Kisha Ortodokse Shqiptare e fshatit Zhuzhnjë, një objekt që i rezistoi gjithçkaje, na kthen në kohën kur para 100 vjetësh në këtë fshat luteshin shqip rreth 150 shqiptarë ortodoksë, ndërsa në të gjithë hapësirat e Rekës së Epërme jetonin më shumë se 3221 shqiptarë ortodoksë që ruanin besimin dhe traditat e tyre.
Reka e Epërme ka qenë një prej qendrave më të rëndësishme të komunitetit ortodoks shqiptar, ku kultura dhe feja janë lidhur ngushtë, duke mbajtur gjallë identitetin kombëtar nëpërmjet gjuhës dhe riteve fetare.
