Kreu Blog Faqe 881

Simbolika e numrit shtatë (7) në kulturën tonë popullore dhe te popujt me qytetërim të lashtë

Drini.us
-
0
Simbolika e numrit shtatë (7) në kulturën tonë popullore dhe te popujt me qytetërim të lashtë
Dr. Qazim Namani, studjues, Prishtinë
___
Numri (7), është ndër numrat që te besimi dardanë ka lënë gjurmë në artin tonë popullorë, të trashëguar deri në kohën tonë. Ky numër kishte pasur kuptim simbolik, dhe shpjegime tjera me botëkuptime fetare dhe mbinatyrore. Të dhënat mbi simbolikën e këtij numri, në literaturën tonë shkencore janë të pakta, por në kulturën popullore dardane dhe artizanale është i pranishëm dhe mjaftueshëm paraqitet prania e tij në simbolikën e artit dhe besimit dardan.
Në artin tonë popullorë janë më të rralla të na paraqiten simbole me numrin shtatë, qoftë si simbole dekorative apo simbole kulti.
Ky numër sot në kohët bash kohore paraqet ditët që e përmbushin javën në kalendarin periodik, andaj ka rëndësi të veçantë për të gjithë popujt. Në kohët më të lashta simbolikën e këtij numri si simbol kulti e hasim te shumë popuj të botës duke filluar që nga lindja e largët e deri në shtetet perëndimore evropiane.
Kjo gjetje e rastësishme e këtij simboli në kulturën tonë popullore, ka rëndësi të madhe në traditën e kulturës, religjionit si simbol astrologjie që simbolizon lëvizjen e shtatë trupave qiellorë. Kjo dëshmohet edhe në traditën tonë popullore të bartur brez pas brezi beja në shtatë palë tokë e shtatë palë qiejve, dhe trupi ynë ka 7 qeliza endokrine, të cilat janë përgjegjëse për prodhimin e hormoneve. Shtatë mrekullitë e botës, të cilat ndihmojnë në kompozimin e historisë së njerëzimit.
Në lashtësi dhe në antikitet, vendbanimet për të ju mbijetuar pushtimeve dhe fatkeqësive natyrore, ndërtoheshin në mes të shtatë kodrave.
Në fushën e artit sot, ky numër simbolizon shtatë artet e bukura.
Është me interes të dimë se ky numër simbolizon edhe shtatë ngjyrat e Ylberit, që sot për mrekulli kjo simbolikë e ngjyrave të Ylberit ruhet te veshja e grave shqiptare në Medvegjë e rrethinë.
Po ashtu brez pas brezi në traditën tonë popullore është ruajtur thënia: “Me e shti shtatë pash në dhe”, që mendoj se në këtë rast e ka kuptimin funeral në raste të varrimit. Te shumë popuj ky numër konsiderohet si numër me fat, si numër i engjëjve, që ka kuptimin e botës së brendshme shpirtërore, lidhjen e njeriut me zotin, dhe komunikimi i engjëjve me të vdekurin.
Misteret e numrit 7 konsiderohet numri i përsosur. Në këtë koncept kemi 7 metale të rëndësishme për këtë zonë, që janë plumbi, bakri, kallaji, hekuri, argjendi, ari dhe merkuri.
Në botën e Astrologjisë ky numër përfaqëson 7 planetët astrologjie: Dielli , Hëna, Mërkuri, Saturni, Jupiteri, Marsi dhe Venusi. Në numerologji, ne zbulojmë se si janë njerëzit vendas të 7-të, si nder veprojnë me botën dhe pikat e forta dhe të dobëta të tyre.
Engjëlli numër 7 simbolizon forcën e brendshme, dhe kështu, nëse e shihni shpesh numrin 7, mund të jenë engjëjt tuaj që bënë të aftë dhe të ndiheni të fortë e mbizotërues i sfidave të jetës.
Po ashtu, numri 7 shfaqet shpesh në kulturë dhe histori. Për shembull, janë shtatë mrekulli të botës, shtatë ditë të javës, shtatë rrathë të universit, shtatë mëkate dhe shtatë nota bazë muzikore.
Numri 7 ka disa aspekte pozitive dhe negative për t’u analizuar dhe kuptimet e tij brenda feve më të ndryshme. Ky numër ka më shumë kuptim se sa mund të imagjinohet, është një tregues i përsosmërisë, por ka faktorë të tjerë që e rrethojnë këtë numër mistik.
Përveç kësaj, Borëbardha u strehua në shtëpinë e 7 xhuxhëve dhe, kur thyen një pasqyrë, ajo besohet se personi që e ka thyer do të ketë 7 vite fat të keq, pasi kjo kohë korrespondon me një cikël të tërë në jetën tonë.
Në lashtësi te arianët, u krijua besimi në shtatë yje, shtatë kontinente koncentrike dhe shtatë rryma soma (lëngu i shenjtë që arianët pinin gjatë ritualeve të tyre dhe të cilin e derdhën në vatër për nder të perëndisë Agni).
E gjejmë të njëjtën gjë në Misteret Brahmanike, ku këto shkallë simbolizojnë shtatë botët e universit hindu: më e ulëta është “Toka”, e ndjekur nga “Bota e Riekzistencës”, “Qiejtë”, “Bota e Mesme”, “Bota e Lindjes” në të cilën lindin shpirtrat, “Pallati i të Bekuarve” dhe në fund “Sfera e së Vërtetës” ku banon Brahman.
“Bhagavata Purana” e shkruar rreth një mijë vjet më parë përmend se midis çdo universi ka shtatë shtresa: toka, uji, zjarri, ajri, qielli, energjia totale dhe vetja e rreme. (Mendimi bonus: i njëjti shkrim i shenjtë më poshtë thotë se “ka universe të panumërta përveç këtij, dhe megjithëse të gjithë janë pafundësisht të mëdhenj, ata lëvizin si atome brenda jush, dhe për këtë arsye ju jeni gjithashtu të pakufizuar”.)
Në Islam, ekzistojnë shtatë qiej, shtatë shkallë të ndryshme të parajsës, pra shtatë shkallë të ndryshme në të cilat të mirat shkojnë pas vdekjes, varësisht se sa të mirë ishin. Ferri, nga ana tjetër, ka shtatë porta për shtatë pasues të ndryshëm të shejtanit. Myslimanët shkojnë rreth Qabesë shtatë herë. Ceremonia e emërtimit të fëmijës bëhet në ditën e shtatë pas lindjes së tij.
Në hinduizëm ka disa protokolle me numrin 7, gjatë ceremonisë së martesë. Nusja dhe dhëndri bëjnë saktësisht 7 rrotullime rreth zjarrit të shenjtë, ndërsa guru që kryeson ceremoninë reciton disa mantra. Së fundi, nusja dhe dhëndri bëjnë 7 hapa së bashku dhe, për secilin prej tyre, bëjnë një betim për jetën e të dyve që presin.
Numri 7 ka qenë pjesë e njerëzimit që nga fillimi i kohës dhe, që atëherë, ai mbledh mijëra simbolika. Në fe, është një numër i theksuar që nga krijimi i
Numri 7 është plot mistere dhe kuptime. Ai ka simbolikë në fe dhe ezoterizëm, pasi është i pranishëm në shkrimet e shenjta dhe në rituale të ndryshme të praktikuara.
Në Spiritizëm, Toka ndahet sipas sferave. Këto sfera e rrethojnë planetin tonë dhe ndahen në 7. Ato janë: Humnera, Errësira, Korja e Tokës, Umbralja, Zonat e Tranzicionit, Sferat Superiore dhe Sferat e Shndritshme.
The numri 7, në Bibël, shfaqet në kapitullin e Zanafillës. Zotit iu deshën 6 ditë për të krijuar botën dhe përdori të shtatën për të bekuar projektin dhe pushimin e tij. Ne kemi, në Bibël, përshkrimin e 7 mëkateve dhe gjithashtu 7 virtyteve. Për më tepër, borisë i është fryrë 7 herë para se të shembej muri i Jerikos.
Numri 7 gjithashtu përfaqëson bashkimin e 3 (që përfaqëson Shpirtin) me 4 (që përfaqëson materien). 7 ishin lajmëtarët e besuar të Perëndisë, të quajtur Krye engjëj.

