Nga: Ahmet Asani, Zvicër
▪︎ Thirrjet për zhdukjen e LDK-es, nuk janë te sotit, ato datojnë që nga dita e themelimit të LDK-es! Thirrjet per ta bere LDK-en bisht te LVV-es, siç është bërë Lista “Guxo“, nuk mund të kuptohen ndryshe pos si gërvallje monisto-komuniste, per zhdukjen e Pluralizmit Demokratik në Kosovë!
▪︎ Tri janë grupet e interesit qe e kanë dashur dhe e duan zhdukjen e LDK-es si subjekt:
▪︎ Grupi i parë dhe më i rrezikshēm, është grupi i disave të cilët e quajnë veten “themelues” të LDK-ës, disa që janë larguar nga LDK shkaku që Ibrahim Rugova nuk punonte sipas urdhërave te tyre – urdhera te cilat ata i mernin nga shefat e tyre në Beograd e Stamboll! Këtij grupi tanimë te njohur dhe te dalur hapur për ledine, i prijnë disa pseudointelektualë të cilët nuk janë pajtuar dhe nuk duan të pajtohen me ekzistimin e Rugovizmit si Frymë e si filozofi politike!
▪︎ Ne grupin e dytë bëjnë pjesë gjithë monistët e LPRK-ës, emër te cilin deshtën ta humbin, por ja që si per inat të tyre, ende është emër i regjistruar në regjistrin e subjekteve politike: LPRK – Lëvizja Përparimtare e Romëve të Kosovës!
▪︎ Në grupin e tretë bëjnë pjesë narcisoidë, profiteristë e karieristë të s`muar të të gjitha llojeve, njerëz pa Frymë njerëzore, njerëz me duhmë djallëzore, njerëz që për interesa personale janë ne gjendje t`ia fusin flakën jo vetëm partisë por edhe shtetit!
