ARKIVI:
16 Maj 2024

“Prishtina me Gjergj Kastriotin”, manifestim i madh për ditëlindjen e kryeheroit me 6 Maj 2024

Shkrime relevante

Dëbora Hetemi, një emër në mes studentësh për tu mbajtur në mend

Nga: Ragip Kçiku Tri vjet më parë, Debora fitoi konkursin për t'u...

«Rruga e re» Myslimane e LDK-së, apo theqafja e LDK-së dhe e Kosovës !

Ky me qallmën e kuqe është "muxhahidini i Klinës", Alban Rraci,...

Zëvendëskryeministri Bislimi mori pjesë në takimet e radhës në kuadër të procesit të dialogut

Bruksel, 15 maj 2024 Zëvendëskryeministri i parë për Integrim Evropian, Zhvillim dhe...

Marjana Bulku – “Një jetë, disa histori”!

Nga Frank Shkreli  ___ “Një jetë me dinjitet i ndriçon historitë personale duke...

Blinken: Marrëveshje e sigurisë me Ukrainën

Gunnar Kagge / Aftenposten Sekretari amerikan i Shtetit Antony Blinken ndodhet në...

Shpërndaj

ër nder të ditëlindjes së heroit tonë kombëtar, Gjergj Kastrioti-Skënderbeu, më 6 maj do të mbahet një manifestim në sheshet “Skënderbeu” dhe “Nënë Tereza”, në Prishtinë, e ku ndër të tjera do të parakalojnë edhe pjesëtarët e Forcës së Sigurisë së Kosovës dhe Policisë së Kosovës.

Manifestimi po organizohet nga organizata jo-qeveritare “Shqiptaria”, së bashku me organizata tjera dhe veprimtarë. Aty pjesëmarrës pritet të jenë me mijëra persona nga Shqipëria, Maqedonia, Mali i Zi, Presheva, Medvegja dhe Bujanovci, Selaniku e deri në Arbërinë e Italisë.

Sipas Basri Bekës nga organizata jo-qeveritare “Shqiptaria”, ky manifestim do të përmbajë aktivitete shkencore dhe program artistik e kulturor.

“Me rastin e ditëlindjes së heroit tonë kombëtar Gjergj Kastrioti-Skënderbeu, ne shoqata “Shqiptaria”, bashkë me shoqatat tjera si motra, jemi duke bërë organizimin e manifestimit me rastin e ditëlindjes së Gjergj Kastriotit-Skënderbeut më 6 maj, ku do jetë një manifestim, një program i madh kulturor-artistik, kësaj do t’i paraprijë edhe simpoziume shkencore dhe ne e kemi për nder të shënojmë këtë ditë, e cila neve si popull na fisnikëron”, tha Beka.

Ndërsa sa i përket organizimit të gjithë kësaj, Qëndrim Kryeziu, kryeorganizatori i manifestimit për ditëlindjen e Skënderbeut, ka thënë se pritet të jetë një ngjarje me pjesëmarrje masive nga të gjitha trevat ku ndodhen shqiptarët. Sipas tij, pritet që sheshi të mbushet me mbi 100 mijë persona.

“Pjesëmarrës presim të jenë mbi 100 mijë veta, nga arbëreshet e Italisë, e duke ardhur nga Athina, nga Selaniku nga qyteti i Artës… dhe do të kemi si nga qytetet e Strugës, Gjirokastrës, Lushnjës, Vlorës…nga Lezha, Shkodra e për këto të Kosovës mos të flasim”, ka potencuar Kryeziu.

Ndërkaq nëse do të ketë pjesëmarrës nga fusha politike, Raif Gashi nga shoqata “Kufijtë e Arbërit”, është shprehur se politikanët në përgjithësi nuk interesohen shumë për kombin, ngaqë vëmendja e tyre shkon me shumë te votat.

“Fusha politike interesohet vetëm për vota, nuk mendojnë për kombin, nuk mendon për atë, mendon vetëm për paratë, kështu që le të mendojnë vetëm arbërorët, vetëm për këtë”, ka shtuar Gashi.

Për Veton Gusinë nga “Artisti për artisin”, ka indikacione nga disa grupe individësh për ngacmim të identitetit shqiptar në të gjitha trojet shqiptare.

“Ka rryma që tentojnë me ngucë identitetin tonë kombëtar e për t’u ngucë identiteti jonë kombëtar, është ai që e ka themeluar, është Skënderbeu, ku ne i nënshtrohemi flamurit, fiset tona i nënshtrohen ati flamuri edhe e krijojnë këtë identitetin shqiptar”, është shprehur Gusia.

Ky manifestim do të fillojë prej të hënen me 6 maj 2024, orës 13:00 në sheshin “Gjergj Kastrioti – Skënderbeu”, dhe “Nënë Tereza”, ku pritet të parakalojnë Forca e Sigurisë së Kosovës dhe Policia e Kosovës./KosovaPress

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

K O M E N T E

SHKRUAJ NJË KOMENT

Ju lutem, shkruaj komentin tuaj!
Ju lutem, shkruaj emrin tuaj këtu