballout ishte një shtetas gjerman me rrënjë libaneze.
Ngjarja ndodhi rreth orës 22 të së shtunës mbrëma kur ai po drejtonte një furgon të bardhë Citroën drejt disa personave, para se makina të përplasej me një pemë:
Foto: Annegret Hilse / Reuters / NTB
Një person është konfirmuar i vdekur. 29 persona u lënduan, dhe disa prej tyre janë të lënduar rëndë, por jo kërcënuese për jetën.
Disa media gjermane raportuan se personi i vdekur është një grua.
Ministria e Jashtme i tha TV 2 se nuk kanë informacion që të tregojë se norvegjezët janë prekur.
Norvegjezi Arne Mathias Lindøe (21) u evakuua:
Bild shkroi se Ballout la mjetin dhe u arratis me vrap pas sulmit. E njëjta gazetë raportoi se telefoni celular i të riut 21-vjeçar u gjet në furgonin e bardhë.
Ende nuk është e qartë nëse Ballout ishte i vetmi kryes.
Gazeta gjithashtu shkroi se dëshmitarët thuhet se kanë shpjeguar se disa persona të tjerë gjithashtu janë plagosur me thikë, por kjo nuk është informacion i konfirmuar nga policia.
Sipas Die Zeit, një apartament në lagjen Schöneberg u kontrollua pa gjetur ndonjë person. Disa media raportuan se Ballout jetonte këtu:
Foto: Christian Mang / Reuters / NTB
Kalimet e kufirit të paralajmëruara
Para se Ballout të gjendej, autoritetet gjermane rritën masat e sigurisë në “niveli i lartë i kërcënimit”. Në të njëjtën kohë, u vendosën kontrolle në stacionet e trenave, aeroportet dhe kufijtë.
Merz tha të dielën se vendi nuk do të lejojë të kërcënohet pas sulmit.
– Ne do të mbrojmë lirinë tonë, thotë Merz.
Foto e Friedrich Merz
Friedrich Merz
Kancelari Federal i Gjermanisë.
Fotot dhe videot tregojnë se policia po kontrollonte si nga toka ashtu edhe nga ajri.
Gjithashtu u morën masa në pikat kufitare. Sipas Bild, policia në Holandë, Belgjikë, Luksemburg, Francë, Austri, Zvicër, Çeki, Poloni dhe Danimarkë ishte njoftuar.
– Më e rëndësishme se kurrë
Kryetari i Berlinit, Kai Wegner, tha se shërbimet e emergjencës morën shpejt nën kontroll të lënduarit, evakuuan zonën dhe filluan hetimet.
Këtu ndodhi sulmi:
Ai gjithashtu përmendi organizatorët dhe pjesëmarrësit, dhe i falenderoi ata që kontribuan që evakuimi të mund të kryhej në mënyrë të qetë dhe efektive.
– Lufta për liri, diversitet dhe një shoqëri të hapur është tani më e rëndësishme se kurrë. Ne nuk do të lejojmë askënd të na marrë mënyrën se si jetojmë së bashku, tha ai.
Kryetari i Bashkisë së Berlinit, Kai Wegner, takoi median natën e së dielës. Foto: Markus Schreiber / AP / NTB
Støre: – Ne jemi me Gjermaninë
Kryeministri Jonas Gahr Støre (Ap) tha të dielën se përplasja masive shkakton kujtime të hidhura nga sulmi terrorist ndaj Oslo Pride katër vite më parë.
– Është tronditëse të shohësh sulmin në Berlin ndaj njerëzve që po festonin dashurinë. Shumë njerëz në komunitetin LGBTQ ndihen përsëri me frikë dhe zemërim. Askush nuk duhet të ketë frikë të jetë vetvetja ose të tregojë se kush është, shkroi ai në një postim në Facebook.
Ai shtoi:
– Norvegjia qëndron së bashku me Gjermaninë në luftën për liri, kundër ekstremizmit dhe dhunës, përfundoi Støre.
Abdul Ballout (21) skutt og drept etter Pride-angrep i Berlin
