Gani I. Mehmeti
Tri here bisedohet për dinarin serb në Kosovë dhe nuk ka marrëveshje, zor të gjendet ndonjë marrëveshje edhe nesër e edhe sa here të bisedohet. Kjo sepse, Peter Stano mban anën e Serbisë, ndërsa Kosova është në të drejtën e saj. Kosova nuk po ndërhyn në punët e brendshme të Serbisë, por Serbia po ndërhyn në punët e brendshme të Kosovës.
Ndërkaq, Peter Stano kërkon një sjellje evropiane, por nuk tregon se si e çfare do duhej të ishte ajo sjellje evropiane dhe kush e refuzon.
Nuk ka shtet në botë që nuk ka edhe pakica, pakica serbe në Kosovë, mund të jetë njëra nga pakicat më të vogla se në shumë shtete të tjera. Vallë, a u shkohet për qejfi pakicave të tjera, aq sa po kërkon Stano për serbët? Në anën tjetër, Stano do duhej të tregonte se si është sjellja evropiane rreth dinarit e të shumë çështjeve të tjera. Nuk mjafton vetëm thënia, por shtjellimi.
Ne mendjomë se sjellja evropiane është të mos i ndërhyjnë shtetet njëra-tjetrës në punët e brendshme.
Asnjë shtet evropian nuk do të lejonte përdorimin e një monedhe tjetër. Me një fjalë, Serbia do duhej të kishte sjellje evropiane, siç thotë Stano. E, shtet, më evropian se Kosova, nuk është asnjë shtet në Europë.
Ndërkaq, Edita Tahiri thot se nuk duhej të bisedohej fare në Bruksel për dinarin. Është më se e vërtetë se nuk do duhej. Mirëpo, përse ajo vetë pati pranuar të hynte në bisedime me Serbinë? Përse nuk I bindte ndërkombëtarët se nuk ka nevojë të bisedohej fare me Serbinë, sepse në të gjitha bisedimet ka pasur ndërhyrje në punët e brendshme të Kosovës. Nuk është biseduar askund e për asgjë rreth Serbisë, vetëm rreth Kosovës, ashtu siç po kërkohet edhe tani. Vetë Peter Stano, për t`ua bërë qejfin serbëve, tha se duhet të bisedohet çështja e dinarit. Nuk iu tha serbëve se nuk ka nevojë të ndërhyhet në punët e brendshme të Ksoovës, nuk i ka thënë në asnjë takim Vuçiqit se Kosova është e pavarur, prandaj gjithçka e fut në bisedime, edhe dinarin serb.
Vërtet kjo është Rregullorja e Bankës Qendrore të Kosovës, jo e Qeverisë së Kosovës, prandaj edhe bisedimet janë të panevojshme ose është dashur të bisedojë banka e Kosovës me bankën e Serbisë. Mirëpo, Brukseli këmbëngulë për t`i “pajtuar” serbët!
Kësaj, si po vepron Stano, i thonë: Ngrih e mos këput!
