Adem Lushaj
Rektori i Universitetit të Gjakovës “Fehmi Agani”, nga sot do jetë kryesues i
Konferencës së Rektorëve të Universiteteve Publike të Republikës së Kosovës, që bazohet në Udhëzimin Administrativ të Ministrisë së Arsimit të Republikës së Kosovës me nr. 11-2016.
Kështu ka bërë të ditur Zyra për informim e Universitetit të Gjakovës. Gjithnjës sipas saj, zgjedhja e rektorit Prof. Asoc. Dr. Artan Nimani në krye të Konferencës së Rektorëve është bërë në mënyrë unanime nga të parët e Universiteteve tona publike, detyrë të cilën e ushtronte deri më tash, Prof. Dr. Alush Musaj, Rektor i Universitetit ‘’Isa Boletini’’ në Mitrovicë.
Po ashtu bëhet e ditur se rektorët kanë zgjedhur si zëvendës kryesues të Konferencës, rektorin e Universitetit Shkencave të Aplikuara në Ferizaj, Prof. Dr. Agron Bajraktari.
Prof. Asoc. Dr. Artan Nimanin, tashmë Kryesues i Konferencës së Rektorëve, ishte zgjedhur rektor i “Fehmi Agani” në tetor të vitit 2019. Ai, pasi ka falënderuar kryesuesin e deritashëm, Prof. Dr. Alush Musaj, ka thënë se ndjehet i nderuar për besimin e dhënë, gjë që këtë besim do e arsyeton me angazhime dhe rezultate të mtëjshme, pasi që veç i ka bazat e mira të vëna nga ish kryesuesi Musaj.
“Në Konferencën e sotme u diskutua përfundimi i vitit akademik dhe përgatitjet për fillimin e vitit të ri shkollor, shpallja e konkursit për student të ri, si dhe tema tjera në interes të përbashkët. Po ashtu, ata u dakorduan për vazhdimin e konferencave të rregullta të parapara mbi sfidat dhe zhvillimet e arsimit në Kosovë”, është thënë në njoftimin e Zyrës për informim e Universitetit “Fehmi Agani” .
