Pas reagimit të dioqezës Rashkë-Prizren rreth atyre që u thanë në emisionin “Konfront” të Kohavizionit para katër ditësh rreth angazhimit të Kishës Ortodokse Serbe në krijimin e platformave hegjemoniste serbe si dhe bekimit që iu dha fushatave ushtarake të armatës jugosllave dhe paramilitarëve serbë në luftrat e viteve 1991-1999 në Kroaci, Bosnje dhe Kosovë, reagoi edhe Princi Filip, i cili kishën e ndërtuar në hapësirat e Univerisitetit të Prishtinës si një demonstrim klerofashit, e quajti tempull në “një vend ku guri u bë dëshmitar i Zotit dhe i njeriut”. Ai paralajmëroi se përdhosja e vendeve të shenjta, mohimi i prezencës historike të serbëve dhe revizionizmi që kërcënon ta kthejë viktimën në kriminel paraqesin një rrezik që nuk duhet të anashkalohet.
“Ai që prek tempujt, prek themelet e qenies sonë”, tha princi, duke kujtuar fjalët e stërgjyshit të tij, mbretit Aleksandër Unifikues, i cili tha se “Kosova nuk është çështje momenti, por çështje përjetësie”.
Ai që prek tempujt, prek themelet e qenies sonë”, tha princi, duke kujtuar fjalët e stërgjyshit të tij, mbretit Aleksandër Unifikues, i cili tha se “Kosova nuk është çështje momenti, por çështje përjetësie”.
Princi Filip u bëri thirrje të gjithë liridashësve që të ngrihen për mbrojtjen e këtyre vendeve të shenjta, jo vetëm si simbole kombëtare, por si vepra të trashëgimisë botërore.
“Besimi ynë është i heshtur, por i pamposhtur. Kohëzgjatja jonë nuk është çështje fuqie, por kuptimi”, përfundoi Princi Filip, duke thënë se “historinë nuk e shkruajnë ata që gjëmojnë nëpër studio, por ata që ndërtojnë tempuj dhe i ruajnë”.
___