Nynorsk (Norvegjishtja e Re) mund të bëhet e detyrueshme në shkollat ​​në Vestland

Drini.us
-
0
Nynorsk (Norvegjishtja e Re) mund të bëhet e detyrueshme në shkollat ​​në Vestland

Henrik Sande Giæver, Aftenposten, Oslo

Vitin e ardhshëm shkollor, Nynorsk mund të jetë forma e vetme e synuar që do të shihet në të gjitha dërrasat e zeza në shkollat ​​e mesme të larta në Vestland, shkruan Bergens Tidende.

Më 1 gusht, hyn në fuqi një ligj i ri arsimor. Ai thotë se çdo qark duhet të zgjedhë gjuhën kryesore për të gjitha shkollat ​​e tij.

Nëse Vestland vendos që të gjitha shkollat ​​duhet të kenë Nynorsk si gjuhë kryesore e tyre, atëhere kjo mund të përfundojë me mësuesit që të detyrohen ta përdorin Nynorsk në të gjitha komunikimet me nxënësit dhe prindërit.

Siste nytt fra Norge og utlandet – Nynorsk kan bli obligatorisk på skoler i Vestland (aftenposten.no)

_____

Sqarim. Në Norvegji janë në përdorim në mbarë vendin dy gjuhë standarde norvegjeze, njëra që quhet Bokmål dhe tjetra Nynorsk. Bokmål e flasin dhe shkruajnë 75 për qind të vendit, ndërsa Nynorsk, 25 për qind. Me ligjin e ri arimor shkollat kanë mundësi ta përdorin gjuhën standarde që e duan, pasi këtë e garanton Ligji i Ri Arsimor. Për këtë, sipas këtij ligji në Vestland do tïa nisin që ta përdorin norvegjishten – po ashtu standarde, Ny Norsk. 

Kjo është sikur në hapësirat ku jetojnë Shqiptarët në Gadishullin Ilirik (Ballkan), ti lihej hapësirë Gegnishtes përmes ndonjë ligji që të flitet, shkruhet dhe folet nga ata që duan ta përdorin zyrtarisht. 

Në të vërtetë, me Gjuhën Standarde të Unjisuar, Gegnishtja që flitet nga pothuaj 80 për qind e popullit shqiptar, nuk është marrë parasysh ashtu qysh e meriton e duhet dhe kjo është jo vetëm diskriminuese .  

