Zeqir Bekolli, Prishtinë
Në këto ditë dimri, kur janë shpeshtuar rastet e vdekjeve dhe ceremonitë mortore, na bie ta shohim mjerimin e hoxhollarëve, që para një mase,që shkon për t’i përcjellë të ndjerët, mohojnë Gjuhën Shqipe në prani të pjesëmarrësve që të gjithë shqiptarë. Në vend që të dëgjohen fjalët përshëndetëse shqipe në çastet e fundit të ndarjes nga i vdekuri, në të shumtën e kohës dëgjohet të flitet në gjuhën e huaj (arabe), gjë të cilën nuk e bën asnjë popull, madje as që do ta bënte populli arab në gjuhën shqipe, kur i drejtohet popullit të vet! Pos kësaj sheh të jenë mbuluar edhe arkivolet me simbole e ngjyrash të huaja, thuase ato na mungojnë neve! Këto përpjekje djallëzore kanë për qëllim që shqiptarin ta nxjerrin nga shtrati nacional dhe ta bashkojnë me atë të huajin me të cilin nuk na lidhi, as gjuhë, as komb, e as identitet kombëtar, jo vetëm tash por edhe në lashtësi.
Kur i sheh këto pamje, pos që vjen keq për të vdekurit dhe ata që kanë dhembje për humbjen e më të dashurve, të vjen keq edhe nga vetëvetja, që je i pranishëm në një ambient, ku të gjithë janë shqiptarë dhe para të gjithëve mohohet gjuha jonë e lashtë e cila është përndjekur brez pas brezi, nga qarqereligjioze e shtetërore antishqiptare, e sot hapur përndiqet e mohohet edhe nga Bashkësia Islame e Kosovës, me misionarët e saj në terren. BIK-u është një organizatë e pa regjistruar në institucionet e Kosovës, dhe si e tillë me mohimin që i bën gjuhës shqipe bën dëm të pa llogaritshëm.
Përballë kësaj dukurie, vazhduan dhe vazhdojnë të heshtin, në radhë të parë institucionet kompetenete të shtetit, shoqëria civile,… duke vazhduar të mos merren me këtë dukuri mohuese të Gjuhës Shqipe e cila është e mbrojtur edhe me ligj. Por faji nuk mbetët vetëm te institucionet e sipërpërmendura, por edhe të populli i cili tashmë nuk i takon shekujve paraprakë, kur ishte 99 për qind analfabet.Përgjegjës janë edhe institucionet arsimore, shkollore dhe Akademia e Shkencave dhe e Arteve të Kosovës që heshin para një mohimi të tillë. Me një fjalë të gjithë jemi përgjegjës, kush më shumë e kush më pak.
Misionarët religjiozë (hoxhollarët) të cilët nën urdhërat e BIK-ut iu drejtohen të pranishmëve nëpër ceremonitë fetare në gjuhë të huaj, në secilin shtet serioz do të gjobiteshin për mohimin e gjuhës zyrtare, por kjo nuk ndodhë në vendin tonë! Gjuha Shqipe është pjesë e identitetit tonë, që e ruajtëm me fanatizëm ndër shekuj, ndaj kemi obligim ta ruajmë dhe kultivojmë ashtu siç na ka hije.
