Nga: Sinan Kastrati, Suedi
Historia me rrena nuk shkruhet e hamami me p… dhë nuk nxehen
Vazhdon nga numri i kaluar ”Dashuria në tregime, vjersha e këngë popullore dhe 3 deputetët e 2 Korrikut e 7 shtatorit 1990”, Drini.us 8 Shtator 2021
Nga Ditari im (5)
Kur dëgjon disa ish pjesmarrës, s`di si ti quaj, shkrues të historisë, pjesmarrës aktiv në ato ngjarje apo edhe ”udhëheqës lufte” të mbushet mendja se lufta e fundit, siq është bërë zakon të quhen vitet 1998- 1999, duket të ketë qenë një film që regjisori kur të don i mbyt dhe i ngjallë heronjët e e vetë.
As sot pas më shumë se 20 vjetëve, askush oset ë rralë janë ata që kanë guximin ta thonë të vërtetën lakuriqe të asaj që dihet, që ka ndodhur në fushën e nderit, ku kanë rënë shumë luftëtarë dhe e lagën e lanë me gjakë tokën e vogël të Kosovës, që nga Familja Jashari e Prekazit, mësuesi Shaban me djemtë, Hamzën e Ademin dhe të tjerët, me dhjetëra e qindra në tërë Kosovën. Nuk ka fjalë që mund ta përshkruaj gjithë dëshirën e dashurinë për ato vajza e djem që patën e dhanë për çlirimin e Kosovës, duke dhënë edhe jetën por nuk mund të arsyetohet heshtja e atyre që e dinë të vërtetën e heshtin.
Por duket kur lexon e dëgjon se si Serbia nuk kishte guxim të ndeshet me forcat e UÇK-së, është sikur bota ”s`paska pas sy e vesh” për të parë gjithë ”heroizmin” e disa rrahagjoksëve që qysh atherë e tash e kanë dezinformua opinionin e brendshëm, e kanë bombardua me rrena e qelb 1*) me erë, politikanët
Më shumë se dhjetëra herë kam dëgjuar ”heroizma” të tilla, si “Në pamundësi që të përballeshin me UÇK-në, serbët bombardonin selinë e Radio Kosova e Lirë”
“Ka pasur shumë data të veçanta. Por, tre ditë pasi filluan bombardimet e NATO-s, më 27 mars të vitit 1999 ushtria dhe policia serbe duke mos pasur mundësi të përballeshin me Ushtrinë Çlirimtare të Kosovës ata na bombarduan me aeroplanët MIG, i hodhën mbi ne tetë kasetë bomba që ishin të ndaluar edhe me norma ndërkombëtare të hudhen mbi civilët. Për pak e kanë pasur në shenjë selinë e Radios “Kosova e Lirë” dhe për fat për 10 apo 15 metra dy pilotët e aeroplanëve MIG nuk kanë mundur ta bombardojnë objektin ku ishte Radio Kosova e Lirë dhe ekipi prej tetë vetësh”.
Çka ti shtohet më kësaj që thot ky farë profesori?
”Po hamanin”, do të thoshte Kimete Berisha, po ta kishte dëgjuar gjepurat e “professor” Pllanës.
Profesor Pllana, pa të futur në thonjëza pa ta them: Ushtria serbe ka hyrë ku ka dashur në Kosovë dhe ti në Radio ”Kosova e lirë” nëse të ka dëgjuar dikush, i ke gënjye.
Ne nuk mund të mburremi me viktimat e ata ti shpallim martirë, heronj e dëshmorë. Ata kanë qenë pjesë e popullsisë së pafajshme dhe të pambrojtur, pikërisht nga “ushtria” e UÇK-së e cila nuk ka mundur ta mbroj as vetvehten e jo më ta mbroj e ushqej popullin.
Ne duhet ti kujtojmë ata e familjarët e tyre, shteti të përkujdeset.
Nuk e them unë por ata që kanë qenë në Kosovë e thonë se:
”Edhe une isha njëri prej “komandantëve të therrave”, por epiteti duhet t’u takojë atyre që pas luftës i kanē harruar ushtarët e tyre!” Liri Loshi, mjekt dhe gazetar i UÇK-së.
