Argjira Ukimeri
Poezi
TI
Parajsê Hyjnore e frym’zimit
Qì l’edhaton vitet e mia
N’pritjet t’mia t’mallëngjmit
TI
N’agoni fort t’lumunueme
Përshpërit si flladi verës
Mu njaty si kohë e gzueme
TI
Zani yt porsi bilbili
Tuj zotnue fushë e malë
Porsi erë trandafili
TI
Drita ime e pashueme
Po vezullon çdo gja n’mue
Bota ime e shenjt’nueme
TI
Menueshëm vjen n’andrra t’mia
Troket pa dashje me plotë dashni
T’shikoi ty njajtë si vetmia
TI
Nata ime e pashterueme
Qi kallxon çdo gja pêr ty
Sikur Ajo e padish’rueme
TI
Parandjenja jeme e mrekullueme
Za kanarine e ambëlsueme
Qet’sisht hirplot’ë e krijueme
TI
Fjala.ime e padëgjume
Buz’qeshje e imja e përmallueme
Za dallëndysheje ambël këndueme
TI
Kur t’zen malli ty për mue
Kur filloi zemra me k’ja
Ftyrén tande du me pa
TI
Fort amêl emnin ma thrret
N’mue çdo gja e mirê kur troket
N’jetên tande unë ndihem mbret
TI
A m’menon si t’kam menue
Njajtê n’ty unë tuj shpresue
N’sytë e mia s’du me.t’largue
TI
A m’beson si t’kam besue
Apo n’ujêrat e jetês unê jam rrzue
N’frymê jetêsore pa u diktue
DASHURI
TÊ DUA TY,!
SEPSE EDHE TI MÊ DO MUA!
Dhe pse jam një fanse e prozës dhe jo aq e poezisë vargjet e zonjës më prekin , më pëlqejnë shumë sa më cojnë prapa në kujtime , më paraqesin përpara syve vegimin e rinisë së kaluar , së shuar një herë e përgjithmonë . Dialekti i ëmbël gegë , vargjet që thur autorja sjellin shpresën , durimin ,bindjen se dashuria është kudo , përqark , e ndjek atë kudo që t’i japë besimin se e dashuron . Rini , dujeni jetën , dashuroni pa pushim e me besë ! Se ,,,,,,jeta është për t’u jetuar ,për t’u gëzuar e shijuar ! Suksese autores së poezisë brilante !