Nga: Zeqir Bekolli
___
Në kuadër të veprimtarive shkollore me rastin e Epopesë së UÇK-së dhe ngjarjeve historike, më 5,6,7 dhe 8 mars 1998, me ish- Komandantin e Njësitit për Ndërhyrje të Shpejtë,z. Ajvaz Berisha u gjendem në mesin e kolektivit të vyeshëm të shkollës fillore “Fazli Greiçevci” në Vasilevë.
Kjo shkollë, me drejtor Shaban Berishën, në kuadër të këtyre datave historike, me nxënësit e shkollës kishin paraparë një sërë aktivitetesh. Në mesin e tyre edhe një ligjëratë nga komandanti Ajvaz Berisha, për veprimtarinë e UÇK-së dhe zhvillimin e veprimtarive në drejtim të mobilizimit në Zonën e Drenicës, përkatësisht në fshatrat e komunës së Drenasit. Arsimtarët dhe nxënësit u ndanë të kënaqur nga rrëfimet e njërit nga protagonistët luftës së UÇK-së dhe me këtë rast reflektuan dashuri për luftën e kësaj ushtrie dhe sakrificën e bërë për çlirimin e Kosovës.
Ajo që ra në sy më së shumti me këtë rast, ishin nxënësit e Klasës së II të kësaj shkolle, me arsimtaren Elheme Cërvadikun, të cilët para shkolle na pritën me uniforma të UÇK-së. Ky shembull i mirë, pos që është simbolik, ai shton edhe dashurinë e fëmijëve ndaj rezistencës dhe sakrificës së bërë të UÇK-së dhe të popullit tonë.