Kryeministri Kurti priti në takim krerë politikë shqiptarë nga Maqedonia e Veriut

Drini.us
-
0
Kryeministri Kurti priti në takim krerë politikë shqiptarë nga Maqedonia e Veriut
Prishtinë, 30 janar 2024
Sot në zyrën e tij, bashkë me Kryetarin e Kuvendit të Kosovës, Glauk Konjufca, Kryeministri i Repulikës së Kosovës, Albin Kurti priti krerë politikë shqiptarë nga Maqedonia e Veriut: Arben Taravari, Kryetar i Aleancës për Shqiptarët (ASh) dhe i Komunës së Gostivarit, si dhe udhëheqësit e Lidhjes Evropiane për Ndryshim (LEN), Bilall Kasami, Kryetar i Lëvizjes BESA e i Komunës së Tetovës, Izet Mexhiti, Kryetar i Lëvizjes Demokratike dhe deputet, dhe Afrim Gashi, Kryetar i Alternativës, po ashtu deputet.
Në takim mori pjesë edhe këshilltari i kryeministrit, Bekim Qoku. Së bashku diskutuan për situatën në rajonin e Ballkanit, për fqinjësinë e mirë dhe perspektivën e partneritetit të rëndësishëm ndërmjet Kosovës dhe Maqedonisë së Veriut.
Kryeministri Kurti i njoftoi kryetarët shqiptarë nga Maqedonia e Veriut për takimet e bisedat që ka pasur me krerët shtetërorë të Maqedonisë së Veriut dhe ata e njoftuan për zhvillimet politike atje.
Temë e diskutimit ishte edhe situata shoqërore e ekonomike e komunitetit shqiptar në Maqedoni, nevoja për demokraci e stabilitet si dhe përmirësim e mbarëvajtje të raporteve mes komuniteteve etnike në atë vend, gjë të për të cilën Kosova vetë është shembull, por edhe e promovon dhe e mbështet.
Forhåndsvisning av bilde
Katër udhëheqësit shprehën propozimin e tyre për një president të Maqedonisë së Veriut i cili mishëron bashkëjetesën mes etnive dhe garanton rrugën evropiane të Maqedonisë së Veriut, president i cili kësaj radhe duhet të vijë nga mesi i shqiptarëve.

Maqedonia as me Talat Xhaferin nuk do të flas shqip!

Drini.us
-
0
Maqedonia as me Talat Xhaferin nuk do të flas shqip!

Florim Zeqa

Zgjedhja në rrethana normale e një kryeministri shqiptar në Maqedoninë e Veriut do t’na bënte të gjithëve të ndjehemi të lumtur dhe krenar, por zgjedhja e përkohshme pa mandat të plotë kushtetues dhe juridik, nuk është gjë tjetër, veqse një vetmashtrim i shqiptarëve! Në këtë situatë të krijuar, shqiptarët kanë të drejtë për të qeshur dhe për të qarë njëkohësisht!

Kryeministër simbolik për gëzim të përkohshëm të shqiptarëve

Shqiptarët e Maqedonisë edhe pse e bën luftën “çlirimtare”, jo vetëm që nuk u çliruan nga pushtuesit maqedon, nuk e fituan asnjë të drejt kushtetuese, madje as të drejtën e popullit shtetformues, siq e kanë minoritetet tjera në rajon!

Serbët edhe pse shumfish më pak në numër në Kosovë sesa shqiptarët në Maqedoni kanë fituar më shumë të drejta sesa çdo minoritet në shtetet e rajonit dhe në botë.

Glorifikimi i tepruar i rastit të Talat Xhaferit, si kryeministri i parë dhe historik në Maqedoninë e Veriut, paraqet (vet)mashtrimin më të madh dhe historik të shqiptarëve në këtë shtet!

Pasi dihet mirëfilli, se një qeveri kalimtare nuk ka kompetenca të plota juridike dhe as të drejtën e marrjes së vendimeve dhe as të nënshkrimit të marrëveshjeve ndërkombëtare.

Rasti i Talat Xhaferit është tregues, se sa lehtë mashtrohen shqiptarët për pozita, qofshin ato edhe të përkohshme, duke u larguar nga interesi madhor i kërkimit të drejtës ndërkombëtare për të qenë komb shtetformues në Maqedoninë e Veriut!

Pas tre muajve krenarie kombëtare, rrjedha e lumit do të kthehet në vendin e vet, pra shqiptarët do të kthehen përseri në minooritet pa asnjë të drejt!

Pas tre muajve, ky kryeministër dhe këto parti politike shqiptare që u kënaqen me postin e një kryeministri transitor, do ta hedhin vallen ‘alla maqedonçe’ si më parë, pa e fituar asnjë të drejtë kombëtare, pra as të drejtën e dy gjuhësisë në tërë territorin e shtetit maqedon!

Por, e mira është se për këta tre muaj do të dëgjojmë fjalë të mëdha dhe glorifikuese, do të dëgjojmë edhe këngë folklorike dhe patriotike, të cilave pas tre muajve do t’iu humb shija e dëgjimit!

Në cilët planetë bien ”shi” diamantesh?

Drini.us
-
0
Në cilët planetë bien ”shi” diamantesh?

Nga Oliver Serani

LONDER, 30 janar /ATSH/- Nëse një ditë njeriu arrin të ndërtojë një anije kozmike të aftë për të depërtuar në atmosferën e Neptunit, atëherë dikush mund të përjetojë ecjen nëpër një dush diamantesh, shkruan focus.it.

Sipas studimeve të reja të kryera nga një grup ndërkombëtar shkencëtarësh planetët ku mund të ”korren” diamante do të ishin shumë të shumtë.

Ashtu si në Neptun, edhe në Uran formimi i kristaleve të diamantit bëhet i mundur nga dy faktorë të pranishëm në thellësi të atmosferës së tyre: presionet e larta dhe temperaturat e larta.

Këto kushte zbërthejnë hidrokarburet si metani në atome individuale, duke lejuar që atomet e karbonit të bashkohen për të formuar molekula diamanti në gjendje të ngurtë, të cilat nga ana tjetër mund të krijojnë struktura gjithnjë e më të mëdha.

