Nga: Frank Shkreli

Rrallë ndodhë që Kongresi i Shteteve të Bashkuara të jetë aq i bashkuar në miratimin e një propjekt-ligji cilido qoftë, sa ç’ishte me 6 dhjetor 2024 kur Dhoma e Përfaqsuesve miratoi me vota dërmuese prej 327 në favor të Aktit Vendimtar të Mësimdhënies mbi Komunizmin dhe 62 kundër. Text – H.R.5349 – 118th Congress (2023-2024): Crucial Communism Teaching Act | Congress.gov | Library of Congress  Ky akt — autore e të cilit ishte përfaquesja republikane Maria Salazar e shtetit Florida — është miratuar nga përfaqësuesit republikanë dhe demokratë të Kongresit në një frymë bashkpunimi, me vota dërmuese,  me qëllim për të edukuar studentët e shkollave të mesme mbi rreziqet që vijnë nga komunizmi dhe totalitarizmi dhe se si këto sisteme janë në kundërshtim të plotë me parimet bazë të lirisë dhe demokracisë në Shtetet e Bashkuara, thuhet një njoftim të Kongresit, me këtë rast, për median. Sipas këtij Akti, materialet e mësimdhënies, mbi të vërtetat dhe rreziqet e komunizmit, do të shpërndahen nga Fondacioni Përkujtimor i Viktimave të Komunizmit me qëndër në Washington – me përqëndrimin në të kaluarën kriminale komuniste dhe në trashëgiminë e vazhdueshme të komunizmit edhe sot e kësaj dite.

Miratimi i këtij akti u cilësua si një “fitore monumentale për brezat e ardhëshëm të studentëve amerikanë”, nga Presidenti i Fondacionit Përkujtimor të Viktimave të Komunizmit, Dr. Eric Patterson. “Muri i Berlinit mund të jetë shembur në vitin 1989, por ideologjia djallëzore që fshihej pas tij nuk është zhdukur ende. Akti Vendimtar i Mësimdhënies mbi Komunizmin, i miratuar ditët e fundit nga Kongresi amerikan, “është një akt legjislativ i cili garanton që studentët tanë të mësoinë të vërtetën – të kaluarën dhe aktualën – mbi këtë ideologji vdekjeprurëse… pasi studentët amerikanë janë gjithnjë e më shumë të keq-informuar ose aspak të informuar mirë mbi historinë dhe trashëgiminë e komunizmit”, citohet të ketë thenë Drejtori i Fondacionit Përkujtimor të Viktimave të Komunizmit, Dr Eric Patterson.

Komunizmi botëror ka një histori të gjatë dhe të errët shtypjesh politike, persekutimesh, dhune, vrasjesh dhe në përgjithsi, një histori krimesh kundër njerëzimit, gjatë shekullit të kaluar e deri në ditët e sotëme. Një trashëgimi kjo, për të cilën, për fat të keq, po flitet gjithnjë e më pak, ndërkohë që aktorë të huaj djallëzorë po përpiqen ta infiltrojnë këtë ideologji kriminale edhe në institucionet arsimore amerikane.

Kështuqë, sipas autores së këtij akti legjislativ, Përfaqësueses republikane nga shteti Florida, kubano-amerikanes, Maria Elvira Salazar, “Me miratimin e  Aktit Vendimtar të Mësimdhënies mbi Komunizmin, Dhoma e Përfaqësuesve e Shteteve të Bashkuara siguron se brezat e ardhëshëm do të kujtojnë vuajtjet dhe krimet e shkaktuara nga ideolgjia brutale komuniste. Komuniteti im në Miami i njeh shumë mirë krimet e komunizmit, prandaj ne duhet të sigurohemi që të gjithë amerikanët të kenë të dhënat dhe të njihen me mizoritë dhe vdekjet e shkaktuara nga komunizmi”, është shprehur ajo pas aprovimit të Aktit nga Dhoma e plotë e Përfaqsuesve e Kongresit amerikan, me mbështetjen dërmuese nga të dy partitë kryesore të vendit, demokratët dhe republikanët.

