Shkruan: Xhemaledin SALIHU
PËRURIM I SHKËLQYESHËM I DY LIBRAVE SHKENCORË NË GJILAN
Të shtunën, më 10 dhjetor 2022, në Gjilan, në Bibliotekën e Qytetit “Fan Noli”, Shoqata për Trashëgimi dhe Krijimtari kulturore e Luginës së Preshevës, me seli në Preshevë, në bashkëpunim me bibliotekën në fjalë i përuroi dy libra shkencore: 1. “Zejtaria dhe tregtia në Luginë të Preshevës dhe në viset shqiptare dhe 2.” Veshja shqiptare e Medvegjës dhe e viseve të tjera shqiptare”.
Në përurim ishin të pranishëm shumë studiues, shumë intelektualë dhe pjesëmarrës të tjerë të Anamoravës.Pra, salla ku mbahej përurimi i librave shkencorë ishtë përplotë me dashamirë të librave shkencorë.
Përurimi i librave shkencore filloi me fjalën e rastit të Xhemaledin Salihut, kryetar i SHTKKLP-së, përshëndeti të gjithë studiuesit, intelektualët dhe pjesëmarrësit e përurimit, veçanërisht përshëndeti Kryesinë e punës: Prof. dr. Drita Halimin Statovci, Prof. dr. Agron Xhagollin, Z. Qazim Azizin, drejtor i Bibliotekës së Qytetit “Fan Noli” në Gjilan dhe Phd Shpëtim Memishin, kryetar i Kuvendit të SHTKKLP-së.
Më pastaj, kryetari foli për qëllimet e organizimit të Konferencave shkencore në Preshevë, për veprimtarinë dhe punën e Shoqatës, e tjerë. Posaçërisht theksoi se për këtë periudhë, Shoqata për Trashëgimi dhe Krijimtari kulturore ka arritur të organizojë 14 konferenca shkencore, të cilat janë zhvilluar në Preshevë/11/, 1 në Prishtinë, me Institutin Albanologjik të Prishtinës, në Medvegjë/2/, 19 libra, prej të cilave: 11 janë punimet e konferencave, 4 shkencore-individuale dhe 4 libra letërsi.
Në vazhdim fjala iu dha Prof.Dr Drita Halimit Statovci, redaktore e librave që foli mbi librin: “Zejtaria dhe tregtia në Luginë të Preshevës dhe në viset shqiptare” dhe “Veshja shqiptare e Medvegjës dhe viseve të tjera shqiptare”.
Poashtu lidhur me këto dy libra shkencorë foli dhe recensenti i librave Prof. dr. Agron Xhagolli.
Më pastaj Z.Qazim Azizi, drejtor i Bibliotekës lexoi pjesë nga punimi i tij: “Zejtaria dhe tregtianë krahinën e Malësisë së Bujanocit-Hashanisë, ndërsa Dr. Sc. Qazim Namani foli mbi punimin e tij në libër: Veshja shqiptare e Medvegjës.
Në vazhdim u hap diskutimi, ku fjalën e mori Prof. dr. Bahtijar Kryeziu, Ismet Azizi, Baki Krasniqi e tjerë.
Në fund Shoqata për Trashëgimi dhe Krijimtari shpërndau të pranishmëve 2 librat shkecorë,në botim të saj, të cilat me suskes u përuruan në sallën e Bibliotekës së Gjilanit.
