Nga: Lirim Gashi, Prishtinë
____
Pluhuri dhe mjegulla që ngrihet prej vitesh në diskutimet tona në mediat private dhe publike, për veprimet e urryera të autorëve të tradhtisë së lartë, korrupsionit, krimit të organizuar dhe marrjes dhe mbajtjes peng të prokurorisë dhe drejtësisë, arriti të bëjë një një numër të madh njerëzish në shoqërinë tonë të pasigurt se kush janë kriminelët, hajdutët, tradhtarët dhe vrasësit e vërtetë dhe kush janë heronjtë e vërtetë që ia kushtuan tërë jetën luftës kundër anomalive, perversiteteve dhe devijimeve të tyre.
Dhe ky ishte gjithmonë synimi i mediave kosovare dhe shqiptare, të financuara nga buxhetet e shteteve armike.
Dhe ky ishte gjithmonë qëllimi i luftës hibride speciale dhe propagandistike të shërbimeve sekrete serbe dhe ruse:
Që në Kosovë dhe Shqipëri simpatizantët e partive të ndryshme t’ia hanë kokën njëri-tjetrit duke hamendësuar apo spekuluar se kush janë autorët e vërtetë të krimit të organizuar, korrupsionit dhe tradhtisë dhe kush janë heronjtë e vërtetë që ia kushtuan jetën luftës kundër anomalive, perversiteteve dhe devijimeve të protagonistëve kryesorë të politikës kosovare dhe asaj shqiptare.
Sepse duke folur dhe diskutuar vetëm për efektet fatale anësore të autorëve të vërtetë të tradhtisë, krimit të organizuar dhe korrupsionit, ne kemi krijuar një xhungël gënjeshtrash, gjysmë të vërtetash dhe spekulimesh dhe po në këtë xhungël kemi fshehur autorët e vërtetë të tradhtisë, vrasjeve, krimit të organizuar, korrupsionit dhe marrjes dhe mbajtjes peng të prokurorisë dhe gjyqësorit.
Dhe jo vetëm që nuk e mësuam dhe kuptuam kurrë të vërtetën e plotë, por tradhëtarët po i ngatërrojmë lehtësisht me heronjtë.
Siç e shihni, sot kryesia e LDK-së e nderoi Edi Ramën, personin që loboi drejtpërdrejt për interesat serbe në skenën diplomatike ndërkombëtare me paratë e taksapaguesve nga Shqipëria:
Rezultati i lobimit të tij është dominimi i plotë i Serbisë ndaj Kosovës në skenën diplomatike botërore.
Dhe pasojat fatale për Kosovën janë të dukshme, të ndjeshme dhe të prekshme për këdo që ka sy në tru dhe jo vetëm në organet e tretjes.
Ndaj, jo rastësisht propaganda që barazon Albin Kurtin me Edi Ramën, duke u dhënë të dyve të njëjtin status, është shumë e suksesshme sepse kalon lehtësisht pa u vënë re prej askujt.
Në këtë kurth propagandistik për fat të keq paska rënë edhe profesori i së drejtës ndërkombëtare në Universitetin e Prishtinës Mazllum Baraliu, për të cilin kam shumë respekt.
Si duket ai nuk po e kupton se politika ndërkombëtare është në krizë të thellë morale, sepse Vlladimir Putin arriti të korruptojë qindra alfa shtazë të politikës botërore para se ta fillonte luftën frontale kundër Ukrainës.
Por unë jam Lirim Gashi dhe syve të trurit tim nuk u shpëton asgjë pa e vënë re.
Megjithatë ne nuk duhet të ndalemi së gjeturi modelin më efikas të bashkëpunimit dhe koordinimit me Uashingtonin dhe Brukselin.
Nga ana tjetër pikërisht ky ishte qëllimi i luftës hibride, propagandistike dhe speciale të shërbimeve sekrete serbe dhe ruse, që ne shqiptarët t’i ngatërrojmë tradhtarët e vërtetë me patriotët e vërtetë.
Prandaj, të gjithë ata që na gënjejnë se Edi Rama nuk ka fuqi dhe mjete për të ndikuar negativisht në politikat e fuqive të mëdha ndaj Kosovës, duhet të na përgjigjen në pyetjen:
Si mundi ai ta korruptonte kreun e inteligjencës amerikane?
Apo ata ende po besojnë seriozisht se ne jemi totalisht idiotë dhe nuk kanë nevojë as të na shpëlajnë trurin me sapun, sepse nuk kemi asnjë qelizë të zgjuar brenda?