Bazuar në hulumtimin e kryer në studimin e fundit – në të cilin proceset e formimit të diamantit u simuluan në mjedise laboratorike – u zbulua se temperaturat dhe presionet për të shkaktuar formimin e diamanteve janë më të ulëta sesa mendohej më parë.

Kjo do të bënte të mundur reshjet e diamantit jo vetëm në planetë të mëdhenj si Urani, por edhe në planetë të ngjashëm më të vegjël të gaztë: ata quhen “mini-Neptune” dhe qindra prej tyre janë zbuluar jashtë sistemit tonë diellor.

“Ky zbulim jo vetëm që thellon njohuritë tona për planetët tanë të akullt lokalë, por gjithashtu ka implikime për të kuptuar procese të ngjashme në ekzoplanetët përtej Sistemit tonë Diellor”, theksoi Siegfried Glenzer i Laboratorit Kombëtar të Përshpejtuesit SLAC.

Ajo që zbuluan Glenzer dhe kolegët e tij mund të shpjegojnë gjithashtu disa karakteristika aktualisht të pakuptueshme të fushave magnetike të Uranit dhe Neptunit.

Ndryshe nga Toka, në fakt, planetët si Neptuni dhe Urani nuk kanë fusha magnetike simetrike, por prania e diamanteve në rënie të lirë mund të ndihmojë në shpjegimin e kësaj anomalie. /os/

* Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Austria, mbështetëse e fuqishme e Kosovës

Drini.us
-
0
Austria, mbështetëse e fuqishme e Kosovës
  • Kryetari Glauk Konjufca priti në takim ambasadorin e Austrisë, Georg Schnetzer

Kryetari i Kuvendit të Republikës së Kosovës, Glauk Konjufca, priti sot në takim Ambasadorin e Republikës së Austrisë në Kosovë, Georg Schnetzer.

Kryetari Konjufca vlerësoi marrëdhëniet e shkëlqyera dypalëshe dhe e falënderoi Ambasadorin Schnetzer për mbështetjen e palëkundur të Austrisë ndaj Republikës së Kosovës.  

Kryetari i Kuvendit theksoi se Austria nuk është vetëm një shtet mik i dëshmuar historikisht por edhe mbështetëse e fuqishme e Kosovës në të gjitha sfidat dhe rrugëtimet shtetndërtuese, duke nënvizuar njëherësh rëndësinë e vazhdimit të mbështetjes së mëtejme ndaj shtetit tonë në rrugën e integrimeve euroatlantike dhe anëtarësimin në organizata ndërkombëtare. 

Forhåndsvisning av bilde

Në takim, ku u shkëmbyen pikëpamje edhe përkitazi me zhvillimet politike në vend e rajon, u bisedua me theks të veçantë për bashkëpunimin në kuadër të programit për Ballkanin Perëndimor në Parlamentin Austriak, ku nëpunës të administratës së Kuvendit të Kosovës do të kenë mundësinë të marrin njohuri dhe të njihen me praktikat e Parlamentit të Austrisë. 

Forhåndsvisning av bilde

Kryetari Konjufca dhe Ambasadori Schnetzer po ashtu shprehën gatishmëri për forcimin e marrëdhënieve dypalëshe, si dhe thellimin e bashkëpunimit në fusha e sektorë të tjerë me interes të përbashkët ndërmjet Republikës së Kosovës dhe Austrisë.

Presidentja Vjosa Osmani priti në takim përfaqësuesin Special të BE-së, Miroslav Lajčák

Drini.us
-
0
Presidentja Vjosa Osmani priti në takim përfaqësuesin Special të BE-së, Miroslav Lajčák

Presidentja e Republikës së Kosovës Vjosa Osmani ka pritur sot në takim Përfaqësuesin Special të Bashkimit Evropian, Miroslav Lajčák. 

Në takim u diskutua për zhvillimet e fundit në procesin e dialogut me Serbinë, me ç’rast Presidentja Osmani ritheksoi përkushtimin e Kosovës si palë konstruktive në këtë proces. Presidentja theksoi se marrëveshja e Brukselit e 27 shkurtit 2023 dhe aneksi i Ohrit i 18 marsit 2023 duhet të zbatohen në plotni. 

Presidentja Osmani ritheksoi nevojën e heqjes së masave të Bashkimit Evropian ndaj Kosovës, të cilat janë të padrejta dhe krijojnë mungesë ekuilibri në dialog. Në këtë drejtim, ajo përsëriti se Kosova ka ofruar organizimin e zgjedhjeve të reja në veri të vendit në përputhje me kornizën ligjore të Kosovës, duke miratuar edhe udhëzimin administrativ, ndërkaq theksoi pritjet e saj që kjo e drejtë e qytetarëve të realizohet pa vonesa e në përputhje me procedurat dhe legjislacionin në fuqi. 

Forhåndsvisning av bilde

Në këtë takim u përshëndetën të arriturat e fundit sa i përket zbatimit të marrëveshjes për energji si dhe asaj për targa, si hapa drejt normalizimit të raporteve ndërmjet Kosovës e Serbisë. 

Forhåndsvisning av bilde

Sa i përket draftit të statutit të Asociacionit, Presidentja ritheksoi se institucioni i vetëm që mund ta interpretojë përfundimisht përputhshmërinë e këtij akti me Kushtetutën është Gjykata Kushtetuese e Kosovës, gjersa poashtu i shprehu shqetësimet e saj lidhur me disa dispozita të këtij drafti, të cilat mund të jenë sfiduese gjatë zbatimit në praktikë.

Pse dredharakët, posaçërisht sundimtarët, i shajnë ose lavdërojnë?

