Agron Mani, Ferizaj
_____
Ramazani qenka i shenjtë, kurse laiciteti i Kushtetutës së Kosova jo?!
Laiciteti është vijë e kuqe ndarëse mes shtetit dhe fesë. Kjo vijë nuk guxon të kalohet
Pse orari dhe procesi mësimor në shkollën publike shqiptare po ndryshohen për nevoja të një feje, ndërsa orari i iftareve nuk ndryshohet për nevoja të asaj feje?
Askush nuk po thotë se është cenuar planprogrami mësimor, por është cenuar laiciteti i shkollës shqipe – shtetit.
Edhe pse kjo vijë është e vendosur qartë nga Kushtetuta e Republikës, kryetari i Prishtinës Perparim Rama, përmes islamistit politik Eman Rrahmanit pati guximin ta shkel atë.
Një arkitekt-politikan që deklaron se nuk është partiak e në anën tjetër koketon me të gjitha partitë politike, por në fund të ditës llogaritë politike ja paguan LDK-ja.
Ky rast skandaloz i arkitektit nga Londra duhet të jetë mësim për LDK-në që nesër: kandidati për kryetar të Prishtinës – dhe jo vetëm, duhet të jetë jo vetëm menaxher teknik i qytetit sepse qyteti nuk ka nevoj vetëm për sheshe e rrugë, ato i ka edhe Siria e Irani, por kandidati duhet të ketë përputhshmëri me vizionin institucionalist Rugovian të partisë, në mbrojtjen e pavarësisë të shtetit laik dhe me orientimin euro-atlantik.
Pse Kushtetuta e Kosovës është përpiluar si laike dhe neutrale?
Pikërisht që mos të vie në këso situatash si kjo e fundit, që sa herë dikush edhe nga politika tenton të fusë fenë në institucione, siq është ky rasti më i freskët:
Shoqëria polarizohet, rritet tensioni, fillojnë sharjet, fyerjet, etiketimet dhe dëmtohet rendi kushtetues.
Andaj që mos të vie deri te më e keqja mes popullit tonë:
Ky vendim duhet të anulohet urgjentisht nga Lumir Abdixhiku dhe LDK, që shpesh me të drejt na thot se “ne e dëgjojmë anëtarësinë dhe elektoratin e LDK-së”
Atëherë LDK duhet ti përgjigjet situatës, duhet të flet, ashtu siq foli në mbrojtjen e vrasjeve politike të veprimtarëve të saj më të mëdhenj, nëse LDK nuk e dënon cenimin e laicitetit nga kushdo qoftë, dhe nuk e korrigjon këtë veprim të gabuar, për ta ruajtur rregullimin kushtetues të Republikës, atëherë rrezikon ta humbasë mbështetjen e elektoratit institucionalist, pro-BE dhe pro-Amerikë.
Mos thoni nesër: Pse jemi zvogëluar?
LDK-ja dhe të gjitha partitë politike si dhe shoqëria me orientim properendimor nuk duhet trajtuar si temë tabu laicitetin kushtetues të Republikës, miqt në FB nuk duhet të heshtin ndaj interferimit të relegjionëve në te, me synim të bashkëqeverisjes së Republikës sonë edhe nga një kushtetutë e huaj fetare – sheriati.
Për të reaguar ndaj një Vendimi të Organeve zyrtare, duhet nisur nga QËLLIMI dhe ARSYESHMËRIA e sjelljes se atij Vendimi.
Për të folur apo shkruar mirë a keq për féné (islame apo të krishtërë – katolike) nevojitet të kuptuarit e drejtë të Islamit dhe të kuptuarit e drejtë Krishterizmit – katolicizmit.
Ju kisha preferuar që të lexoni librin: ETIKA E ISLAMIT DHE KRISHTERIZMIT – KATOLICIZMIT – të prof. dr. Mazllum Barasliu, ligjëruesh në Fakultetin Juridik Prishtinë (faqe 171-172).
JANË TË MIRËNJOHURA fjelët e JEZU KRISHTIT, gjatë aktit të KRYQËZIMIT të tij, nga ana e shtypësve romakë: “FALI O ZOT, SEPSE ATA NUK DIJNË SE ÇKA BËJNË!”