TELEGRAM NGUSHËLLIMI
Me pikëllim të thellë morëm lajmin për ndarjen nga jeta të humanistes, poetes e atdhetares së shquar Dr. Flora Brovina.
Kosova humbi një grua të jashtëzakonshme, humaniste, mjeke, poete dhe veprimtare të palodhshme, e cila me guximin dhe përkushtimin e saj la gjurmë të pashlyeshme në historinë dhe kujtesën tonë.
Dr. Flora Brovina ka qenë një përkrahëse e madhe e Qendrës “Gjenocidi në Kosovë-Plagë e Hapur” si dhe kauzës për ngadhënjimin e drejtësisë për gjenocidin në Kosovë. Ishte ndër të parat që ka përkrahur iniciativën tonë që lulëkuqja me katër petale të bëhet simbol zyrtar i përkujtimit të viktimave të gjenocidit në Kosovë.
I shprehim ngushëllimet tona të sinqerta familjes së Dr. Flora Brovinës si dhe të gjithë të afërmve e miqve të saj të shumtë.
Lavdi jetës dhe veprës së Dr. Flora Brovinës!
Gjenevë, më 15 shtator 2026
Qendra “Gjenocidi në Kosovë – Plagë e Hapur”
Bardhyl Mahmuti, Kryetar
Adnan Asllani, Zëvendëskryetar
Ngushëllime familjes Brovina dhe të gjithë shqiptarëve!
E ndjera u përkujtoft përjetësisht nga populli shqiptarë, për mirëqenien e të cilit ka sakrifikuar shumë!