Gani I. Mehmeti
ÇKA PAS ZGJEDHJEVE LOKALE NË KOSOVË, A DO TË ARRIJNË TË PAJTOJNË TË MËDJHENJTË NGA TË VEGJLIT?
Me marrëveshjet për të ndihmuar fitoret në balotazh të njëra-tjetrës për kryetar komunash, ka gjasa që të vegjlit do të arrijnë t’i pajtojnë të mëdhenjtë. Atje ku janë LVV dhe LDK në balotzazh me të tjerët, mund të mirren vesh që elektorati i njërës parti ta ndihmojë tjetrën për të fituar, dhe kështu, do të ishte mirë të harrojnë kundërshtitë e tyre të ashpra të deritanishme dhe të pajtojnë e të formojnë bashkarisht edhe qeverinë.
Në këtë rast, do të fitonin që të dy partitë. Edhe LVV edhe LDK, ku, përveç se do të fitonin më shumë kryetarë komunash, do të formonin edhe qeverinë, pothuaj të përbashkët.
Meqë Albn Kurti nuk do e lëshojnë postin e kryeministrit, njëra prej ministrive më të rëndësishme për marrëdhëniet me jashtë, mbasi edhe është kritikuar shumë për “prishje” të marrëdhënieve me ndërkombëtarët, do të ishte mirë që LDK të marrë ministrinë e jashtme, nëse ajo këmbëngul dhe nëse për të i duket se është me rëndësi të madhe.
Ose, përse jo, do të ishte mirë që të ndahen edhe me short, por mbasi të merren vesh se nga sa ministri do i udhëheqin njëra dhe tjetra.
Përveç kësaj, për të vazhduar qeverisja, duhet të lënë të kaluarën dhe të jenë në radhë të parë të sinqertë e të hapur bashkë për ta çuar mandatin deri në fund. Po e them këtë sepse, ndodh nganjëherë që pas kundërshtimeve të mëdha, lindin edhe pajtime të mëdha deri në miqësi.
Dhe, kjo do duhej bërë për hir të Republikës së Kosovës, në radhlë të parë, pastaj edhe për hir popullit e gjendjes politike ku jemi.
Për të fituar sa më shumë komuna njëra dhe tjetra, ato do duhej të lidhin marrëveshje që ta ndihmojnë njëra-tjetrën atje ku gara zhvillohet me ndonjërën parti tjetër.
Për shembull: LDK do ta ndiihmojë LVV në Prishtinë, Mitrovicë, Gjakovë, Prizren, Kaçanikl, Rahovec, dhe Vushtrri. Kështu edhe LVV do ta ndihmonte LDK-në atje ku prëballet me cilëndo parti tjetër në balotazh, .
Atje ku në balotazh janë të dyja, fiton pa ndihmën e njëra-tjetrës ajo që votohet nga zgjedhësit, si në: Prishtinë, Gjilan, Pejë, Fushë Kosovë, Viti dhe Obiliq.
Kanë rastin të fitojë Kosova dhe të dyja të dyja këto parti.
