Ramadan Veliu
***
Lajmi për planifikim atentati mbi Kryeministrin e Kosovës, për AKI-n paska qenë i njohur para më shumë se nje viti, por sipas kryeinspektorit te AKI-se, meqë “nuk kishte veprime konkrete” kjo ka mbetur vetem ne “nivel të informatës”! Kurse vet planifikimi sipas AKI-t, nuk qenka veprim konkret?!!!…
Qenka bastisur atentatori në tentativë, por nuk ja paskan gjetur snajperin, prandaj është lënë i lirë!!!… Sigurisht sipas kritereve te intelegjences kosovare, vetem ngrehja e këmbzes se snajperit duhet të jetë veprim konkret! Eh pasi t’ia ngrehte këmbzën, …pastaj do të viheshin në lëvizje organet e ndjekjes, …por kushedi ndoshta as atehere nuk do ta gjenin snajperin ne shtepi te atentatorit dhe ata do te ktheheshin në bazë duarthatë!…
Të lumët ne për intelegjencën kosovare, e cila vepron vetem pasi të kryhen “veprime konkrete” që dmth. vetëm pasi të ketë gjurmë gjaku.
Në anën tjeter gazetari Artan Hoxha e mori nën mbrojtje atentatorin potencial, sepse ai madje (nga)njëherë na paskesh ndihmuar edhe RENEA-n. Që le të nënkuptohet që ai ka lidhje të ngushta me njësinë speciale per intervenim te shpejt te Shqiperise RENEA! Tani profili i Prekë Sherrit na del shumë më i sofistikuar. Ai vertete mund te jetë snajperist specialist, siç është cilësuar nga hakerët që publikuan informatën. Edhe lidhja e Prekës së paku me një politikan të armiqësuar me Kryeministrin, e plotëson edhe më shumë mozaikun e politikës shqiptare, e cila ka ditur jo rrallë të veproj si një binom i lidhur ngusht me krimin. Se me cilet politikanë tjerë ka miqesi Preka, apo fotot e cileve politikanë të tjerë po i mungojnë publikut të gjërë, mundemi vetëm të spekulojmë, por me siguri z. Selamanaj nuk është i vetmi.
Meqenëse Preka paska lidhje me majat e politikes, por edhe të sigurisë së dy shteteve shqiptare, bëhet e qartë pse nuk ju gjetë snajperi, kur iu bastis shtepia e Prekë Sherrit. Për këso ditësh janë lidhjet!
Kjo situate më përkujton një anekdotë, kur një nuse e re e mbetur e ve, ju rrefente shoqeve: Çka jam tutë pramë, shpirti ke t’u m’lshu.
Pse moriiii?
O me ka trokitë dikush naten n’xham.
E pse mori nuk e thirrshe Efën (kunatin)?
U qyqe po ai Efa ish kan vet.
Si të arrestohej nga policia Efa Prekë, njeriu i tyre?!…
