Pas vdekjes së Presidentit Ibrahim Rugova, Lidhja Demokratike e Kosovës (LDK) ka trajtuar rugovistët dhe mbështetësit e vërtetë të filozofisë së tij me një përbuzje të theksuar, në bashkpunim me strukturat e Partisë Demokratike të Kosovës (PDK). Në vend që të nderoheshin për përkushtimin e tyre ndaj idealeve të Rugovës dhe kontributin për LDK-në, rugovistët shpesh janë trajtuar sikur të ishin kriminelë, duke u përjashtuar dhe margjinalizuar.
Një trajtim i tillë përçmues është ndjerë veçanërisht ndaj familjes time Geci, e cila ka përjetuar padrejtësi dhe mungesë mbështetjeje nga strukturat e LDK-s,përkundrazi jemi përjashtua.
Në të njëjtën kohë, një fat i ngjashëm ka ndjekur edhe familjen e vetë Ibrahim Rugovës, duke i lënë fëmijët e tij pa mbrojtje dhe pa respektin që u takon për trashëgiminë e babait të tyre.
Kjo situatë tregon një largim të LDK-së nga vlerat dhe parimet që e bënë atë një lëvizje gjithëpopullore dhe një forcë politike të ndërtuar mbi tolerancën, demokracinë dhe vizionin e qartë për shtetin e Kosovës.
Një reflektim i thellë është i domosdoshëm për të rikthyer dinjitetin dhe frymën e vërtetë rugoviste, për të cilën shumë njerëz kanë sakrifikuar dhe punuar.
Të njëjtin trajtim që LDK-ja na ka bërë neve, vëllezërve Geci, PDK-ja ua ka bërë familjes Jashari. Paramendoni, një familje me një lëndinë varresh, vetëm pse e nderojnë dhe respektojnë Kurtin dhe Vjosën, ata i sulmojnë me gurë dhe breshëri fyerjesh. Situata është aq e rëndë sa që Albini në Skënderaj ka përfunduar më keq se në Mitrovicën e Radojçiçit.
Kjo gjendje flet shumë për thellësinë e problemit dhe gjykimin se nga vjen kjo urrejtje .!!??
