JOQ Albania
Të gjithë punonjësit që i përkasin besimit mysliman mund të përfitojnë të drejtën të përfitojnë dy orë pushim gjatë mesditës ditën e premte, për të kryer faljen e namazit të xhumasë.
Ditën e djeshme në Kuvend është prezantuar një nismë një nismë që parashikon disa ndryshime në Kodin e Punës për të respektuar të drejtat fetare të punonjësve myslimanë.
Sipas këtij propozimi, punëmarrësit që i përkasin besimit mysliman do të kenë të drejtën të shkëputen nga puna për të kryer faljet ditore dhe veçanërisht, të kenë dy orë pushim çdo të premte për faljen e namazit të xhumasë.
Në komisionet parlamentare, u diskutua edhe detyrimi që u vendoset punëdhënësve për të ofruar hapësira për falje në rast se kanë më shumë se 50 punonjës të besimit mysliman.
Megjithatë, disa deputetë shprehën shqetësime për mundësinë e abuzimeve. Shpresa Marnoj ngriti pyetjen se si do të kontrollohet zbatimi i kësaj mase, në mënyrë që të shmangen përdorimet e pajustifikuara të lejes.
“A është parashikuar se si mund të kontrollohet kjo gjë? Sepse kur vjen fjala pastaj një shkëputje nga puna, apo një orë pushimi mund të abuzojnë, ose të kërkohet që të bëhet edhe nga punonjës të tjerë, që mbase nuk e duan për atë arsye, por që të abuzohet dhe të vazhdojnë të shkëputen nga ora e punës”,-replikoi Shpresa Marnoj.
“Për sa i përket, se si do të verifikohet. Unë nuk besoj se dikush deklaron që një i punësuar do të shkoj në xhami, të falë namaz 2 orë, do gënjej. Sepse flasim për njerëz që besojnë në Zot”,-u përgjigj Gështenja.
Propozimi nuk kaloi pa kundërshtime. Deputetja socialiste Milva Ikonomi kujtoi se Kushtetuta shqiptare e përcakton qartë Shqipërinë si shtet laik, duke theksuar se shteti nuk duhet të ndërhyjë në çështjet e besimit fetar.
“Po të ishit referuar, kemi një nen të caktuar që Republika e Shqipërisë është një republikë laike. Dhe shteti është neutral, shteti na lë për besimin si të duam vetë. Nuk ndërhyn shteti atje”, tha deputetja socialiste, Milva Ikonomi.
____
Vërejtje!
A e shihni, pra se si “të gjithë “muslimanët” në Shqipëri, mund t’i kenë dy orë pushim për “faljen e namazit të premteve”, njësoj si në vendet teokratike!
Ndoshta pak kush beson por “një politikë” në Tiranë është bërë zëdhënëse e të keqës, vetëm e vetëm që mos ta lejoj forcimin e identitetit kombëtar shqiptar dhe që Shqipëria të mos prij për të mirë në raport me kulturën nacionale si shtet i formuar në vitin 1912, atëhere kur u formua shteti “por nuk kishte shqiptar” sipas Faik Konicës, se shqiptarët deri në atë vit me dhunë e moslejim të shkollimit shqip shndërroheshin në Turq.
Deri në atë vit shqiptarët bëheshin Turq pa i pyetur se “ishin myslimanë”, ndërsa Sot, në qershor të vitit 2025, vazhdohet ku e ka lënë pushtimi turkomadh dikur me procesin e neoosmanizimit, të cilin për befasinë e mbarë politikës demokratike botërore po e ndihmojnë “udhëheqësit shqiptarë”, apo të thuhet më mirë ndihmohet prej “minukve arnaut” të politikës së verbër dhe të pa dinjitet shqiptare…?!
Pak kush beson se disa “të mira” gjithndej në shqiptari kanë ardhur mu nga Shqiperia, ku prinë “këshillat” për vrasjet politike në Kosovë, islamizimi, kaosi në debate të shthurura e fyese etj.
Ta lejosh “xhematin” që t’i kenë nga dy orë të lira nga puna për “faljen e namazit” të premteve, është fillimi i krijimit të shtetit teokratik. Ky është ndihmesë për islamin politik antishqiptar të cilit nuk i mjaftojnë xhamitë për krijimin e të ashtuquajturit “Umeti i Profetit”!
Popullata në Shqipëri është ende ateiste, por duan me të gjitha mënyrat e mundshme që, qoftë edhe me zor, ta bëjnë popullatë Muslimane!
Shembujt e shtetit teokratik të Iranit , apo të ndonjë vendi tjetër, u duken të mirë e të dobishëm, të mallkaurve…!
