Edi Rama dhe Aleksandër Vuçiq: “Vëllezërit” e brengosur …Shpurdhjaku i Shqipërisë, sot në Tiranë, duke e mirëkuptuar i shqetësuar krye-Shpurdhjakun e Serbisë.
Sadri Ramabaja, Prishtinë
_________
Presidenti spordhjak në gëzofin e ujkut zbret në Tiranë
Me të zbarkuar në Tiranë para mediave që po përcjellin Samitin e Bashkimit Evropian dhe Ballkanit Perëndimor, presidenti serb Vuçiq u shpreh:
“… sa i takon integritetit territorial të Serbisë … është shkelur në mënyrën më të tmerrshme në 99’ dhe në vitin 2008”.
Është momenti i mirë që t’i kujtohet Vuçiqit po në Tiranë se, ishte Serbia që ushtroi brenda periudhës 1878-1999 tri herë gjenocid ndaj popullit shqiptar.
Këto tri valë gjenocidesh u shoqëruan me shpërngulje masive të shqiptarëve nga trojet e veta.
Gjatë periudhës 1877/78 Serbia u zgjerua në dëm të Shqipërisë dhe shqiptarëve, konkretisht nga provincat e Nishit, Pirotit, Vrajës dhe Toplicës – ku përfshiheshin përveç 8 qendrave urbane edhe plot 998 fshatra, një hapësirë që ishte pak më e madhe se sa Kosova e sotme.
Gjatë periudhës 1912/13 pushtimi i Kosovës dhe Sanxhakut të Novi Pazarit u shoqërua gjithashtu me gjenocid e shpërngulje të qindra-mijëra shqiptarëve…
Gjatë periudhës së apart’heidit (1989-1999) do të ushtrohej gjenocidi i tretë, i shoqëruar gjithashtu me shpërngulje të qindra-mijëra qytetarëve shqiptarë, që u kurorëzua gjatë vitiit 1999 me shpërnguljen biblike të shumicës absolute të shqiptarëve dhe vrasje e dhunime makabre.
Pretendimi i Serbisë për të aneksuar veriun e Kosovës, nuk fshihet dot me parollat për gjoja dëmtimin e integritetit të Serbisë në vitin 1999 dhe 2008. Prapa kësaj parolle fshihet projekti i Beogradit për korigjimin e kufijëve sërish në dobi të Serbisë.
Të qenunit realisht president spordhjak i një Serbie të stërfryrë në dëm të fqinjëve, nuk e bën dot Vuçiqin lider real të Ballkanit Perendimor. Përkundrazi, ai sot nën gëzofin europian sot ka zbritur në Tiranë ashtu si është në realitet: ujk i Stepave sllave.
