_____
VLORA ÇITAKU, ADA CIGANLIJA DHE LOTËT PAS VERDIKTIT!
Sot Vlora Çitaku flet me zemërim kundër vendimit të Gjykatës Speciale dhe thotë se Kosova nuk mund ta pranojë atë.
Mirëpo, zonja Vlora, kujtesa e popullit nuk është valixhe diplomatike që mbyllet kur hipet në aeroplan e hapet vetëm kur duhen votat!
Në opinion është hedhur një pretendim shumë i rëndë: se, para emërimit ambasadore në SHBA, Vlora Çitaku ishte dërguar nga Hashim Thaçi në një takim me Aleksandar Vuçiqin dhe Ivica Daçiqin në Ada Ciganlija, ku serbëve u ishte thënë se nuk do të prekeshin nga Gjykata Speciale.
Ne nuk e shpallim këtë pretendim fakt pa dokumente.
Por pikërisht për këtë arsye Vlora Çitaku duhet të përgjigjet publikisht:
— A ka qenë në atë takim?
— Kush e ka dërguar dhe me çfarë mandati?
— Çfarë është biseduar me Vuçiqin dhe Daçiqin?
— A iu dha palës serbe ndonjë garanci se kriminelët shtetërorë të Serbisë nuk do të prekeshin?
— A ishte posti i ambasadores shpërblim politik pas atij misioni?
Nëse pretendimi është i pavërtetë, le ta mohojë qartë dhe me fakte.
Por nëse është i vërtetë, atëherë sot nuk mjaftojnë fjalimet, lotët politikë dhe fotografitë me flamurin e UÇK-së!
Sa bukur është të bëhesh mbrojtëse e UÇK-së pasi Gjykata dha dënimet!
Sa lehtë është të bërtasësh kundër derës së burgut, pasi vetë politika e vjetër ndihmoi në ndërtimin e asaj dere!
UÇK-ja ishte lufta çlirimtare e popullit shqiptar — jo pronë e PDK-së, as e ndonjë grupi apo klani.
Prandaj nuk lejojmë që ajo të përdoret sot si perde për të mbuluar vendimet, pazaret dhe heshtjen e djeshme.
Zonja Çitaku, populli nuk kërkon më diplomaci me gjysmë fjalësh. Kërkon përgjigjen e plotë:
A ishit apo nuk ishit në Ada Ciganlija?
A folët apo nuk folët me Vuçiqin dhe Daçiqin?
Dhe çfarë u premtuat në emër të Kosovës?
Sepse historia nuk shkruhet vetëm në sallat e Hagës.
Ajo shkruhet edhe në takimet e fshehta — dhe një ditë, çdo procesverbal del nga sirtari!
UÇK-ja duhet mbrojtur me të vërtetën, jo me teatrin e vonuar politik!
Sak Muji
Ish i burgosur politik
Ish-koordinator i LKÇK-së në mërgatë për UÇK-në
