Shkruan: Reshat Sahitaj
___
DONIKA GËRVALLA M’I MBYLLI DYERTË E AMBASADËS NË PARIS-DIKUR AMBASADA E JUGOSLLAVISË NË BRUKSEL KUNDËR SHFAQJES SIME / ( Ja dokumentet)
Si në Kosovën e pushtuar nga Serbia, edhe në Kosovën e çliruar, Serbia permes sherbëtorëve te vetë , pengon çdo process të zhvillimit dhe përparimit të vendit tonë. Pa u ndalur në pengesat e shumta që nuk e lejojnë përmirsimin e imazhit të shtetit tonë, do të ndalëm në fushën e kulturës që është boshti kurrizor i çdo populli në botë.
Pse Donika Gërvalla , m’i mbylli dyertë e Ambasadës sonë?!
Pas botimit të romanit tim “Iliriana” në Sh.B. “Harmattan” më 2 korrik 2025, gazetat prestigjioze si: “Le Parisien” përveç tjerash shkruan: “Reshat Sahitaj konfirmon me Iliriana statusin e tij si një shkrimtar i madh i skenës ballkanike bashkëkohore. Ashtu si Kadare, Kiš apo Ugrešić, ai dëshmon një epokë ku kufijtë politikë dhe identitarë vizatojnë vija ndarëse në zemër të vetë jetëve intime”. ( Le Parisien, 02/09/2025)
Ndërsa revista “International Diva Diplomatique” që shpërndahet në të gjitha ambasadat e botës në OKB shkruan:” Romani privilegjon një fokus të ngushtë, intim, që i jep një intensitet dramatik më pranë tragjedisë antike sesa freskës historike. Aty ku një shkrimtar si Orhan Pamuk shpalos gjerësinë e rrëfimeve multigjeneracionale, Sahitaj zgjedh shkurtësinë, fragmentin, heshtjen”.
Donika Gërvalla, Ministrja e Punëve të Jashtme e Republikës së Kosovës
Ambasada e Jugosllavisë dikur, Ministria e P.Jashtme e Kosovës sot kundër kultures sonë!
Romanin dhe kritikat të botuar në gazetat franceze ia dërgova Donika Gërvallës, më saktësisht Rexhep Gjergjit (shef i kabinetit të Donika Gërvallës). Në të nejtën kohë ambasadori i Kosovës në Paris i shkruan një kërkesë Ministrisë së Punëve të Jashtme në Prishtinë që t’i lejohet organizimi i promovimit të romanit “Iliriana” në lokalët e Ambasadës sonë në Paris.
Unë personalisht e njoftova Rexhep Gjergjin dhe i kërkova të më lejonte promovimin në lokalët e ambasadës, duke ia sqaruar se ardhja në promovim e qytetarëve dhe gazetarëve do ndikonte pozitivisht në ngritjen e imazhit të shtetit tonë.
Tri javë më vonë, Ambasada jonë nga Parisi më shkruan letren zyrtare së nuk munden të lejojnë promovimin , në mungesë të mjeteve materiale, ngase për këtë gjë është dashur të bëhet kerkesa njê vit më heret. Imagjinoni ! Ende pa u botue romani të bëhet kerkesa që te më lejohet lokali !
Rexhep Gjergjit i thash: këtë ndalim është duke bërë UDB-a dhe dikush nga ju jeni të UDB-së dhe se për këtë do t’i njoftoj rrjetet sociale dhe TV. . R.Gjergji më tha: Mos e fillo më presione….
Faktët
Më 1983, Ambasada e Serbisë, i shkruan letër Ministrisë së Punêve të Jashtme të Belgjikës, kundër shfaqjes sime “Kosovë Shqiponjë e robëruar”. Në vitin 1990, Ambasada e Jugosllavisë , i shkruan letër Ministrisë së P. Jashtme të Belgjikës, kundër veprimtarisë sime, Më 1994, Ambasada e Jugosllavisë i shkruan letër M.P.J dhe Ministrisë së Kulturës kundër filmit dokumentar që mos të shfaqet nê Festivalin Mesdhetar të Brukselit.
“Askund tankse, askund policë serbë. Askund ushtarë të Serbisë, por Kosova e pushtuar nga vetëvetja! Është fjalia e fundit e romanit “Iliriana”.
Ja faktet dhe letrat e Ambasades se Jugosllavisë, dhe të Kosovës
Embassy of the Republic of Kosovo in France <embassy.france@rks-gov.net>
11 sept. 2025 14:33
I nderuar z. Sahitaj,
Urojmë të jeni mirë.
Ju falënderojmë për interesimin tuaj për të iniciuar bashkëpunim me Ambasadën tonë.
Sa i përket kërkesës suaj, ju njoftojmë se e kemi shqyrtuar me kujdes. Ashtu si me çdo kërkesë apo propozim që nuk është paraparë direkt në planin tonë vjetor të punës, e kemi përcjellë për shqyrtim të mëtejmë në Ministrinë e Punëve të Jashtme dhe Diasporës (MPJD). Si rezultat, ju informojmë se MPJD nuk e ka miratuar mbështetjen për propozimin tuaj.
Duke mbetur të hapur për bashkëpunime të tjera në të ardhmen,
Gjithë të mirat,
Ambasada e Republikës së Kosovës në Paris
Ambassade de la République du Kosovo à Paris
Tel.: +33 (0) 1 45 00 02 06
Email: embassy.france@rks-gov.net
Address: 7 Rue de Monceau, 75008 Paris
I repektuari Reshat Sashitaj!
Edhe dje (më 17/ tetor/ desha të jap koment në shkrimin tënd, por prita a mos po jep dikush tjetër para meje koment. Sot e vërejta se prapë qëndron shkrimi i juaj në fq e DRINI-t,NUK ke asnjë koment në shkrimin tënd, ndaj vendosa të jap koment:
Në asnjërin nga dokumentet e paraqitura nga ju (bashkangjitur shkrimit) NUK figuron emri i Donikës, vetëm i shefit në kabinetin e saj Rexhep Gjergjit. Si fakt e paraqitëni FOTOGRAFINË E MADHE TË DONIKËS!`
Një pyetje:
A nuk gjete asnjë vend (sallë) tjetër në Kosovë apo tjetër shtet të promovosh librin, por t’u ka tek’ vetëm Ambasada e Kosovës???!
Shkrimtari i mirë nuk zgjedh vendin se ku do e promovoj librin, por lexuesin – dashamirin e librit.
Të krahasosh znj. Donika me regjimin “Jugosllav” është fyerje e rëndë. Ti e di fort mirë kush ia ka vra të vëllain- Jusufin.
Mendoj se fajin nuk e ka Donika, as Rexhep Gjergji, por Libri yt dhe sjellja jote. Vet e ke shkruar shak të ka thënë z. Gjergji: “Mos e fillo me presione…”
Shumë më mirë të kish ra me u sjell më butë e me mirësjellje se me presione!?