Bashkim Fazliu, Ferizaj
***
“Gjeneral Jankoviç” – ka qenë deri në 2010-ën emri i Hanit të Elezit, e maskuar si kinse emër në gjuhën serbe.
Dhe këtë emër të kriminelit Jankoviç, – ushtria gjakatare e të cilit e pushtoi Kosovën pas vitit 1912, e ka hequr me këmbëngulje dhe luftë politike, demokratike e ligjore RUFKI SUMA, i cili për fat të keq të qytetarëve të Hanit të Elezit, i paska “humbur” zgjedhjet për pak vota.
Pra, humbet njeriu që ua ka heq “Gjeneral Jankoviçin” dhe i cili është kryetari komunal më i pakorruptuar në histori të Kosovës, duke qenë edhe Komandant i asaj ane, gjatë luftët së UÇK-së.
Kjo sinqerisht është për t’u diskutuar!
Morra shkas të shkruaj pasi e pashë një titull portali, ku Gjykata Supreme ia kishte refuzuar një ankesë me një shqetësim koxha të pranueshëm dhe lehtë i verifikueshëm nga KQZ – t’i kontrollonte librat! Dhe kur ta mendon njeriu, çfarë sistemi gjykatësisht ka krijuar kjo shoqëri mosvet.
Mos të harroj, se gjykatës të kësaj Gjykate Supreme në lëndën time kanë bërë asi gabimi faktit sa që ma kanë shënuar se”nuk jam i certifikuar nga KQZ”. Veq paramendoni se duar të kujt është drejtësia! Por unë nuk ndalem dhe nuk jam ndalë! Do t’ia qes fytyrën e vërtetë këtij sistemi të krimbur!!!
Më vjen keq për qytetarët e Hanit të Elezit për këtë lëshim që kanë bërë ndaj z. Suma dhe veq uroj që t’ketë qenë zgjedhje e tyre e lirë!
Dhe sigurisht nuk dua të besoj se ka të tillë në Han të Elezit që nuk janë të kënaqur me heqjen e emrit Gjeneral Jankoviç. Ashtu sikur nuk dua të besoj se ka të tillë edhe në Ferizaj që nuk duan ta heqin emrin e pushtuesit, emrin Urosevac.
