Një lajm që mua aspak s’më pëlqeu është leja për rindërtimin e xhamisë ngjitur me Urën e Ibrit. Së pari, edhe nga pamja do të duket keq. Së dyti, serbët në veri e dinë peshën simbolike të kësaj ndërtese dhe se ajo është në dëm të shqiptarëve, prandaj ata i gëzohen këtij ndërtimi.
Tani ne, si shqiptarë intelektualë, a duhet të gëzohemi për një tempull i cili u ndërtua në kohën e Turqisë, pra në kohën e një pushtuesi më barbar se koha e Slobodan Milosheviç?
Unë, sa po e kuptoj, vërtet shqiptarët ose nuk funksionon diçka në kokat tona, ose gjenet qenkan jo të mira.
Sot të dëgjohet fjala e myftiut Naim Tërnava dhe të vihet në funksion diçka në dëmin tonë, kjo është e papranueshme.
Bota e zhvilluar kishat po i jep me qira, sepse nuk ka besimtarë më. Besimi ka kaluar në kulturë, në respektim të ligjit, në shkencë, në zhvillim e teknologjisë.
Sot vetëm popujt e varfër ngasin pas tempujve, duke shpresuar se një ditë Allahu do t’i shpërblejë. Po mirë, përse neve si popull nuk na shpërbleu për 600 vite?
Por, mos të ishte ajo bota e civilizuar, neve do të na përpinte djalli.
