Gani I. Mehmeti
Thuhet se ka Marrëveshje të Ohrit. Sa interesante është kjo! Marrëveshje pa marrëveshje, pse nuk ka marrëveshje!
Ështç e vëreteë se në të kalaurën, kur popullata shqiptare nuk dinte shkrim-lexim, të gjitha marrëveshjet bëheshin pa nënshkrime, vetëm gojarisht. Dhe, ato marrëveshje të gjitha zbatoheshin me përpikmëri.
Madje, ka ndodhur kur dasmorët kishin shkuar një javë më parë ta marrin nusen, dhe familja e nuses e kishin bërë gati shpejt e shpejt dhe ua kishin qitur në qerre vajzën e tyre, duke i thënë: Shko, si sot, si sot një javë!
Po Marrëveshja e Ohrit, e cila nuk u nënshkrua, a mos Vuçiqi është analfabet pse nuk e nënshkroi!!! Jo, por kjo është një kamuflim, është një mashtrim edhe ndaj shqiptarëve edhe ndaj Borellit e Lajçakut, pse jo edhe ndaj Eskobarit.
A është kjo e para marrëveshje e panënshkruar e Serbisë në lidhje me shqiptarët?
Jo. Serbia nuk e ka nënshkruar as Marrëveshjen e Konçulit për ndërprerjen e luftës mes saj dhe UÇPMB (Ushtrisë Çlirimtare të Preshevës, Medvegjës e Bujanocit), për çka edhe nuk e zbaton sot, duke u arsyetuar se nuk e ka nënshkruar. Por, kjo si duket, është harruar edhe nga shqiptarët edhe nga ndërkombëtarët.
Pra, të mos ngutet Albin Kurti dhe asnjëri nga dialoguesit shqiptar, të mos nënshkruajë askund para se të nënshkruajë Vuçiqi, apo cilido nga dialoguesit serbë, sepse ata të fusin të nënshkruash e vetë i ikun nënshkrimit.
Kështu edhe Vuçiqi, posa u kthye në Beograd pas Marrëveshjes së Ohrit, deklaronte me krenari se nuk ka nënshkruar asgjë, me çka e mohonte jetëgjatësinë e kësaj marrëveshjeje, çka do të thotë se nuk ekziston më.
Dhe, po kjo Marrëveshje, siç u pa në bisedimet e 14 shtatorit 2023, u vërtetua se ka rënë së zbatuari edhe nga vetën ndërmjetësuesit, deri sa ata nuk po shkonin e nuk po kërkonin zbatimin e saj sipas pikave të rënditura në “Marrëveshje”, por po kërkonin vetëm Asociacionin! Me këtë, edhe Vuçiqi edhe ndërmjetësuesit Borell e Lajçak, po donin ta mashtronin Albin Kurtin.
Marrëveshja e Ohrit duhet të zbatohet duke u nisur nga pika e parë e deri në të fundit, ose nuk ekziston fare, kështu sikur nuk iu përmbajtën vetë edhe përpiluesit – Borell e Lajçak.
Pra, mos u mashtroni, deri sa nuk ka nënshkrime dhe deri sa atë nuk e zbatojnë sipas pikave të rënditura, është vetëm një mashtrim. Për këtë, është mirë të ankohet e të arsyetohet edhe kryeministri i Kosovës në BE, se këta janë duke luajtur, duke mashtruar dhe duke mos e zbatuar nga vetë përpiluesit, për çka ata janë fajtorë bashkë me Vuçiqin e jo Kurti. Dhe në të ardhmen, të mos ketë marrëveshje pa nënshkrim.
Me kaq sa u tha, themi se, NUK KA MË MARRËVESHJE TË OHRIT.
