Tashmë është shtruar pllaka e parë e Xhamisë Qendrore në lagjen “Ulpianë” në Prishtinë.
Pas një zvarritje 10-vjeçare, në qershor të këtij viti, komuna e Prishtinës lëshoi lejen ndërtimore për ndërtimin e objektit të Xhamisë në lagjen “Ulpianë” në Prishtinë.
Punimet filluan në vitin 2020 kur edhe është lëshuar një leje e pjesshme për heqjen e dheut dhe vendosjen e pilotave.
Kjo xhami do të ketë kapacitet për 13 mijë e 905 persona.
Kështu do të duket Xhamia Qendrore në Prishtinë
Homologu turk i Myftiut Tërnava “inspekton” punimet te Xhamia Qendrore
Më 18 gusht 2022
Kryetari i Dijanetit të Turqisë (Drejtorisë për Çështje Fetare), Ali Erbash, i cili po qëndron për vizitë zyrtare në Kosovë, ka mbikëqyrur punimet që po bëhen për ndërtimin e Xhamisë Qendrore në Prishtinë, pasi edhe e financojnë këtë projekt, raporton Express.
Sipas njoftimit të BIK’ut, Erbash ka thënë se ndjehet i lumtur që ky projekt do të realizohet.
“Kryetari i Bashkësisë Islame të Kosovës, Myftiu Naim ef. Tërnava dhe kryetari i Dijanetit të Turqisë, prof. dr. Ali Erbash, sot, mbikëqyren punimet në ndërtimin e Xhamisë Qendrore në Prishtinë. Me këtë rast, Myftiu Tërnava e njohu mysafirin me ecurinë e mbarë të punimeve dhe se gjithçka është duke ecur sipas planit dhe dinamikës së paraparë”, thuhet në njoftimin e BIK.
Ndryshe, Dijaneti i Turqisë e financon ndërtimin e Xhamisë Qendrore në Prishtinë. Kostoja e këtij projekti është rreth 30 milionë euro./Express,
Disa mendime për xhaminë turkomadhe të Prishtinës dhe për xhamitë e tjera turke në “Arnautlluk” …
___
Siç e vëreni punimet i inspektoi edhe kryetari i Dijanetit të Turqisë, prof. dr. Ali Erbash, të cilit i raportoj për ecurinë e ndërtimit të kësaj megaxhamie në “vilajetin osman” të Kosovës, kryetari i BIK-ut Naim Tërnava.
Dijanetit të Turqisë është organizatë religjioze islamike, e afërt meQeverinë e Turqisë, që e ka për detyrë përhapjen e islamit në botë, me theks të veçant në viset e dikurshme të Perandoisë Osmane, që neoosmanët turkomëdhenj i konsiderojnë ende të vetat!
Depërtimi “strategjik” përmes islamit, është mënyra më e përkryer e realizimit të ëndërrave perandorake turke.
Përgjat pothuaj gjashtë shekujve të pushtimit turk-osman, viset shqiptare kanë shërbyer kryekëput për aftësimin e përgatitjen e ushtarëve turq-osmanlinj, që i kanë dërguar për të luftuar për synimet e qëllimet perandorake në anë të ndryshme të botës së pushtuar nga PO.
Kjo xhami me kapacitet për 13 mijë e 905 persona, në realitet është një kazermë tepër e madhe ushtarake turkomadhe, apo më e madhja deri tash në “viset perandorake neoosmane”, pasi aty mund të hysh si Shqiptar, por prej saj, sikurse nga xhamitë e tjera, nuk mund të dalësh si i tillë, pos si turkomadh e panislamist, që do të thotë njëherit indirekt edhe si serbomadh e rusomadh.
Për këtë xhami zemra e madhe – turkomadhe e “Vëllaut të Madh Turk”, i ndau për “Vëllaun e Vogël Arnaut” të Prishtinës mbi 43 milionë euro nga xhepat e taksapaguesve të shtetit turk, vetëm që mos ta lë “Vëllain e Vogël” pa xhami, në të cilën qysh ka thënë Rexhep Taip Erdogan, dalin ushtarët e Islamit!
