Gjatë gjithë kohës që e punoja, e dija se “VARGNIM GJAKOVE” ishte një lodhje e bukur. Tashmë që e dorëzova në duart e lexuesve kuptoj se kjo është lodhje suksesi. 
E ndjeja si obligim në vetvete ta përgatisja sa më denjësisht këtë vëllim pasi unë kam shtrënguar duart me baclokun Din Mehmeti, me Ali Podrimen, Teki Dervishin e Besim Bokshin, me Xajë Nurën e Halil Haxhosajn, me Mazllom Sanejën, Sulejman Lokajn e me Shyqri Nimanin, me Ali Ollonin e Agim Malën… që të gjithë tashmë të ndjerë.
Bisedat me ta i kam të qarta dhe e di se të ndjekësh kursin e tyre nuk është e lehtë.
Me kontributin tim të vogël, e solla këtë vëllim në jubileun e 60-të të Mitingut të Poezisë si dhe në 25-vjetorin e çlirimit të Kosovës.
Botimi u financua tërësisht me mjetet financiare të familjes sime; 
Stafi realizues i librit: LENAGraphic Prishtinë
Jam pa fund falënderuese ndaj kolegëve, autoriteteve institucionale, miqve, përfaqësuesve të rretheve letrare, mediave etj., që nderuan punën time për poetët e Gjakovës me praninë e tyre masive në ceremoninë përuruese. 
Ky ishte një libër i shkruar nga vetë artistët! 
Dora që nuk shkruan është këmbë!