Drini.us
-
1
Pse dredharakët, posaçërisht sundimtarët, i shajnë ose lavdërojnë?
Afrim Caka, Gjakovë
___
Në jetë askurrë s’e kam menduar cili qe motiv që dredharakëve u jepte më shpresë.
Nga t’ia filloj më parë më thoni? Ah ç’mu sosën klithmat duke parë nga realiteti. E gjithë këtë këtë sherrnaj, se di se si e mbante kjo tokë e mbuluar me gjak! Dje kishin privatizuar çdo gjë. Nesër historinë, kulturën, ekonominë dhe emrat e mbiemrat e lashtë etj, etj.
Mirpo, mbasi prej qytetarit të rëndomtë me brekë të grisura bëhet sundimtar e dredharak edhe në dy mënyra e asnjëra nuk mund t’i atribohet krejtësisht as fatit e as virtytit, më dyket se nuk duhet t’i lë anash, ani pse për njërën do të mund të flitej me gjerësisht kur bëhet fjalë për kombin. Këto mënyra janë kur ndokush bëhet dredharak ose nëpërmjet “krimesh e veprash të turpëshme, ose kur një qytetar i rëndomtë, me ndihmën e qytetarëve të tjerë, bëhet sundimtar i atdheut të tij. Gabuan, pra, dredharakët me rastin e kësaj zgjedhjeje e kjo qe shkaktore e shkatërrimit të tyre të fundit.
Cinizmi ekstrem i tyre dhe “vdekja e natyrshme” nuk i çliron dot këta aktorë politikë nga gjyqi i historisë. Nuk e di se kush më gënjeu që heshtja është flori! Pastaj më thanë më mirë “ik”, ku nuk kruhesh nga morrat… atje në parcelën ku luzojnë vetëm horrat. Unë nuk e di nga më rrjedhën fjalët dhe netët i shtyej duke menduar – si bëhet halli këtij vendi.
Unë nuk aludoj vetëm në deputetët “antikë”, por edhe në shumë traktatistë oligarkësh opozitarë që janë marrë me këto çështje hektarësh, pronash, dhoma e dëshmive, gylenistëve, Mitrovicë e Ujmanë etj. Ndonëse andej në kancelaritë e tyre shkruhej “bukur” antishqptarishtë. Të gjitha këto mijëra hektar i humbëm. Ah këta oligarkë e deputet të poezisë antikombëtare?!
A të zeztë e pranveres apo veres! Po vallë kush martohet në parlamentë? Vinë e shkojnë tregtarët e trojeve, nesër do votohet! Mblidhet parlamenti, bëhen aleanca, hiç mos u mërzitni, vëllëzër shqipëta:
“Këto troje dardane janë të Cërnagorës, Serbisë e të Maqedonisë etj!”
Sa herë “horratë” krihen e zgërdhihen, digjen mijëra e mijëra hektarë dhe nuk skuqen e nuk turpwrohen nga turpi… “80 deputetët dredharak” që i dhan votë demarkacionit. I falen 8200 hektarë dhe 3200 hektarë edhe Debelldenë të Dardanisë e lamë me gjak, 80 “hora” të kombit pa hezitim votuan që ta rrisin territorin e botës sllave të Serbisë, Maqedonise e Malit të Zi, edhe ashtu të rritur në kurriz të shqiptarëve ndër shekuj. Absurdi politikë i opozitës, qenka marramendës. Shikoni këto fytyra e mbani mend!”
Të gjitha shenjat tregonin se komunistët e rinjë ishin përgatitur nga baballarët e tyre për një sundim tepër të gjatë. Dardania ishte mësuar me fatkeqësi të zgjatura, zagarët duke menduar, me sa dukej, sundim të përjetshëm. Makina mitformuese “bolshevike” ishte e tillë, saqë, edhe pas rënies së tiranis sllave, vazhdoi prodhimin e saj me bijtë e tyre. E riparimet, e në këtë rast, nuk ishin gjë tjetër veç mbulime krimesh, ekonomike, njerëzore, që nuk mund të gëlltitëshin dot nga asnjë kohë…
Kot jemi përpjekur për t’i kritikuar mesa duket dhe koha e maskarenjëve, na paskan tradhëtuar. Ej dredharak, shkoni te varri e pyetni Ademin! Sepse ne sundimtarët, brenda vetes dreqin keni!
Dëshira për të pushtuar pushtet, vërtet është diçka e natyrëshme dhe e zakonshme për ta; dhe gjithmonë, kur e bëjnë politikanët e korruptuar që mundën, lavdërohen, ose të paktën nuk do të qyrtohen nga partitë e tyre dhe një ditë (po) nga Gjykata; mirpo kur nuk munden, por duan ta bëjnë me çdo kushtë përseri për ta kapur pushtetin, këtu është gabim dhe lypset gjykuar e dënuar.
Pra, dredharakët kishin bërë këto gabime të rënda: i kishin shtuar fisnikët e vegjëll e kishin forcuar në Dardani fuqinë e një korrupsioni politikë; kishin sjellë në Dardani të huaj shkja e turk shumë të fuqishëm; kishin ardhur jo të banojnë këtu; por për të krijuar koloni në Kek, Airoportë, Portale Doganore etj… Dredharakët, posaçërisht sundimtarët qenë ngritur me ndihmën votuesve kurse këta dredharak lindën pas luftës, kështu ligjet e shtetit nuk kishin rëndësi në ndonjë kuptim të veçantë ideologjik.

