Nga: Ahmet Asani, Zvicër
***
▪︎ Fjala shqipe çmësoj, (gjerm.verlernen, angl.unlearn, frengj. désapprendre, kroat. oduçiti) është njê fjalë e cila në gjuhën e folur shqipe sikur eshtë harruar, andaj edhe rrallë ose fare hiç nuk përdoret, e që për mendimin tim është një nga fjalët, për të cilën duhet bërë çmos që të futet sa më shumë në t’folmën e përditshme!
▪︎ E them këtë nga që mendoj se problemi kryesor i shqiptarëve nuk është mësimi, sepse shqiptari i mëson gjërat shumë shpejtë, por problemi i shqiptarit është që kur vie puna që disa shprehi të panevojshme e të dëmshme t’i çmësojë ( fshij) e heq nga truri, aty i hasë sharra n’gozhdë!
▪︎ Kur i thua shqiptarit të çmësoje tymosjen e cigares nga që nikotini është e dëmshëm për shëndetin, ai të flet për kafen të cilën nuk mund ta pi pa cigare!?
▪︎ Kur i thua shqiptarit se duhet të çmësohet nga menyra e te jetuarit dhe të vepruarit me shtyrje e bërryla, ai të fletë për t’parin e fisit, i cili paska pas qenë i parë e bajraktar!?
▪︎ Kur i thua shqiptarit që diaspora shqiptare duhet të jetë me shumë e organizuar në baza kombëtare se sa në ato partiake e fetare, ai ne vend se të flas per vatan të flet për Qabe e Vatikan, të flet per pikat, degët e rremat e partive dhe randësinë politike që ato kanë!?
▪︎ Prandaj, në menyre që sa më parë të fillohet me çmësimim e gjërave që po na e dëmtojnë qenien tonë njerëzore e kombetare, mendoj se ështê kohë e fundit që në të folmen e përditshme të futet fjala çmësoj!
▪︎ Vetëm duke i çmësuar vetitë e shprehitë e dëmshme për shëndetin tonë trupor e mendor, mund t’na pastrohet truri dhe Fryma Njerëzore e me kete edhe Fryma Kombëtare!
