Shqiptar Shaljani, Shalë e Bajgorës
___
Mitrovica është në një moment të rëndësishëm politik. Dëgjova deklaratën e kandidatit Arjan Tahiri se, nëse zgjidhet Kryetar, do t’i mbështesë të gjithë qytetarët pa dallim besimi. Deklaratë e duhur dhe e pritshme.
Mirëpo në të njëjtën fushatë patëm edhe mesazhe që thoshin se Mitrovicës nuk i duhet bashkëpunim me Prishtinën apo me partnerët ndërkombëtarë, por vetëm “politikë lokale”.
Unë mendoj ndryshe: Mitrovica ka nevojë pikërisht për bashkëpunim institucional, me Prishtinën e me aleatët tanë, sepse kështu mbrohet interesi i qytetit dhe i shtetit.
Prandaj, si qytetar i lirë i Mitrovicës, kam dy pyetje të drejtëpërdrejta e të hapura:
Nëse zgjidheni Kryetar, a do ta mbështesni ndërtimin e Kishës Katolike Shqiptare në Bajgorë — projekt identitar, kulturor e historik, pjesë e rrënjëve të Shalës, Bajgorës dhe Kosovës?
Sepse ky projekt nuk ndahet me parti, as me fe, as me fushata — është çështje identiteti kombëtar.
Dhe pyetje tjetër krejt parimore:
Kush do të shqetësohej më shumë nga ky projekt?
Ju, për shkak të bindjeve fetare, apo Beogradi, që historikisht ka kundërshtuar çdo shenjë të trashëgimisë shqiptare në Mitrovicë ?
Nuk pres përgjigje personale.
Pyetja është për opinionin.
Mitrovica duhet ta dijë çfarë vizioni kanë ata që kërkojnë ta udhëheqin.
Sepse Mitrovica nuk zgjedh thjesht një kryetar — zgjedh drejtimin e së ardhmes.
Me respekt,
Shqiptar Shaljani
(Qytetar i Mitrovicës)
Persa i perket pjeses se pare, pra bashkepunimit me partneret nderkombetarë plotesisht pajtohem me ju.
Per pyetjen e pare se a do ta mbeshteste ndertimin e kishes, mendoj qe do te ishte reale qe ate pyetje t’ja benit edhe kandidatit tjeter , zoteri Pecit. Nuk eshte korrekte qe pyetja t’i behet vetem njerit kandidat e tjetri te kursehet nga kjo pyetje qe, thene realisht eshte shume problematike.
z.Shqiptar Shaljani!
Nuk e kam të kjart se a keni bërë pyetjen me shkrim?
Një fjalë e urtë e popullit tonë thotë: “E SHKRUARA MBETETT – FJASLËT I MERR ERA!”
Më pëlqeu KOMENTI i albertit.