Tim Shkupi Profeti i shqiptarëve “FEJA E SHQIPTARIT ËSHTË SHQIPTARIA”

Drini.us
-
0
Tim Shkupi Profeti i shqiptarëve “FEJA E SHQIPTARIT ËSHTË SHQIPTARIA”

Nga: Luan Dibrani

Tim Shkupi Profeti dhe Teolog i kohës moderne. Profet i të gjitha trevave shqiptare “FEJA E SHQIPTARIT ËSHTË SHQIPTARIA”.
Tim Shkupi Profet ,Teolog ,filozof dhe studiues me i spikatur nga te gjitha kohërat i kuranit dhe veprimtar i rreshtuar në rangun e rilindësve heronjve dhe patriotëve shqiptar ndër shekuj. Tim Shkupi i vendlindjes së Nënë Terezës aty pikërisht i përqendruar në selinë e tij mu në zemrën e Kalasë së Shkupit ,po pret me mijëra shqiptar qe e vizitojnë për çdo ditë.

Forhåndsvisning av bilde

Tim Shkupi edhe të shtunën e kaluar priti në Rezidencën e tij përfaqësuesit e Lëvizjes se Kosovës “FEJA E SHQIPTARIT ËSHTË SHQIPTARIA” në krye me Dr Nijazi Gashin.
Profeti dhe zoti i kësaj lëvizje gjithë shqiptare kudo qe ka shqiptar i gostiti mysafirët nga e cila Lëvizja e Kosovës e njoftuan të madhin Tim Shkupin në kryeqytetin i Dardanisë antike ( Shkupin),me aktivitetin e tyre gjë qe i prezantuan edhe platformën e kësaj Lëvizje me moton luftën kundër islamit politik dhe ortodoks , terrorizmin islamik dhe atë ortodoks qe po monitorojnë në trojet tona me financat e Serbisë, Greqisë Rusisë dhe satelitët arabo- turke për ta tjetërsuar këtë komb me vlerat me të larta të qytetërimit botëror në histori!!!

Forhåndsvisning av bilde

Tim Shkupi luftëtar dhe dijetari ma i spikatur qe po i zhvesh antikombëtarët hoxhallarë, po e qet turpin e tyre mbi sipërfaqe dhe rrenat ,propagandën dhe budallallëkun e tyre mbi sipërfaqe duke iu kthyer këmbët nga dielli.
-Njeriu qe po bën revolucion në mbrojtjen e vlerave tona kombëtare kundër këtyre mashtruesve hoxhallarë nga shkollat e Beogradit të Athinës të Rusisë dhe Turqisë dhe shteteve arabe!?. Tim Shkupi, me shkrimet dhe ligjërimet e tij po revolucionarizon shtresat e besimtarëve shqiptarë dhe po reformon mësimet, idenë dhe diskursin teologjik në trevat tona. Inovacionet, përkatësisht, zbulesat e tij studimore kur’anore po tronditin mendjet e mykura të hoxhallarëve dhe imamëve miopë e konservativë, veçanërisht të qarqeve fundamentaliste, tradicionaliste dhe, e veçantë, shqiptarofobe, ndërkohë që po gëzojnë, freskojnë dhe pasurojnë mendjet atdhetare shqiptare. Për më tepër, vështruar nga këndi akademik ai detabuizon dhe demitologjizon shumë çështje e tema delikate religjioze që ndër shekuj janë konsideruar tabu (të paprekshme) nga teologë ithtarë të dogmave konvencionaliste e rigjide “islamike”.
-Islami politik apo ai tradicional?!. Për Timin këto shprehje (sintagma) janë inekzistente, fiktive, të sajuara nga nomenklatura hoxheske e imameske, me doktrinat e tyre nga Bagdadi, Kairoja e Stambolli dhe te finnacuara nga Beogradi Moska dhe Athina..

Forhåndsvisning av bilde

Së këndejmi ai deklaron botërisht që nuk ekzistojnë nocionet (emërtimet) islam dhe mysliman në Kur’anin e shenjtë dhe vë në fokus të vëmendjes parullën programatike të Rilindjes Kombëtare dhe të Neo-shqiptarizmës:
“FEJA E SHQIPTARIT ËSHTË SHQIPTARIA”.
Rrjedhimisht, ai pohon zëshëm:
“UNË JAM SHQIPTAR”.

Tim Shkupin do ta përkrahin të gjethe shqiptarët e vërtet qe e duan kombin gjuhën dhe kulturën shqiptare . Pikërisht ky do të jete Profeti i të gjithë shqiptarëve kudo qe janë,qe pas 500 vitesh robëri nga Perandoria osmane do te na mëson shqip të lutemi ,shqip të falemi ,shqip të varrosemi , shqip të këndojmë dhe shqip te jetojmë me moton “FEJA E SHQIPTARIT ËSHTË SHQIPTARIA“, ta ç’kapim islamizmin dhe ortudosizmin terrorist në trojet tona.

Bota po ecë me kohë e me minuta përpara. Bota po përpiqet te bëjnë vendbanime edhe në planetët tjera shqiptarët e pa tru kanë mbet në xhamia e në rruge duke u lutur pa dite se çka po thonë!

-Ka qe 24 vjet, qe Islami politik në krye me Hoxhallarët e Kosovës, Maqedonisë dhe Shqipërisë po veprojnë në territoret tona ,asgjë më shumë se me u lutur nëpër rrugë e xhamia, arabisht pa ditë as çka luten e çka thonë . Këto mbeturina mundohen te zhvlerësojnë çdo gjë shqiptare , madje në këtë shekull qe bota po përparon në çdo orë.
Bota po ecë me kohë e me minuta përpara. Bota po përpiqet te bëjnë vendbanime edhe në planetët tjera ,ndërsa në shqiptarët kemi mbet aty ku Muhameti i la arabet para mijëra vitesh me Allahu Ekber ,duke u lutur dhe asnjë hap se kane bere në zhvillim teknologjik.
S’kanë bërë asnjë prodhim deri me ditët e sotme ,prandaj mos te mbesim nen ndikimin e asaj kohe dh te këtyre mercenareve hoxhallarë, or vëllezër e motra shqiptare qe iu kane shlyer trurin këta tradhtar hoxhallarë të shitur te armiqtë tanë shekullor.

