Lis Bukuroca, Gjermani
___
Populli me votë i dha partive politike mandat për të themeluar Kuvend dhe Qeveri. Opozita refuzoi të dyjat, derisa në fund vendosi se kush duhet të jetë kryetari i Kuvendit nga partia fituese.
Duke pasur parasysh vendimet që duhet të merren për marrëveshjen me Serbinë, duhej një koalicion i madh, për të shmangur që nesër njera-tjetra të akuzojë për vendime të gabuara.
Opozita u barrikadua dhe, duke kundërshtuar çdo nismë, tregoi qartë mungesë përgjegjësie ndaj shtetit.
Nëse Kurti nuk fiton mbi 50% të votave dhe nëse opozita nuk formon qeveri me Liistën Serbe (nuk mund të besohet), do të përballemi përsëri me të njëjtat probleme, sepse opozita mbështetet në urrejtje, dhe kjo e pengon përballimin me realitetin.
Kosovës i duhet një koalicion i madh për të zgjidhur problemet e mëdha me Serbinë.
Populli nuk votoi për mosmarrëveshje dhe intriga; ai votoi për të stabilizuar shtetin, jo për ta rrënuar atë!
Opozita luftoi tërë kohën për krenari, jo për shtet! Çdo vendim, çdo bllokim, çdo kundërshtim ishte një luftë kundër interesit publik, jo për të ndërtuar të ardhmen e Kosovës.
Nga zhgënjimi me votat e fituara, ajo e dënoi popullin dhe dëmtoi shtetin. U ndie e lënduar nga votuesi, dhe mënyra e saj për t’iu hakmarrë, ishte perfide, e qëllimshme dhe rrënuese!
Kjo është tradhti ndaj pritshmërive të qytetarëve dhe ndaj shtetit që partitë politike duhet t’i shërbejnë.
Populli votoi për të ecur përpara, për t’u marrë vesh, jo për të votuar pësëri. Opozita i dha një goditje të rëndë shtetit të Kosovës!
CILA OPOZITE? NUK KA OPOZITE NE KOSOVE! ATY QENDROJNE DO NJEREZ, KRIJESA, E TE SHPELLES TE PLATONIT, NGA VEPRA E PLATONIT: “REPUBLICA”, KAPITULLI I VII.