Gjergj Kabashi

Donika Gërvalla-Schwarz kohëve të fundit po iu nënshtrohet sulmeve të mirëorganizuara, të pandërprera e brutale nga persona të caktuar të partive politike që e sunduan vendin në këto njëzet vitet e fundit. Nuk është fare lehtë ta ndëgjosh fjalorin e kontaminuar dhe të lexosh se kush është duke e sulmuar dhe për çka po e sulmojnë.

Në këtë histori të sulmesh të panjerëzishme u fut edhe një herë UÇK – ja, sikur ajo të kishte qenë ndonjë ushtri private e lloj-lloj naivi dhe krimineli , që në mënyrë të përllogaritur ka bërë krime dhe është fshehur pastaj pas famës së saj. Fshehja pas UÇK – së dhe patriotizmit të rrejshëm e të pa dëshmuar duhet të përfundoj një herë e mirë, nëse duam të mbijetojmë si komb e të bëhemi shembull moderniteti e kulture, si të tjerët përreth nesh. 

Ka ditë që vazhdoj t’ia bëjë vetës pyetjen: Po ku e gjetën mu Donika Gërvallën, që ta derdhin ndaj saj gjithë këtë mllef, urrejtje, helm e frustrim ?

Nuk ka asnjë dyshim se Donika Gërvalla është duke iu penguar shumë disave, madje tepër shumë. Sulmet e shfrenuara e të pandalshme ndaj saj , e tregojnë qartë natyrën e ligë të tyre. Një grua e arsimuar dhe me kulturën e duhur, nuk është lehtë të durohet e pranohet nga mediokriteti dhe fodullëku , që aq shumë e ka vërshuar jetën tonë.

Nga të gjithë ata që shihet qartë se nuk e kanë lehtë me të, pasi sharjet, fyerjet e shpifjet nuk po u ndihmojnë fare, përkundër faktit se po ndihmohet nga propagandat e ulëta të një pseudogazetarie.

Donika Gërvallën duhet ta mbrojmë të gjithë kur ajo e ka mirë, përndryshe “ne” kështu nuk do ta lëmë të rritet, formohet e stabilizohet askend në politikbërje. Duke kërkuar me çdo kusht “qime në ve” (thuajse ata ishin ëngjëjt e viteve që kaluan, që tashmë pa pritur e kujtuar po sulmohemi prej djajve!) , ne nuk e bëjmë të pasigurtë vetëm Donikën, por edhe Kosovën, gjë që nuk guxon me ndodhë.

Ata që e humbën pushtetin me votën e lirë të zgjedhësve pas njëzet vitesh sundim, anarki, vjedhje dhe zhvatje të pasurisë së popullit, do të duhej që të pushonin pak e mos të bënin aq shumë zhurmë , se më asnjë zhurmë nuk do t’i ndihmoj ata që mendojnë se edhe pasi e kemi ushtrinë tonë, FSK – ën, që po bëhet gjithnjë e më moderne dhe e aftë, mund të fshihen edhe më tej pas patriotizmit, UÇK – së, pasi njerëzit e lodhur nga padrejtësitë e shumëta , të shkaktuara nga sundimet dhe anarkitë partiake, tashmë duan vetëm drejtësi dhe funksionim të shtetit ligjor.

Njerëzit nuk duan më që ata që s’kanë punuar kurrë në jetë, të na udhëheqin e shesin moral që se kanë pasur kurrë!

Ata që po e sulmojnë Donika Gërvallën , sulmet e tyre nuk i kanë të rastësishme dhe as naive. Ta sulmosh Donikën pandërpre, do të thotë se dikush është duke synuar ta shkatërroj një ndër shtyllat gjigande të patriotizmit e atdhetarisë së mirëfillt të Kosovës. Një grua të sjellshme , e cila nuk imponohet aspak e me asgjë. Prandaj, “Supermenët” e patriotizmit e atdhetarisë së shpifur, duhet ta kuptojnë mirë e qartë se nëse Kosova e përkrah , forcon  dhe mbështetë Policinë e Republikës së Kosovës, një ditë jo aq të largët do ta harrojnë Gjykatën Speciale të Kosovës me seli në Hagë, meqenëse  nëse e duam forcimin e shtetit (e kjo nuk ka alternativë) , shumë vagabondë që iu imponuan politikës në Kosovë që nga paralufta e deri sot, do të përfundojnë prapa grilave.

Histeria e përjargëja e sulmuesve të mirëorganizuar ndaj Donikës nga ata që i patëm në pushtet e që na kënaqën me sjelljet e veprimet e tyre vagabonde, është grahma e fundit dhe çartja në përballje me realitetin e atyre që u ka hy frika në palcë se nesër – pasnesër, përfundon “jeta e tyre idilike” dhe e patrazuar, pasi më nuk do të ketë polici partiake që do t’i mbrojë , ndërsa çështja e UÇK -së , do t’i takoj asaj që i takon: Historisë!