Forhåndsvisning av bilde

Tim Shkupi pasardhës i denjë i Aleksandërit të Madh, Skënderbeut , Nënë Terezës, Anjezë Gonxhe Bojaxhiu, e cila ka lindur në Shkup, dhe Rilindësve tanë!

Tim Shkupi si askush tjetër në botë e njeh mortajën islamike në trojet tona prandaj si atdhetar i devotshëm i dëshiroj sukses në të gjitha sferat e çdo të mirë në jetë këtij njeriu të madh pasardhës i denjë i Aleksandërit të Madh, Skënderbeut , Nënë Terezës, Anjezë Gonxhe Bojaxhiu, e cila ka lindur në Shkup, dhe Rilindësve tanë. Ky po ep kontribut të madh në demaskimin e islamit politik dhe ortudosizmit në Serbi, Maqedoni dhe Greqi në përgjithësi, dhe imamëve dhe priftërinjve antikombëtare në veçanti. Me këtë rast ftoj te gjithë shqiptarët qe ta përkrahmini njeriun tuaj Profetin Tim Shkupin ,njeriun qe po bënë “Revolucion” kundër islamit politik dhe atij ortodoks. Aq është i pezmatuar ne këto forca antikombëtare sa qe teologu, Musa Lamallari-Tim Shkupi , i jep të gjithë imamët shqipfolës për disa qime të bishtit të kalit të Gjergj Kastriotit Skënderbeut.

Me poshtë po u sjell disa citate te Profetit të shqiptarëve te të madhit Tim Shkupi. Ja citati se çka thotë për hoxhallarët:
“I kam kolegë, i njoh. Nuk janë kështu te këqij, por janë qyla pagane, për shkak sa janë të paafte, ku vetëm kodosh likun e kanë profesion dhe si me shitur moral të rrejshëm në emër të fesë se Bagdadit!?.Dy lidhje nuk i kane me Kuranin!?… Ju betohem në Zot se nuk e njohin Kuranin. Imitator te këqij te mulla Sules! Se paku, mulla Sula këmbët mbi këmbë nuk i ka mbajtur kur dikush ka bere Lutje! Me fole mulla Sula për këta, ju keni me filluar edhe xhamitë me i prish ka kane shkelur këmbët e tyre” .

Forhåndsvisning av bilde

Vazhdojmë me poshtë thëniet e Tim Shkupit për hoxhallarët se çka thotë ku i gjykon këto forca qe bëjnë krime edhe me fëmijët shqiptar akoma pa shkuar në shkolle, shihni Videon më poshtë :

“Nëse e gjeni një ajet në Kuran se Zoti i thirr myslimanet me i fal 5 vakte namaz, unë jo ruski rulet, por plumb vetvetes ne koke i japi!
A e keni të qarte vëllezër e motra !!!
Unë nuk jam ka ju kërkoj as vota, as poste, as leke, as medalje, as nuk po ju thirr ejani pas mejepor thjesht , vetëm po ju kallëzoj!!!
Eh, tani qe na kane mashtruar, kjo po shihet, nuk do kallauz!!!
Siç e dini ju, unë e di para juve, kam 56 vjettë te dynjasë dhe jam ka pendohem çdo nate për kohën në të kaluarën ,por një kam fituar ketë botë xhenetin qe e kam studiuat Kuranin dhe kam studiuar pikërisht në shtet arabe, aty ku është shkruar Kurani prandaj, nuk do ti le këta shpirtshitur hoxhallarë të rrejnë dhe të mashtroje shqiptarët përmes Kuranit qe nuk e kanë studiuar , nuk e njohin dhe nuk e kane kuptuar . Hoxhallarët e shkolluar nga shkollat serbo -ruso -greke s’do i lejojmë me te manipulojnë me popullin tonë .ata do ti pret burgu!!!

Forhåndsvisning av bilde

https://www.facebook.com/shefqet.cakiqi/videos/441430131112528?locale=de_DE
Citati tjetër i Tim Shkupit për objektet tona fetare!

“Unë me qenë Kryeministër(i Republikës së Kosovës dhe Shqipërisë ) i çliroj të gjitha objektet e ashtuquajtura fetare të fesë islame dhe fesë ortodokse dhe krishtere, një nga një, por a ma jep kush votën”? Ne duhet ta kuptojmë që këto objekte në të kaluarën ju kanë shërbyer perandorive dhe regjimeve antishqiptare për t’i mashtruar besimtarët(që kanë shkuar në ato objekte) dhe për t’i kontrolluar më lehtë në favor të pushtimit të tyre. Sot, gjithashtu, ato objekte fetare janë kidnapuar dhe po punojnë me agjenda të huaja kundër interesave të bashkimit të shqiptarëve në një “ymet”(shtet) në gadishullin ilirik” përfundon citatin Tim Shkupi.

Citate nga teolog Tim Shkupi për objektet fetare :

-“Disa televizione duket që janë të kurdisura për të mbjellë pesimizëm”.
– “Unë nuk jam budalla (i painformuar) që u them të ikni nga xhamitë”.
-“Në xhami nuk mësoni asgjë”.- “Në kisha dhe xhami shkojnë vetëm njerëzit që ndihen të pafuqishëm(që u janë nënshtruar klerikëve abrahamikë gënjeshtarë, sharlatanë, mashtrues dhe tradhtarë)”.
– “I miri dhe i keqi(hajni, krimineli) nuk mund të ulen në të njëjtën vijë (sikurse që ndodh të ulën në të njëjtën vijë në xhami).