Zonja Maria Elvira Salazar, Përfaqsuesja republikane nga shteti Florida me disa kolegë të saj, ka punuar për një kohë të gjatë tani për të bindur opinionin publik amerikan dhe Kongresin e Shteteve të Bashkuara mbi krimet e komunizmit në botë — Frank Shkreli: Kongresi i Shteteve të Bashkuara denoncon tmerret e socializmit | Gazeta Telegraf — në të kaluarën dhe aktualisht si dhe për rreziqet që kjo ideologji kriminale paraqet për brezat e ardhëshëm. “Akti Vendimtar i Mësimdhënies mbi Komunizmin”, u shpreh ajo, “do të sigurojë që brezat e ardhëshëm do të kuptojnë më mirë historinë e tmershme dhe tragjike të komunizmit. Ne duhet të bëjmë çdo gjë të mundur që të ruajmë dhe të mbrojmë parimet themelore të lirisë dhe të demokracisë së vërtetë. Përpjekjet për mbrojtjen e endrrës amerikane për brezat e ardhëshëm, fillojnë që tani”, me miratimin e këtij Akti, ka thenë Maria Elvira Salazar.

Ndërkaq, Kryetari i Dhomës së Përfasueseve, Mike Johnson përshëndeti miratimin e Aktit duke thenë se ndërkohë që përballemi me sfida gjithnjë e më të mëdha nga kundërshtarët tanë ideologjikë, siç është Partia Komuniste e Kinës, Akti Vendimtar i Mësimdhënies mbi Komunizmin i aprovuar nga Kongresi amerikan është një qëndrim i qart legjislativ kundër prirjeve të tilla të rrezikshme komuniste. “Sot është më e rëndësishme se kurrë që studentët tanë të mësojnë mbi rreziqet e vërteta që vijnë nga komunizmi, por edhe mbi rëndësinë e mbrojtjes së lirive tona”, është shprehur me këtë rast Kryetari i Dhomës së Përfaqsuesve të Kongresit amerikan, duke shtuar se ky Akt garanton që sistemi arsimor në Shtetet e Bashkuara të Amerikës t’i ketë rrënjët thellë në të vërtetën e historisë së regjimeve komuniste dhe në ruajtjen e vlerave tona.

Ndërsa përfaqsuesja e shtetit Indiana, me origjinë ukrainase, në fjalën e saja citoi Winston Churchillin i cili ka thenë se, “Ata që nuk mësojnë nga historia janë të destinuar ta përsërisin”, duke shtuar se ne duhet tu kujtojmë brezave të ardhëshëm, miliona viktimat e komunizmit, jetët e shkatërruara nga komunizmi ndërkombëtar, anë e mbanë botës, dhe që të mos harrojnë rëndësinë për të mbrojtur Republikën tonë të lirë dhe të fortë”, ka theksuar kongresistja me origjinë ukrainase. Frank Shkreli; Një frymë e re anti-socialiste /anti-komuniste në Kongresin e ardhshëm të ShBA-ve | Gazeta Telegraf

Kongresistja Maria Elvira Salazar, nga shteti Florida — autorja e Aktit Vendimtar i Mësimdhënies mbi Komunizmin, miratuar pak ditë më parë nga Kongresi i Shteteve të Bashkuara me një numër dërmues votash nga përfaqsuesit e dy partive kryesore politike amerikane – republikanë e demeokratë

Miratimi me vota dërmuese (327 në favor-62 kundër) e Aktit Vendimtar i Mësimdhënies mbi Komunizmin, miratuar këto ditë nga Dhoma e Përfaqsuesve të Shteteve të Bashkuara në Washington, pason një numër përpjekjesh nga ana e një numri shtetesh amerikane për të pasqyruar krimet e komunizmit ndërkombëtar, ndonëse, historikisht dhe realisht, komunizmi kurrë nuk zuri rrënjë në Shtetet e Bashkuara, si regjim totalitar. Duket se me miratimin e këtij Akti, Kongresi i Shteteve të Bashkuara solidarizohet – 35 vjet pas shembjes së Murit të Berlinit — me viktimat e gjenocidit komunist ndërkombëtar, duke kujtuar dhe duke dënuar, zyrtarisht, krimet e komunizmit.  Ashtu që breznitë e ardhëshme të amerikanëve ta njohin më mirë të vërtetën mbi krimet dhe kriminalitetin e regjimeve komuniste kundër miliona njerëzve, anë e mbanë botës, gjatë shekullit të kaluar e deri në ditët e sotëme.

