___
Zhvillimet e fundit rreth protestave nuk po përputhen plotësisht me frymën dhe qëllimin me të cilin u bënë thirrjet fillestare për një mobilizim gjithëpopullor.
Në një situatë kaq të ndjeshme, duhet të jemi veçanërisht të kujdesshëm me mënyrën se si shprehemi dhe me kërkesat që adresojmë. Diskutimet dhe protestat janë pjesë e një shoqërie demokratike, por ato duhet të na ndihmojnë të gjejmë zgjidhje dhe jo të krijojnë ndasi të reja.
Kërkesat ultimative për largimin e dikujt nga Qeveria, e aq më tepër etiketimi i njerëzve si “spiunë” apo “tradhtarë”, nuk i shërbejnë ndonjë qëllimi të mirë. Përkundrazi, mund të krijojnë hapësirë për përçarje dhe ndërhyrje të faktorëve që nuk i dëshirojnë të mirën Kosovës.
