Pirro Prifti, Tiranë
A i duhet Shqipërisë një i marrë për President?
Lexova me kujdes paralajmërimet ogurzeza e një konspiracionisti dhe kërkesën e tij për tu bërë President i Shqipërisë dhe mënjëherë mu kujtua poezia e Dritëro Agollit për të marrët ku shkruhet:
E shpojnë lakrën, i hedhin mënd.
Në vendin tim e në vendin tënd
Ty te kruhet, tjetrit i dhëmb.
Në vendin tim e në vendin tënd
Hënën si petull e pjekin në shkëmb.
Në vendin tim e në vendin tënd
Një i çmendur, një vend e çmend.
Nuk është për tu habitur se Shqipëria është vëndi që lind e ka plot komandantë, komisarë rrugëve dhe kafeneve, kurse pjesa tjetër në përgjithësi ose janë të damllosur me dëshirën për të mos punuar dhe përtacia e tyre ështe emblematike, sepse kërkojnë punë vetëm në administratë ku mundësisht të jenë drejtorë apo shefa sektori pavarësisht se çfarë shkolle kanë bërë, kurse një pjesë tjetër e bëjnë me zell spiunllëkun dhe patronazhistin, dhe një pjesë e vogël mbeten normalë të cilët po vazhdojnë të pinë në burimin ku pijnë të marrët, dhe tendënca është për tu marrosur i gjithë populli nëse nuk u vihet fre madhështisë së marrëzizë është shumë e mundëshme me kalimin e kohës.
Pra në Shqipëri nuk sheh shtresë të mesme të vërtetë, por sheh ose vetëm drejtues, ish drejtues që tundin kokën me përçmim nga që mendojnë se i kanë hequr me pa të drejtë pasi janë larguar nga detyra për korrupsion apo mitmarrje ose bodigardë, roje private, apo militantë të partive të mëdha e të vogla, që së bashku me plot femra të patinuara e të stisura e me buzë të ngopura me botox që preferojnë motelet ose mediat, së bashku përbëjnë shtresën e mesme të Shqipërisë së sotme të katër anarkive të Fan Nolit.
Pjesa tjetër, ajo që punon me të vërtetë, ose ka ikur , ose është shmangur nga betejat mediatike të VIP-ërisë fallco shqiptare, porse në heshtje shikon ç`po ndodh në këtë demokraci ku nuk respektohet ligji dhe askush nuk I merr në refene sepse demokracia anarkike e sotme ka frike të vendosë në drejtim të aftët. Pse? Sepse ata zbatojnë ligjin dhe kjo nuk I pëlqen të marrëve dhe të paaftëve.
Sidoqoftë, luani ynë i tërbuar që ka 1 miliard klikime për teoritë e tij konspiracioniste, si ballist trim, e sheh globin si pjatë me mish qëngji të gatuar nga ersekarët, dhe është ai që profetizon dhe paralajmëron se çdo ndodhë në të ardhmen me vëndin e tij dhe botën.
Pra është më i famshëm se Kryeministri i këtij vëndi sepse Kryeministri nuk ka parashikuar asgjë përballë parashikimeve të Konspiracionistit me Nam , përveç rastit kur ka thënë se Shqipëria do të hyjë në 2027 në BE. Ndërsa Konspiracionisti ynë me Nam ka parashikime më ogurzeza njëlloj si ish ballistët trima për Shqipërinë dhe parashikon nëse rivali i tij kryeministër do të vazhdojë të drejtojë pa opozitë sepse ai e ka shkatërruar opozitën, dhe sipas të dhënave konspirative të marra nga Deep State dhe Rotchild, Kryeminsitri dashka ti japë non-grattës kryetarin e Bashkisë dhe profetizon për Shqipërinë që më mirë të ketë një `fund të tmerrshëm sesa një tmerr pa fund`!!!???
Këtë parashikon profeti yne i rremë por konspiracionit. Ka parashikuar pasi ka parë llumin e kafesë turke që e pi para se të konspirojë, se kush ka vrarë Olldashin, se si janë bërë bashkë non gratta me Ramën, se si këto dy familje janë bërë bashkë për të shkatërruar Shqipërinë. Marrëzitë e Konspiracionistit nuk kanë fund por do të merremi vetëm me letrën e hapur të tij ku nxin Shqipërinë.
