Presidentja Osmani pranoi letrat kredenciale nga ambasadorja e Izraelit në Kosovë, Tamar Ziv: Kosova dhe Izraeli do t’i thellojnë raportet ndërshtetërore

Shkrime relevante

Jo, kënga serbe “Oj Kosovo” në koncertin e hapjes të forumit të BE në Bruksel, që është më shumë se skandal

Kënga nacionaliste serbe “Oj Kosovo, Kosovo” është interpretuar në koncertin hapës...

Një Udhëtim përmes autorëve  të letërsisë moderne gjermane më me ndikim

Poeti gjerman i njohur në gjithë botën, Johann Wolfgang von Goethe Flori...

Rasti i Arlindë Zekaj, dhe mesazhi për LDK-në: Larg solidarizimit me “pisllëqet” e PAN-it!

Foto e Arlinda Zekajt Idriz Zeqiraj, Gjermani _____ “Opozita PAN-iste, abuzoi me dhimbjen e...

Isa Mustafa për Vjosa Osmanin: Është katandisur keq; LDK-ja në luftë të hapur para zgjedhjeve të brendshme

Naile Ejupi, Prishtinë _____ Haziri: Rikthimi i Osmanit në LDK është mision përçarësMaraj:...

Shpërndaj

Presidentja e Republikës së Kosovës, Vjosa Osmani-Sadriu, sot ka pranuar letrat kredenciale nga ambasadorja e parë e shtetit të Izraelit në Republikën e Kosovës, Tamar Ziv.

Presidentja Osmani ka rikutjuar raportet miqësore me popullin izraelit edhe përpara vendosjes së marrëdhënieve diplomatike.

“Populli i Kosovës ka hapur dyert dhe zemrat për popullin hebre në ditët më të vështira, e sot, qëndrojmë të gatshëm të thellojmë bashkëpunimin në të gjitha fushat, përfshirë ekonominë, sigurinë, inteligjencën, shëndetin dhe arsimin. Bashkëpunimi ndërshtetëror do të thellohet tutje”, tha Presidentja Osmani.

Memorializimin e viktimave të Holokaustit, Presidentja Osmani e ka cilësuar si një mësim, të cilin mund ta marrë Kosova nga Izraeli për t’i kujtuar viktimat e luftës dhe për t’i shqyrtuar mundësinë e mbështetjes dhe bashkëpunimit në këtë drejtim. Këtë iniciativë, Presidentja e kishte filluar në bashkëpunim me kryetarin e Kuvendit të Izraelit (Knesset) gjatë periudhës si Kryetare e Kuvendit të Kosovës.

Ndërkaq ambasadorja Ziv e falënderoi Presidenten Osmani dhe popullin e Kosovës për mbështetjen ndaj popullit hebre në ditët më të errëta e deri më sot, si dhe përkushtimin për forcimin e marrëdhënieve ndërshtetërore, duke shprehur gatishmërinë për thellim të

raporteve në të gjitha fushat. Ambasadorja përmendi hapat e ndërmarra deri më tani, duke përfshirë thellimin e bashkëpunimit në energjetikë, kulturë, turizëm, rritjen e këmbimeve tregtare, shtimin e bashkëpunimit ndërparlamentar dhe memorializimin e luftës.

Presidentja Osmani kërkoi mbështetjen e Izraelit edhe në fushën diplomatike, gjegjësisht në fitimin e njohjeve të reja dhe anëtarësimin në organizata dhe iniciativa ndërkombëtare. Në këtë drejtim, Presidentja gjithashtu kërkoi që Izraeli t’i heqë përfundimisht vizat për shtetasit e Kosovës, gjë që do ta mundësonte rritjen e turizmit nga të dy vendet.

K O M E N T E

SHKRUAJ NJË KOMENT

Ju lutem, shkruaj komentin tuaj!
Ju lutem, shkruaj emrin tuaj këtu