Policia e Kosovës nuk ka asnjë dyshim se e din mjaft mirë se Kosovës iu imponuan njerëz të shantazhuar, madje edhe të tillë që i ka vënë në pozitë çmendie BIA e Serbisë pasi “pulat e cofta” kishin vendosur apo kanë rënë në grackën e “përfenjes” me “gusanin” serbomadh , duke e futur vetën dhe vendin panevojshëm në kurthet ngashnjyese të gjitfarë të ashtuquajturash shërbime sekrete, që duke i mbajtur në pozitë të vazhdueshme të trembjes, përmes të tillëve e ka dëmtuar edhe forcimin e shtetësisë së Kosovës.

Të tillët e kanë vënë në një pozitë të rëndë e të pashtekdalje Kosovën: I shantazhuari i PDK-së e ka mbajtur nën “thundër” të shantazhuarin e LDK-së, duke na vënë në aso pozitash inferiore , që fatkeqësisht e kanë prekur edhe sigurinë nacionale të vendit. Në Gjykatën Speciale të Kosovës me seli në Hagë, askë nuk e ka dërguar Donika Gërvalla, por Donika e ka shumë mirë kur ka theksuar se do të lajmëronte për krimet, pasi ato në të vërtetë kanë ndodhur, sidomos vrasja e organizuar e shumë personaliteteve të LDK-së , por edhe të ushtarëve të UÇK -së.

Këtu nuk duhet bërë asnjë dallim dhe për askë nuk duhet pranuar definicionin partiak të së vërtetës së shtrembëruar se a ishte apo nuk ishte fajtorë.

Askush nuk ka pasur të drejtë që t’i vriste figurat e shquara partiake të LDK-së, ashtu sikurse që askush nuk ka të drejtë që në shenjë hakmarrje ti vras ata “të luftës” apo “pasluftës” tash. Janë Policia e Kosovës, Prokuroria dhe Gjyqet e Kosovës, ato që kanë obligime e detyra që t’i ndriçojnë krimet e tilla , pasi ato nuk janë bërë prej “alienëve-jashtëtokësorëve” që zbritën në këtë pjesë të Gadishullit Ilirik me “pajatat e tyre fluturuese”, i kryen vrasjet dhe ikën, por ata ishin dhe mbetën në vendin e krimit.

Atyre do tu duhej që përjetësisht të mbeteshin në pushtet, mundësisht që të kishin pozita të larta partiake e shtetërore, të jenë sa më shumë të pranishëm në tv etj, që sa herë do të shpërthej e rrezikoj të dal diçka “prej thesit” , njerëzit e tyre të vëmendshëm e syçelë të ishin aty e t’ia lidhnin grykën “thesit” edhe më mirë.

Ata janë aty ku e kishin menduar krimin, planifikuar dhe ku i kishin gjetur mercenarët që t’i ekzekutonin viktimat e shënjestruara prej tyre.

Këto janë krime të rënda ndaj Atdheut. Nuk është në pyetje LDK këtu , pasi LDK nuk i ka mbrojtur e s’ka guxuar kurrë të bënte diçka konkrete për të vrarët e plagosurit e shumtë, përveçse i ka mashtruar familjet e të vrarëve me shpresa të rrejshme se ndriçimi i tyre bëhet posa të vinin “në pushtet”.

“Prit magar, sa të del bar’!”

LDK i pati edhe pozitat e synuara të Ministrisë së Punëve të Brendshme, por kurrgjë kurrkujt!

Çështjet e krimeve të kësaj natyre duhet të mbesin vetëm çështje e organeve përkatëse të Republikës së Kosovës, që ndriçimin eventual të krimeve të këtilla nuk e bëjnë assesi për shkak të përkatësisë partiake të viktimës, por për hirë të interesit suprem të shtetit të Kosovës, i cili duhet ta dekriminalizoj skenën politike e shtetërore prej mbjelljeve të tilla antishqiptare. Kosova nuk duhet ta lejoj askend që ka bërë krime dikur a më vonë të pa dënuar e të pa ndëshkuar, që pastaj aq gjatë t’i strehohet e merr “azil” në “politikbërje e shtetbërje!”.

Andaj, të gjithë ne, pra edhe une, duhet ta harrojmë Gjykatën Speciale të Kosovës me seli në Hagë, por të mendojmë për përgjegjësitë që i kemi si banorë të vendit tonë. Nëse Serbia me makiavelizmin dhe largpamësinë e saj serbomadhe , ka bërë që të na imponohen njerëz të shantazhuar në majat pushtetore, njerëz që janë detyruar deshtën a nuk deshtën pastaj të punonin për interesat e saj për një Kosovë sa më të shkatërruar e joshtetërore, është detyrë e domosdoshmëri e kohës që asnjë i shantazhuar të mos zë qoftë as pozitën më pak të rëndësishme në shtetin e Kosovës.

