Një zë i lashtë , poezi nga Safet Sadiku

Safet Sadiku

___

Një zë i lashtë

Poezi

Nëpër degë fryn një zë

i lashtë

një ulurimë që vjen

nga largësitë

E filtrojnë të gjitha

mendjet e zgjuara

si dritë që kalon nëpër

gurë të pastër.

Nga zërat e natyrës

mësova durimin

nga fortësia e maleve

drejtësinë.

Po punohet heshtur

për atdheun

që t’i rriten vlerat pa

bariera

me logjikën e

frymzimit luftuam

për ta fituar lirinë

shtetndërtuese.

Në çdo fëshfërimë gjej

një thirrje

që më kujton se rrënjët

flasin qetë

ruaji, nderoji dhe mbaji

të gjalla

se toka të flet vetëm

kur ti e dëgjon.