Derisa një pjesë e ”fytyrave” të njohura e përqanin edhe ashtu të përqarë faktorin politk e ushtarak të fundviteve 1998, 1999.
Një nga ta ishte Fehmi Lladrovci, “Fehmi Lladrovci e quante Rugovën tradhtar”.
“Ish-kandidat për kryetar komune në Drenas nga radhët e Lëvizjes Vetëvendosje, Xhevat Drenori ka reaguar pasi djali i Ibrahim Rugovës ka vizituar varrin e Fehmi Lladrovcit.
Drinori përmes një postimi në Facebook tha se Fehmi Lladrovci gjatë vitit 1998 nëpër fshatrat e Drenicës nuk hynte nëpër oda ku ishte fotografia e Ibrahim Rugovës e varur në mure. Ai tha se e quante Rugovën tradhtar.
“E neve (disa familjeve të mëdha dhe me trung në fshatin tonë) që bartëm uniformën e UÇK-së por ishim (edhe) me Ibrahim Rugoven thuajse na pate “leqite” pikërisht për shkak të Rugoves”, ka shkruar në Drinori në Facebook.
(“Fehmi Lladrovci e quante Rugovën tradhtar”, reagime pasi djali i Presidentit nderon varrin e dëshmorit”, Gazeta Express, 08/12/2020)
Fehmi Lladrovci në një tubim tjetër në shkollën e Drenocit të Zatriqit, të Rahovecit ka thënë: “Ai qeni me këlyshët e vet (për Rugovën)”… ?
Kështu thot plaku Ali Muharrem Gashi nga Drenoci i Zatriqit, në odën e vetë e ku isha edhe unë
”-Po kam thënë, e vërtetë është se aty kanë qenë mbi 200 veta: “Ai qeni me këlyshët e vet i ka shti popllin kundër neve (për Rugovën shën. imi)”…
Unë nuk e kam pyetur bacën Ali e as askund tjetër për Fehmi Lladrovcin. Ate e dëgjova me veshët e mi në odën plot burra.
”-Po e kam thënë. E vërtetë është se Fehmi Ladrofci ka thënë “Ai qen me këlyshët e vet (për Rugovën)” e aty kanë qenë mbi 200 veta.”. Janë kân 300 burra kur ka thân Fehmia, thot Ali Muharrem Gashi.
Kjo është e vërteta që askush nuk mund ta kundërshtoj.
“A kishte organizim ushtarak, “Shtab” të UÇK-së dhe “luftë çlirimtare në Drenofc të Zatriqit e rrethinë?” SINAN KASTRATI: Bota Sot, 1 MARS 2019
Këto dhe të tjera fakte, në një fejton me 7 vazhdime e po aq reagime i kam publikua në mars të vitit 2019.
Pjesë të shkëputura nga fejtoni:
”Behadin Hallaqi, i cili ka jetuar në Prizren, një njeri shumë autoritativ, është zhdukur në Drenofc të Zatriqit e drenocasit, gishtin e drejtojnë nga “udhëheqësit” e “shatabit të UÇK -së” në Drenofc.
Në kohën, kur Behadin Hallaqi “zhduket”, Hashim Thaçi e Kadri Veseli ishin në Drenofc.
Hysen Brahim Muhagjeri i katundit Denjë ka qenë në burgun e Drenofcit, edhe ai është zhdukur, “pa shej e pa dok”.
Avdi Muhamet Berisha i Brestofcit është zhdukur në Burgun e Drenofcit, pasi e kishin torturua e djali e tij, iu ka qit bombën policisë serbe në bunker (do të flas më vonë, në këtë shkrim, të vogël. Kështu më tha edhe vëllai i tij, në Brestoc, Mario Berisha).
Vesel Krasniqi,”Kallabiqi”, nga Pastaseli, djali i Beq Krasniqit, (shumar), rojtar pylli, i burgosur në burgun e Drenofcit, është i zhdukur në Drenoc e nuk dihet asgjë, as sot.