Për këtë arësye njëlloj si argumenti Don Kishotesk i cili deklamonte se: `Arsyeja e mosarsyes,qe i behet arsyes time, ma dobeson aq shume arsyen,sa me arsye vajtoj bukurine tende.`. Nëse Don Kishoti e kishte për Dylqinjën e Tobozës, Konspiracionisti ynë e ka fjalën për Shqipërinë.
Ashtu sikundër shkrova më lart se Shqipëria është e mbushur më komandantë e komisarë të cilët mund ta drejtojnë Shqipëirënë edhe pa ndonjë shkollë gjë që e kanë treguar edhe në kohën e Perandorisë osmane, e cila pati 36 kryevezirë që dëmtuan jo vetëm Perandorinë osmane por edhe nuk lanë asnjë shënjë dhe asnjë ndihmë për Shqipërinë, por edhe në kohën e Zogut dhe në atë diktaturës, pale që në demokraci mund ta drejtojnë pa problem, – ashtu si dhe konspiracionisti ynë që kërkon të bëhet President!
E përse ai të mos bëhet President, kur Presidentë deri tani nëse janë bërë njerëz të ngjashëm më të për nga natyra e shprehurit si gjysmë-perëndi kur parashikojnë të ardhmën e vëndit, por nuk i kanë patur cilësitë marra që ka pretendenti ynë?
Sigurisht populli shqiptar gjithmonë ka zgjedhur për kryetarë disa persona të gjatë, me pak kurriz të dalë, e sy shqiponjë, dhe me flokë të dëndur, ca me mjekër e ca të rruar e të kruar – përse të mos zgjedhin tashmë meqë janë mërzitur nga Madhështitë e të kaluarës (që e çuan Shqipërinë në vënd të fundit ne Europë për nga ana ekonomike e sociale), një person me aftësinë për të konspiruar duke ndjellë fatkeqësira dhe funde të tmershëm?
Mesa duket, siç thonë pleqtë-Marrëzia ka zënë vënd në Shqipëri që kur Shejtani kaloi rastësisht në vëndin tonë mbushur kapedanë e kaçakë të çartur e të marrë, dhe kur I pa, i shkundi poturet duke qeshur gjatë sundimit ottoman, por edhe deri më sot Shqipëria nuk po gjen derman nga këta individë që populli i pëlqen jo për llogjikën e tyre, por sepse bërtasin e ulurasin sepse sigurisht janë sociopatë të rregjur, dhe ky popull thotë me vehte: `po ky na duhet sepse bërtet fort dhe i ngjan Lalë Gjonit i cili nuk pyet për ligje por ka thënë: Sa të jetë Lalë Gjoni hani pini e këndoni`, sepse pjesa e shoqërisë së kapur që zgjedh kapedanët dhe nuk e ka qejf punën sepse asnjëherë nuk ka bërë demostrata për të gjetur punë por ka bërë demostrata e protesta për të hequr atë që i është ngjirur zëri për të vënë një tjetër që bërtet ashtu si u a do interesi i tyre….
Shpresojmë që shoqëria jonë, ajo e ashtuquajtura civile apo jo civile, qoftë KÇK, qoftë normale, nëse ka mënd në kokë duhet të shmangë këta individë nëse kërkon të hyjë në BE, nëse kërkon të respektohet ligji, nëse kërkon që të të drejtojnë profesionistët dhe meritokratët, le të kërkojë ndryshime të ligjit të zgjedhjeve, le të kërkojë përmirësim të Kodit penal, le të vendosin kritere për përzgjedhjen e kryetarëve të bashkive, ministrave, këshiltarëve, dhe vetë Presidentit.
Për të gjitha këto poste në administrën shtetërore dhe lokale duhet një refomë e plotë sipas ligjeve të BE, në mënyrë që Marrëzia dhe të marrët që gëlojnë në Shqipëri, të mos kenë mundësi të kërkojnë poste, por të kenë mundësi të kurohen apo të rrinë në institucionet ku shërbehet për to.
priftipirro2017@gmail.com
