Florim Zeqa
Fillimi me një orë vonesë dhe mosaprovimi i mandateve të deputetëve e nxori në shesh paradoksin e shkeljes së Kushtetutës nga ana e Kabinetit Qeveritar, me prezencën e dyfisht në Kuvend: si qeveritarë dhe deputet njëkohësisht. Paradoksi tjetër është se koalicioni fitues i zgjedhjeve (LVV+G+A), i cili e pretendonte se i ka numrat për formimin e Qeverisë doli t’i ketë vetëm 52 deputet!
Dorëheqje e kontestuar e Qeverisë!
Letra e dorëheqjes së Albin Kurtit dhe e kabinetit qeveritar e 23 Marsit 2025, e protokoluar ditën e Seancës së Kuvendit, pra në ditën e sotme, më 15.04.2025, përveqse paradoks në vete, paraqet shkelje të rëndë kushtetuese!
Pas këtij veprimi, vazhdimi i Seancës varet nga vendimi i radhës i Presidentes Osmani, e cila mund ta caktoj një seancë të re ose ta dërgojë çështjen në Gjykatën Kushtetuese, e cila do të merrë kohë të gjatë dhe ne do të përballemi me aventura të reja politike deri në konstituimin e Legjislaturës së IX të Parlamentit të Kosovës.
Deri atëherë do të vazhdojnë pazaret politike për formimin e Qeverisë së Re.
Kjo situatë e re dhe e pazakont e bllokimit të punës së Kuvendit në një pikë fillestare kërkon interpretim ligjor nga ana e Gjykatës Kushtetuese.
Një fillim kaq të keq dhe të mbrapsht të Legjislatures së Re nuk e kanë pritur as pesimistët më të mëdhenj.
Sadoqë partia fituese fajin po e hedhë tek opozita, përgjegjësia për këtë dështim skandaloz është e Albin Kurtit, i cili nuk do duhej të shkonte në seancë i papërgatitur dhe pa dorëheqje paraprake të kabinetit qeveritar!
Si do që të jetë, kjo ishte një fitore e vogël e opozitës dhe një humbje e madhe për Kosovën, për të cilën çdo ditë e humbur pa institucione legjitime do t’i kushtoj vendit me regres ekonomik dhe stagnim politik në arenën ndërkombëtare.
Jo rastësisht në fillim të ditës së sotme i parashtrova tri pyetje dhe e dhashë në përgjigje hipotetike:
1) Si do të zhvillohet sot loja në Kuvend?!
2) A do të kemi Qeveri apo do të shkojmë në zgjedhje?!
3) A do të ndodhë mrekullia?!
Zgjedhja e Qeverisë do te ishte mrekullia e dekadës së tretë të mileniumit të tretë për shqiptarët e Kosovës!
Megjithatë, nuk ndodhi mrekullia!
