Shkruan: Xhemaledin Salihu
Më 30 mars 2023/e enjte/ delegacioni i Shoqatës për Trashëgimi dhe Krijimtari kulturore e Luginës së Preshevës, me seli në Preshevë, në përbërje të kryetarit të Kuvendit të SHTKK, Phd Shpëtim Memishi, kryetarit të SHTKK-së, Xhemaledin Salihu, profesor dhe Prof.dr. Agron Xhagolli, anëtar i Nderit i SHTKK-së dhe i Bordit të Konferencës shkencore patën një takim pune dhe shumë frytëdhënëse me Rektorin e Akademisë së Studimeve Albanologjike, Prof.dr. Luan Përzhita, arkeolog në Akademinë e Studimeve Albanologjike, ku biseduam lidhur me pjesëmarrjen e Studiuesve të kësaj Akademie në Konferencën shkencore: “Personalitete shkencore shqiptare në Luginë të Preshevës dhe në viset tjera shqiptare”, e cila duhet të mbahet më 27, 28 e 29 tetor 2023.
Gjatë bisedës shumë të përzemërtë me Rektorin u premtua se Akademia e Studimeve Albanologjike e përkrah mbajtjen e Konferencës shkencore dhe zotimi se Studiuesit e kësaj Akademie, në krye me Rektorin do te jenë pjesëmarrës të kësaj Konference.
Ajo që më se shumti na gëzoi dhe kënaqi ishte propozimi konkret i Rektorit se Akademia me tërë potencialin e saj akademik e shkencor e financiar do të jetë e pranishme me hulumtime, kërkime, me ekspedita shkencore e gërmime në Luginë të Preshevës, vetëm po qe se ftohet zyrtarisht në këtë nismë.
Poashtu Prof. dr. Luan Përzhita propozoi që të gjitha botimet e Akademisë të Studimeve Albanologjike t’i jipen bibliotekave komunale në Luginë të Preshevës.
Poashtu Rektori i nderuar propozoi që nga materialet e hulumtimeve, gërmimeve, ekspeditave akademike e shkencore të hartohet një Enciklopedi gjithëpërfshirëse e Luginës së Preshevës.
Delegacioni i SHTKK-së e pranoi me kënaqësi të madhe propozimin e Rektorit, Prof. dr. Luan Përzhita dhe u obligua që do të angazhohet në realizimin e kësaj nisme.
Në kuadër të Akademisë së Studimeve Alabanogjike veprojne: Instituti i Antropologjisë dhe Studim Arti, Instituti i Arkeologjisë, Instituti i Historisë dhe Qendra e Enciklopedisë Shqiptare.
Pas takimit në Akademi u takuam edhe me Avokatin Agron Isa Gjedia dhe biseduam për aktivitetet e SHTKK-se dhe Shoqatës “Bytyçi”Tiranë dhe bashkëpunimin e ndërsjellë.
Poashtu delegacioni i SHTKK-së pati një takim me Z.Genci Bejlerin, zyrtar në Ministrinë e Kulturës të Shqipërisë, në mungesë të Ministresë dhe Zëvendësministresë së kësaj Ministrie, duke na premtuan se gjithë bisedën tonë do t’ia përcjellë Ministresë dhe Zëvendësministresë.
