Kufiri kulturor i Europës përballë Serbisë

Nëse shekuj me radhë, kalimi i kufirit midis Prusisë dhe Polonisë ishte i barabartë me kalimin nga Evropa e qytetëruar në Evropën barbare, ka gjasë që shumë shpejt, kufiri i Serbisë me Kosovën dhe shqiptarët do ta ketë po të njejtin kuptim. Zatën atë kuptim kulturor e kishte edhe në epokën e Pjetër Bogdanit. Jo rastësisht atbotë e më heret shqiptarët cilësoheshin nga serbët si PERËNDIMORË, ndërkaq feja e shqiptarëve, katolicizmi, quhej nga serbët si “Arbanashka vera”

Shkruan Sadri Ramabaja

Në këtë rrafsh duhet parë riformulimi i qëndrimit të Brukselit dje në raport me Serbinë.
Rezoluta përmes së cilës korrigjohet qëndrimi e deritashëm ‘as mish e as peshk’ ndaj identitetit shtetëror të Republikës së Kosovës (duke toleruar Beogradin me vite të tëra të mbajë zgjedhje brenda territorit të një shteti tjetër – Kosovës…), i jep fund dykuptimsisë së komunikimit mes Brukselit e Beogradit.

Nëse Serbia nuk dëshiron të mbetet jashtë këtyre kufijve kulturorë që po ngrihen mes Europës dhe Rusisë, atëherë duhet të pranojë realitetin e ri politik – Republikën e Kosovës.

Duket se këtë fakt Beogradi e ka nuhatur më heret, prandaj ka stisur ‘Ballkanin e Hapur’ si ide që e shpjen atë drejt krijimit të “Botës serbe”. Në këtë marshutë të strategjisë së tyre, Serbia fatkeqësisht po e  tërheq edhe kryeministrin tonë Edi Rama.

Sa më shpejt që Rama të dalë nga ky kurth, aq më mirë për të, por edhe për Shqipërinë.

Nëse shekuj me radhë, kalimi i kufirit midis Prusisë dhe Polonisë ishte i barabartë me kalimin nga Evropa e qytetëruar në Evropën barbare, ka gjasë që shumë shpejt, kufiri i Serbisë me Kosovën dhe shqiptarët do ta ketë po të njejtin kuptim. Zatën atë kuptim kulturor e kishte edhe në epokën e Pjetër Bogdanit.

Jo rastësisht atbotë e më heret shqiptarët cilësoheshin nga serbët si PERËNDIMORË, ndërkaq feja e shqiptarëve, katolicizmi, quhej nga serbët si “Arbanashka vera”.