Prof. Dr. Eqrem Zenelaj
PJESA E DYTË (II-të)
Përmbushja e një misioni historik dhe të një testamenti të prindërve të mi dhe brezave paraprak që erdhën para 200 vitesh nga Kabashi i Pukës në Kabash të Prizrenit: Hadër Leka-Lush Leka dhe Kok Leka !
Nga këta tre vëllezër u krijuan tri fshatra : Kabashi, Korishi dhe Graikoci !
Në Kabash të Pukës gjeta akoma gjurmët e të parëve me mbiemrat : Kokaj, Hadroj, Lushaj, Memaj etj., të cilat lagje gjenden edhe në Graikoc (Lushaj, Kokaj) në Kabash e Korishë, Memaj por edhe brezi i 6 nga Une ishte Mema, i krishterë. Falenderoj shoqëruesit organizatorë: Dod Luli, atdhetar Mirdite dhe Kol Dedaj “ Nderi I Pukës” por edhe dy kushërinjët e mij nga Kabashi i Pukës me banim në Pukë; Demir Hyseni, për akomodim në shtëpine e tij në Pukë, darkën dhe mëngjesin si dhe Furistradën e tij që na dërgoi deri në Kabash dhe anasjelltas për në Pukë (Demiri ishte zgjedhur Kryetar i PD për Pukë – Komisioni i Rithemelimit) si dhe kushërini tjetër nga Kabashi , arsimtarin e Matematikës Ylli Hadroj (Nga Hadër Leka) !
Tani paraqes: Stemën e Fisit Kabash të zbuluar nga Unë në Romë (e shekullit 15 -të) në Enciklopedia Italiana, Restaurantin e Demir Hysenit me Tabelë- KABASHI – Shkollen fillore të braktisur në Kabash – Kishën e Shën Palit në Kabash – Lagjet në Kabash- Natyrën e Kabashit dhe miqët e mij shoqërues!
Një falenderim i shpreh kushërinit tim kabashjan për takimin vëllazëror dhe surprizën nga ai që djali i tij Alfonsi , student në Itali, kishte bërë portretin tim !
Kjoftë i bekuar Kabashi i Pukës dhe kabashët kudo që janë…!
I solla këto foto nga udhëtimi im drejt gjurmëve te të parëve të mij në Kabash të Pukës, që ta risjell pas dy shekujve ndjenjën e rrugëtimit të familjes në një pjesë tjetër të hapësirës shqiptare, dhe “takimin” tim ndjenjor e imagjinativ me atë dhe, atë natyrë e ata drunje që i përqafoja, sikur i takoja dëshmitarët e asaj kohe që na panë kur u larguam e që gëzohen kur të takohen me mua në këtë kohë.
