U nis me shkua n’Ashtën e Shkrelit
R.I.P
Ai s’ka vdekë
me t’birin asht shkua hijeve t’pishave
mu freskua këtij fundshtatori
të gurra e Martin Bogës
ujë me pi faqet t’birit me ia la
fierin njomak me ia vu n’ballë
n’tufa klekash me fjetë
dyherë mu ngjallë dyherë me vdekë
Ai sot e ka marrë ngrykë Ujkan Smajlin
asht ngjitë Shkrelit thikpërpjetë
emnin e t’birit n’lisa me brisk me shkrua
kiterr asht ba n’rrema ujk n’kaçuba
pak ka vdekë e pak ka fluturua
M’besoni, ai sot asht hipë n’zekanin e shaluem
n’Stankaj me marrë Bajram Kelmendin
me dy djemtë
barin mbi varrin e Azemit me kositë
me ngjallë njiherë e dyherë me marrë ngryk
ai nuk vdiq
ai shkoi të shkrelët me fjetë
malli mos me mbytë.
27.09.2022
