Kosova në takimet e Brukselit

***

Amerikanët përfaqësojnë interesat e tyre, rusët përfaqësojnë interesat e tyre, europianet përfaqësojnë interesat e tyre, ukrainasit madje po luftojnë fuqishëm për interesat e tyre,ndërkaq shqiptarëve u kërkohët të përfaqësojnë herë interesat amerikane, herë ato ruse, herë ato europiane në dëm të vetvetës!!

A ka interesa shqiptare more dhe kush duhët t’i mbrojë e përfaqësojë ato?

Përse të mos ndërtojmë bashkëinteresa me të gjithë?

Përse gjithmonë ka një “alternativë” shqiptare e cila në vend të rreshtimit me interesat tona kombëtare e shtetrore, paraqitet si “elektron i lirë” që kërkon fushë tjetër magnetike dhe dobëson ndjeshëm fuqinë negociuese!?

Përse duhët të shkohet në Bruksel me frikën se “dikush nga mashkujt e shpisë” ka zgjedhur tashmë një fushë tjetër magnetike nga fusha kombëtare?

Përse duhët t’i mundësojmë të fitojë platformës euro- ruse për ne,e cila kërkon të RIINTEGROJË Kosovën me Serbinë brenda BE së, duke përjashtuar Shqipërinë, në vend të fitorës së platformës sonë kombëtare të bashkimit në një shtet?

Deri kur me politikën e dreqit?

Përse i mundësojmë Serbisë ndreqjen e raporteve me Amerikën ndërkaq ne ngutemi ( pa na bërë Zoti borgj hiç) armiqësimin edhe më me Rusinë!? Kjo armiqësi është interes amerikan, europian, rus apo interes i të trijave e në dëm të vetës!?

Përse shkojmë në Bruksel ndërkaq mbulojmë vetëm 30% të prodhimit të grurit ndërkohë edhe programet tona të armatimit nuk e kalojnë buxhetin 50 milionë eurove.?Çfarë interesash kombëtare mund të mbrojë kjo politikë e cila popullin e ka të uritur dhe nuk e ka bërë të aftë të mbrohet ushtarakisht!?

Si shkohet në Bruksel ndërkaq armët për çlirimin efektiv të veriut nuk janë në magazinat tona?

PS: ato shoqëri që zgjedhin përfaqësues miopë, të cilët bëjnë luftë politike të brendshme ndërkohë që nuk janë fituar luftërat kombëtare,duke vazhduar me kryeneqësi mospranimin e fajeve dhe gabimeve historike, rrezikojnë të ridenohen nga historia.

Denimet e historisë për shqiptarët kanë qenë gjithmonë të rënda!