Lis Bukuroca, Gjermani
___
Lexojeni ju lutem si akademik Rexhep Qosja thërret për distancimit fetar dhe veçim!
___
Një akademik normal do të mburrej me tolerancën fetar dhe do të thoshte, sikur edhe të krishterët të mbanin me respekt imazhe të personalitete myslimane, bota do të kishte më shumë paqe, më shumë dashuri dhe më shumë drejtësi.
Jo, ai nuk kërkon ndërveprim, respekt të ndërsjellë dhe bashkëveprim, jo ai kërkon ndarje, barrikadim, distancim, madje edhe i manipulon duke thënë: “…në selinë e presidentëve që kanë lindur dhe janë rritur si pjesëtarë të besimit mysliman…”!
Çdo njeri i paarsimuar e di, se foshnja nuk lindet me besim fetar, se foshnja nuk lindet as me gjuhë, as me kulturë, as me identitet, por thjeshtë lindet njeri…
Citat “… Çka duan ato fotografi (Nënës Terezë dhe të Papa Gjon Palit) në selinë e presidentëve që kanë lindur dhe janë rritur si pjesëtarë të besimit mysliman, që janë zgjedhur prej votuesve numri më i madh i të cilëve i falet profetit Muhamet, mban ramazanin dhe festën e bajramit?
” Rexhep Qosja pastaj vazhndon thua se po flet Bin Laden: “…çka do fotografia e Atit të Shenjtë në selinë e një partie 99 për qind e anëtarëve të së cilës janë, pra, të besimit mysliman dhe i falen një profeti tjetër?
“ 99% nuk do ta thoshte një njeriu i paarsimuar, sepse ai do ta dinte se ka edhe ateistë, se ka edhe jopraktikues të fesë dhe me numër të tillë merret njeriu vetëm kur merret me manipulim!
Kur e lexon një i huaj atë mendim, mendon se jemi teokraci si në Arabi Saudite apo si në Iran.
Jean-Jacques Rousseau, Voltaire, David Hume, Immanuel Kant, nuk do të kishin mundur kurrë të merrnin me mend se 300 vite pas nismës së iluminizmit do të shfaqet një akademik ateist, që do të bënte apele të tilla…
Edhe atë nga akademiku që adhuron ateistin Enver Hoxha.
Gjon Pali ka ndihmuar Rugovën për t’u kuptuar nga Perëndimi, e ka ndihmuar të krijojë kontakte, i ka rritur imazhin e tolerancës Kosovës dhe qytetarëve, kurse Nënë Tereza ishte krenari jonë shqiptare… Ajo ishte shqiptare, neve nuk na interesonte besimi i saj, por në Perëndim në proteste merrnim me vete edhe fotografi të saj.
Ne nuk i ndanim shqiptarë në fe si ti sot!
Ne i besonim shqiptarisë, jo si beson ti se besonim ne! Ne krenoheshim me humanizmin e saj, me personalitetin, jo me besimin fetar. Ne nuk ishim fetar 99%! Ne ishim shqiptarë!
LDK nuk ishte parti fetare, por parti qytetare demokratike! Pse nuk i thoshe para çlirimit Rugovës, shko Rugovë e lutu te një kryetar i një bashkësie islame dhe do të na kishin ndihmuar më shpejtë?
Meqenëse paskan qenë 99%!?
Kryeterroristi tashmë i ndjerë Osama Bin Laden …
*
Po ndalem, nuk po vazhdoj me analizë se ndiej keqardhje të madhe kur shoh një akademik që logjikon si Bin Laden, një akademiku që si student i besoja më shumë se zotit, tani ndiej vetëm keqardhje, keqardhje të madhe…
