Stërvitje e Forcave të Sigurisë së Kosovës
Lista Serbe pretendon se FSK-ja ka hy në Veri të vendit pa lejen e KFOR-it.
Ky subjekt politik gjithashtu ka akuzuar kryeministrin Kurti për shkelje të marrëveshjes së 2013 , e cila i ndalon FSK-së të jetë prezente në veri pa lejën e KFOR-it.
“Inkursioni i paligjshëm i pjesëtarëve të Forcave të Sigurisë së Kosovës në territorin e komunës së Zubin Potokut. Është shkelje e rëndë e marrëveshjes së vitit 2013, e cila garantohet nga NATO dhe e cila garanton se asnjë formacion i armatosur i Prishtinës nuk mund të pushtojnë komunat serbe në veri pa miratimin e kryetarëve të këtyre komunave dhe komandantit të KFOR-it”, thuhet në komunikatën e Listës Serbe.
Në lidhje me këtë deklaratë ka reaguar ministri i Mbrojtjes, Armend Mehaj.
“Ministria e Mbrojtjes përgënjeshtron lajmet e rrejshme që kanë qarkulluar në disa media serbe për gjoja lëvizjen e trupave të FSK-së në zonën e komunës së Zubin Potokut.
Këto lajme të rrejshme i cilësojmë dezinformata të rrezikshme me qëllim të krijimit të klimës së tensioneve dhe tendencës për dëmtimin e imazhit Republikës së Kosovës dhe të FSK-së në aspektin ndërkombëtar, por realisht qytetarët tanë pa dallim kombësie kuptojnë drejt rolin mbrojtës të FSK-së dhe padyshim është e qartë edhe hapësira gjeografike që ushtria e Republikës së Kosovës bashkë me partnerët ndërkombëtarë mbulon, pra çdo cep të shtetit”, shkroi Mehaj në Facebook.
***
Lista Serbe duhet ta kuptoj nëse se ka kuptuar deri tash se është parti e serbëve të Kosovës dhe është e obliguar që ta respektoj integritetin territorial të Republikës së Kosovës dhe Kushtetutën e vendit. Asaj nuk i takon fare që të merret me faktin se a ishte FSK në Dragash, Pejë, Podujevë, Leposaviq, Zubin Potok apo Ribariq, Nuk është punë e saj.
Por, shpifjet e saj të rrezikshme bëhen me synimin e destabilizimit të gjendjes në Kosovë, apo për ta fshehur aktivitetin anti-Kosovë të së ashtuquajturës “ushtria e Kosmetit” , që në të vërtetë janë pjesë të ushtrisë serbe, të kamufluar si ushtri e serbëve që u dashka ti mbrojë serbët e komunave Mitrovica veriore, Leposaviqi, Zubin Potoku etj.
Lista Serbe është e obliguar të tregohet lojale ndaj shtetit të Kosovës dhe mos ta dëmtoj popullsinë serbe dhe mbarë Kosovën , duke i shërbyer provokimit luftarak të Serbisë e Rusisë.