Toni e Mici, (ushtarë) luftëtarë në Kroaci, e më vonë në UÇK-ë arrestohen në Ratkofc. Ata të lidhur i bijnë e i burgosin në podrumet e shkollës në Drenofc” …..
– Si ti quajmë ata njerëz e ato organizata që kanë vepruar kështu kundër shqiptarëve?
– Çlirimtare?
– Jo!
Ndërsa Xhaviti Haliti pa fije turpi rren: ”Unë ia ‘ngjita’ emrin UÇK-s딸 Ballkani.info, 19 Nëntor 2020
“Nuk ka asnjë rast që UÇK-ja ka bërë ndonjë krim siç ka bërë Serbia. UÇK-ja është demilitarizuar në vitin 1999 dhe ato që kanë ndodhur pas këtij viti nuk mund t’i mveshen UÇK-së. Ndoshta ka pasur individ që kanë bërë krime, por kjo është punë e prokurorisë që t’i zbulojë të gjithë ato vrasje”, ka thënë Haliti, transmeton Ballkani.info.
Ai tutje ka thënë se ka qenë propozimi i tij që UÇK-ja të quhet me këtë emër.
“Propozimi ka qenë i imi që ushtria të quhet Ushtria Çlirimtare e Kosovës dhe më pas ky propozim është miratuar”, ka thënë ai./Ballkani.info/
Por e vërteta është ndryshe, autori i emrit të UÇK-së është Nikë Gjeloshi: “Xhavit Haliti nuk është autor i emrit të UÇK-së”, Kosova.info, 08/23/2021. Dr. Nikë GjELOSHI
https://kosova.info/xhavit-haliti-nuk-eshte-autor-i-emrit-te-uck-s/
Pas kësaj Xhaviti nuk e pa të udhës të kërkoj falje për gjithë ata thasë me gënjeshtra që i shprëndan dhe thasët tjerë me para i ndalën.
Xhavit, të besoj se ”ushtria” nuk ka bërë krime por individët e ata kanë emër e mbiemër. Disa nga ata unë i kam publikua.
Liria vret çlirimtarët, apo jo?
Historiani Jusuf Buxhovi, duke folur për sloganin 2*) “Liria ka emër” ka pyetur nëse liria vret çlirimtarët.
Sipas tij, kësaj pyetje nuk mund t’i përgjigjen Sabahate Tolaj, Isuf Haklaj dhe shumë të tjerë, që luftuan për të.
1*) QELB kal.
1. Lëshoj erë të keqe, bëj të vijë erë e keqe, e prish ajrin. E qelbi ajrin.
2. jokal. vet. veta III. Bie erë të keqe, qelbet. Qelbin këmbët. Qelbte era raki.
3. E ndot shumë, e fëlliq keqas. M’i qelbi duart. Na e qelbi gjithë shtëpinë.
4. fig. thjeshtligj. E prish fare një punë; e bëj shumë keq diçka, e katranos. E qelbi punën. E qelbi hesapin. E ka qelbur fare me ato që po bën.
E qelbi fare thjeshtligj. i turpëroi përpara të tjerëve, i fëlliqi, ua nxiu faqen. E qelbi (e prishi, e ndyu, e fëlliqi, e rëndoi) gojën shih te GOJ/Ë,~A.
2*) SLOGAN m. libr. kryes. keq.
Frazë e shkurtër që përsëritet për të propaganduar diçka; parullë e zbrazët ose mashtruese. Slogane bajate (demagogjike). Slogane propagandistike.
P. S. Si ti kërkojmë të zhdukurit nga Serbia kur edhe të zhdukurit nga ish “Shtabi i ish UÇK-së” në Drenofc të Zatriqit nuk i kanë dorëzua viktimat ose nuk kanë tregua ku janë. Familjarët e tyre nuk i dijnë ku janë ata. Edhe ata dëshirojnë ti varrosin më të afërmit e tyre, sipas zakonit.
Kjo nuk duhet kuptua se unë po i barazoj krimet e pushtetit serb kundër shqiptarëve me ato të disa individëve brenda UÇK-së në Kosovë që gjithashtu akuzohen me të drejtë se kanë bërë krime.
Vazhdon
Malmö, 9 shtator 2021