Të gjitha këto përpjekje gjatë viteve të fundit në Shtetet e Bashkuara në nivel federal dhe në nivel shtetëror, në mbarë Amerikën, tregojnë se amerikanët — me gjithë se shembja e Murit të Berlinit mund të ketë qenë një simbol i rënjes së komunizmit të shekullit të kaluar – janë tani të vetdijshëm se ndoshta jo, doemosdoshmërisht, rrëximi i Murit të Berlinit të ketë simbolizuar gjithashtu edhe zhdukjen e trashëgimisë së kësaj ideologjie kriminale shkatërruese për shumë popuj anë e mbanë botës, përfshir Kombin Shqiptar.  Është një përpjekje, mendoj unë, nga populli amerikanë dhe përfaqsuesit e tij legjitim në Kongres, që krimet e regjimeve komuniste kundër njerëzimit dhe 100-milion viktimat e komunizmit, anë e mbanë botës, të mos harrohen kurrë por të kujtohen, ashtu siç ka paralajmëruar Winston Churchilli, me qëllim që historia e komunizmit të mos përsëritet më.

Po Shqipëria, kur do bëjë një gjë të tillë?! Kur do kujtojë viktimat e komunizmit enverist, zyrtarisht, njëherë e mirë dhe kur do të dënojë krimet e komunizmit në atë vend?! Po viktimat e komunizmit në Kosovë, për të cilat nuk flet askush? Kur do të kujtohen ato?!

Pamje nga dhoma e Përfaqusesve e Kongresit të Shteteve të Bashkuara

Merrni shembull nga Shtetet e Bashkuara të Amerikës dhe nga shumë vende të tjera ish-komuniste dhe jo-komuniste në Evropë, nëqoftse besoni në liri e demokraci dhe në një të ardhme më të mirë për fëmijt tuaj. Përballuni, zyrtarisht me krimet e komunizmit! Zbuloni të vërtetën për veten dhe për brezat e ardhëshëm. Nostalgjia ndaj komunizmit enverist dhe mos-përballja me krimet e komunizmit të ish-regjimit të tij në Shqipëri, ish-regjimit sllavo-komunist në Kosovë dhe në trojet shqiptare të Ballkanit Perëndimor — nuk ka asgjë të përbashkët me lirinë dhe demokracinë perëndimore as nuk përputhet me vlerat amerikane.

Nëse dëshironi që historia e komunizmit në Shqipëri dhe anë e mbanë trojeve shqiptare të mos përsëritet më, atëherë edhe për hir të brezit të ri të shqiptarëve sot dhe nesër, dënoni dhe denonconi edhe ju krimet e komunizmit sllavo-aziatik dhe mos harroni, por kujtoni viktimat e komunizmit në Shqipëri dhe në Kosovë, në përputhje me vlerat amerikane që ligjvensit amerikanë shfaqen nepërmjet miratimit të Aktit Vendimtar i Mësimdhënies mbi Komunizmin, në mbështetje të studentëve amerikanë për të mësuar të vërtetën mbi krimet e komunizmit –në të kaluarën dhe për trashëgiminë djallëzore të kësaj ideologjie shkatërruese sot e kësaj dite në mbarë botën, përfshir Shqipërinë dhe Kosovën.

Nga: Luan Dibrani

Në një kohë kur të gjitha syzet e diplomacisë ndërkombëtare po përqendrohen në zhvillimet gjeopolitike në Lindjen e Mesme dhe Europë, mediat serbe kanë bërë valë me pretendime të forta ndaj presidentit turk, Recep Tayyip Erdogan, duke e akuzuar atë për “tradhti” ndaj Rusisë. Sipas një artikulli të publikuar nga mediat serbe,

Erdogan, duke mbështetur grupet islamiste pro-turke në Siri, dhe duke vazhduar politikën e tij të mbështetjes për Palestinën, ka tradhtuar aleatin tradicional të Turqisë, Rusinë, dhe ka synuar për interesa të tjera strategjike, përfshirë ndihmën e SHBA-së dhe Izraelit. Por kjo interpretim është vetëm një pjesë e narrativës, e mbështetur në një propagandë që përdor përfitime politike në një kohë të ndjeshme.