Këto që thuhen …, Policia e Kosovës i din më mirë se secili prej nesh.

Kështu që, të gjithë ata që janë në Hagë, le ta mbrojnë vetvetën dhe të rivlerësohet vendimi se atyre u dashka tu paguhen avokatët aq të shtrenjtë nga mbarë bota. Vendimi për t’i paguar avokatët e tyre është marrë shumë më përpara se që të arrestoheshin. Kjo do të thotë se “ata” e paskan ditur se “kanë bërë krime”.

Nëse kanë vra ushtarë serbë në fushën e betejës, kjo mund tu falet , pasi çdo ushtri në botë, çlirimtare apo pushtuese qoftë ajo, e vret kundërshtarin e vet që e ka përballë.

Por, jo civilët apo civilin …

Nëse vërtetohet nesër – pasnesër me vendim gjyqësor se janë të pafajshëm, atëhere ndoshta Kosova ka obligim t’ua paguaj shpenzimet për avokatët etj.

Përndryshe: Jo !

Prandaj, Donika Gërvalla nuk ka bërë asnjë të keqe as dje e as sot, që të meritoj t’i nënshtrohet një fushate kaq irracionale të njerëzve të pakuptimtë, që na kanë dëshmuar se në jetën e tyre nuk janë kurrfarë shembujsh të mirë për vendin.

Se kush janë ata dhe çka ka bërë ai apo tjetri, më së miri do të na tregoj e ardhmja e afërt.

Një gjë do të duhej me qenë e qartë për secilin prej nesh: Kushdo që vërtetohet se ka orgaizuar vrasje të kundërshtarëve politik, ai nuk bënë të mbetët i padënuar prej ligjeve të shtetit të Kosovës.

Donika Gërvalla jo vetëm që nuk ka gabuar asgjë, por ajo e të tjerët si ajo duhet të ndihmohen e mbështetën nga i gjithë populli që të punojnë e angazhohen pandërprerë për një Kosovë ligjore e europiane, që ka munguar deri tash.

Librit “Cilësitë e mira plotgjithësore” [besim]-Ardit Dardania

10. Të pavërtetat në disa shkrime

1. Një numër i caktuar i shkrimeve joshkencore përmbajnë komente, rrëfime, tregime iluzore të pavërteta lidhur me ndodhi, vepra e fenomene.

2. Në të kaluaren, disa nga shkrimtarët joshkencorë janë munduar që disa ndodhive në Tokë t’u veshin përmbajtje mistike, mbinatyrore. Në fakt, ato ndodhi kanë ardhë si rrjedhojë e ndërlidhjeve dhe ndryshimeve të caktuara mes faktorëve në veprim.

3. Tani, shkenca bashkëkohore mjaft mirë i komenton ndërlidhjet dhe ndryshimet e llojllojshme duke ofruar shpjegime për to të shoqëruara me vërtetime praktike, faktike, duke i vënë në funksion edhe aparatura, paisje, instrumente përkatëse.

4. Në të kaluarën, disa nga mendimtarët joshkencorë disa veprave të niveleve të larta mjeshtërore njerëzore të realizuara në të kaluarën edhe me të largët, duke mos qenë afër as në kohë, as në hapësirë dhe as në informacion, si dhe duke u përhumbur nga faktmbetjet, u kanë veshur atyre përshkrime “ndërhyrjesh forcash të fuqive superiore-mbinatyrore”, duke krijuar hamendësime te disa individë, si racionalë, si joracionalë.

5. Sot, në kohën e lulëzimit të madh të shkencave të kohes bëhet grumbullimi i drejt i fakteve edhe të pakta qofshin aty, duke krijuar pasqyrë shumë më të qartë të rrethanave lidhur me shfaqjen apo verimin e tyre.

6. Në të kaluarën, disa nga mendimtarët joshkencorë, në mungesë të informacioneve objektive kanë hyrë në thurje të shkrimeve joshkencore, duke u munduar t’u japin ngjyrime mistike ndryshimeve në kozmos.

7. Sot, ndërlidhjet dhe ndryshimet në kozmos, me aq kapacitet sa kanë mendjet njerëzore, synohet të përshkruhen objektivisht.

8. Në të kaluaren, disa nga mendimtarët joshkencorë për qëllime të caktuara kanë bërë shpjegime subjektive iluzore, duke vënë në ato shpjegime edhe elemente të frikës dhe nënshtrimit.

9. Nga aspekti i “Cilësive të mira plotgjithësore” konsiderohen të gabuara dhe jo të vërteta shpjegimet mistike.

10. Nga aspekti i “Cilësive të mira plotgjithësore” edhe për fenomene, dukuri, ndodhi shumë komplekese, për të cilat kapaciteti mendor njerëzor nuk është në gjendje t’i shpjegojë plotësisht, besimin kryesor ia dedikon shpjegimeve të ofruara nga shkenca dhe teknologjia e kohës.