Propaganda Pro-Rusisë dhe Taktikat Serbe

Serbia, një aleat i ngushtë i Rusisë në Ballkan, ka shpesh mbajtur qëndrime të qarta pro-moskave në çështjet ndërkombëtare. Por, shqetësimi i Serbisë për politikën e Turqisë është i ndërlikuar dhe shumëdimensionale. Në një mënyrë të ngjashme si Rusia, Serbia ka të njëjtën strategji të orientuar nga interesat e saj kombëtare, shpesh duke bërë një bilanc të thjeshtë mes diplomacisë dhe politikave të jashtme, pa marrë parasysh etikën e bashkëpunimeve të ndërsjella.

Përsa i përket politikës së Erdogan, ajo është e përmbajtur, duke lëvizur në një hapësirë të ndërlikuar gjeopolitike. Turqia, nën drejtimin e Erdogan, ka ndihmuar grupe të ndryshme në Siri, përfshirë Hayat Tahrir al-Sham (për të cilin disa e konsiderojnë si një degë të Al-Kaidës), duke krijuar një marrëdhënie të komplikuar me grupet islamiste që janë të lidhura me interesat turke. Sidoqoftë, kjo ka qenë gjithashtu një pjesë e përpjekjeve të Turqisë për të ruajtur kontrollin e saj në rajon dhe për të balancuar ndikimet konkurruese të Rusisë, Iranit, dhe Shteteve të Bashkuara. Nga ky këndvështrim, akuzat për “tradhti” nga Serbia dhe mbështetje për narrativën pro-ruse janë jo vetëm të paqëndrueshme, por edhe të shpejta për të manipuluar mendimin publik.

Erdogan dhe Korrigjimi i Politikes Strategjike

Erdogan është i njohur për fleksibilitetin e tij në politikën ndërkombëtare. Pavarësisht angazhimeve të tij me Rusinë, ai ka pasur gjithashtu bashkëpunim të ngushtë me Shtetet e Bashkuara dhe Izraelin. Në këtë kuadër, është e qartë se Turqia ndjek një politikë të balancuar, duke u përpjekur të maksimizojë interesat e saj kombëtare dhe strategjike. Sidoqoftë, frika e Serbisë se Erdogan ka “tradhtuar” Rusinë nuk është tjetër veçse një iluzion politik. Në fakt, këto lëvizje tregojnë një përpjekje të Turqisë për të lëvizur më shpejt dhe më sigurt në një botë që po ndryshon me shpejtësi, ku Rusia është në rënie dhe përpjekjet e saj për të ruajtur dominimin global janë gjithnjë e më të vështira.

Serbia dhe Të Drejtat e Popujve të Tjerë: Balancimi i Interesave

Në vend që të mbështesë një politikë të ndershme dhe të mbrojtur nga interesat kombëtare, Serbia shpesh përdor gënjeshtra dhe propaganda për të promovuar politikat e saj dhe për të shpërndarë ndihmën për aleatët e saj rusë. Kjo është përpjekje për të pasur një ndikim të madh në rajon, veçanërisht në Ballkan, por kjo nuk mund të arrihet duke e injoruar realitetin dhe drejtësinë ndërkombëtare.

Serbia ka përdorur gjithashtu taktika të ngjashme ndaj Izraelit, duke mbajtur një qëndrim të pasigurt dhe të dyzuar në lidhje me të drejtat e popujve të tjerë, përfshirë Palestinën. Kjo lëvizje është gjithashtu një provë e rrethimit të politikës serbe, e cila po bën përpjekje të mbajë një kurs të dyfishtë ndërmjet ndikimeve të mëdha – njëherësh të afërt me Rusinë, dhe njëkohësisht të përpjekur të zhvillojë marrëdhënie të ngushta me Perëndimin dhe shtetet demokratike.

Përfundim

Në këtë moment të gjeopolitikës globale, është e qartë që politika e Turqisë, përfshirë atë të Erdogan, është një qëndrim shumëdimensional që synon mbrojtjen e interesave kombëtare. Akuzat për “tradhti” ndaj Rusisë nga mediat serbe janë një tentativë për të manipuluar situatën, duke përdorur një narrativë që mbështet interesat e një aktori të caktuar në rajon, ndërkohë që injoron kompleksitetin e marrëdhënieve ndërkombëtare. Serbia, në vend që të përdorë retorikë të tillë, duhet të kuptojë se diplomacia ndërkombëtare nuk mund të ndalet në mbështetje të verbër të një aleati, por duhet të jetë e balancuar dhe e orientuar për të mbrojtur interesat dhe të drejtat e të gjitha shteteve dhe popujve, duke kontribuar në stabilitetin dhe sigurinë globale.