Forhåndsvisning av bilde

  • Luan – Asllan Dibrani ish i burgosur politik , anëtar i Lidhjes së krijuesve dhe artistëve shqiptar ne Gjermani , piktor dhe veprimtar shumë vjeçar i çështjes shqiptare në Shtuttgart – Gjermani Janar 2024

Edhe në Valdemarsvik të Suedisë u hapën paralelet me mësim në gjuhën shqipe 

Drini.us
-
0
Edhe në Valdemarsvik të Suedisë u hapën paralelet me mësim në gjuhën shqipe 

Në foto: Disa nga titujt e librave që punuam me nxënës, përveq Abatares

Sinan Kastrati, Suedi

  • Puna si mësues dhe vëshirësitë në punë 

Kujtime të paharrueshme e të hidhura, nga viti kalendarik 1992 dhe viti shkollor 1992/1993. 

”Të punojmë me planprograme mësimore, ti zgjedhim temat që kanë përmbajtje, porosi, temel e taban kombëtar në njësitë mësimore, të mbajmë shënime në orët e mësimit, të punojmë me ditarë të punës, të përdorim libra e mjete tjera mësimore që i kemi, fletore, lapsa, harta, dërrasa (të zeza) etj. ishte rekomonadimi im”. që shumicën i kisha unë (Në Suedi mi dhuroi Xhafer Durmishi, një paketë me libra që i kishte marrë në ambasadat shqiptare nëpër Europë) 

Rruga e largët nga Kosova deri në Suedi. 

Në Kosovë kam punua në arsim, si mësues Gjuhë dhe Letërsie Shqipe deri më 26 mars 1981. Dita e fundit që e kam lënë ditarin e punës, ka qenë e mërkurë, 25 mars 1981, për me u (ri)kthye më 1 shtator 1991, pas më shumë se 10 vite. 

Viti shkollor 1991/1992, ishte viti kur Serbia na ndali financimin dhe na largoi nga objektet shkollore.  

Edhe unë e gruaja ime, si shumica dërmuese e mësuesve punuam pa pagesë.
Ky fat më ndoqi edhe në Suedi. Vitin e parë, punova pa asnjë qindarkë vetëm e vetëm për dashurinë e mallin që kisha për atdheun e robëruar e popullin e shtypur shqiptar në Kosovë. 

Gramatike e gjuhës shqipe (morfologjia)

Puna pa pagesë, thoshte një ish mësues është e paitibar e pamagbullshme (shprehje me fjalë orienale, të pavlerë. Ai nuk donte të punonte pa para, tash emër i njohur). Isha i vetëdijshëm se vendi nuk çlirohet me fjalë e as familja (ime) e fëmijët nuk ushqehehe me patriotizëm, me këngë e përralla por me bukë.  Unë bashkë me më shumë 200 mëuses, bënim ate që kishim mundësi ta bënim, të mbajmë gjallë mësimin në gjuhën shqipe. Kolegët tanë në Kosovë, e mbanin mësimin në kushte shumë të vështira, nëpër shtëpi private e pa dritare dimrit, në xhami e kisha e shpesh iu fishkëllenin edhe plumbat afër veshëve e ne, këtu në Suedi nuk ishim të rrezikuar.  

”Meshari” i Gjon Buzulut, Eqrem Çabej

Kur u nisa për Suedi, nuk guxova të marrë asnjë libër në gjuhën shqipe. 

Rruga nga Prishtina në Shkup, Sofje, Bukuresht (Bukarest), Budapesht, Pragë, Bratisllavë, Varshavë, Gdansk ishte rruga më e gjatë që ndonjëherë kisha udhëtua me autobus. 

Shumë fëmi qanin, sëmureshin nga ushqimi, uji i papastër që pinin në vendet ku ndaleshin autobusët për pushim dhe për nevoja, udhëtarët. Në mungesë të parave që të blejnë pije freskuese a ujë, nënat i mbushnin shishet me ujë, ku shihnin se ka ujë pa e ditur se mundet me qenë ujë që nuk pihet, sidomos në Rumani. 

Fëmijët i kërkonin gjyshet, macet e qentë. E nënat i shtrëngonin fëmijët e tyre me shpresë se ata do ti ”harrojnë” gjyshet, bukën e ujin. 

Kjo ma kujtonte (librin e) Wilhelm Moberg, kur 1/3 e suedezëve shpërngulen në SHBA. Udhtimi i tyre nëpër oqeanin Atlantik ishte edhe më i tmerrshë, e me rreziqe, se sa i joni. Ata që vdisnin në anije, nga rruga disa javore, të afërmit ishin të detyruar ti gjuanin në oqean nga frika e përhapjes së sëmundjeve. 

Vuajtjet me udhtarët në dy autobusëve që isha edhe unë me familjen time, me ”Barileva Tours”, edhe tash kur e kujtoj, mishi më rrëqethet. 

Duke lexuar Rilindjen. Valdemarsvik, 1992

Histori që s`ka mbarim 

Nga qyteti i bukur polak, Gdansk, udhtuam me anije nëpër Baltik e zbritem në qytetin e vogël suedez, Ystad, më 24 qershor 1992. 

Natën e parë fjetëm në Ystad, në një sallë të madhe sporti, mashkujt veç ndërsa gratë dhe fëmijët i quan dikund tjetër, në dhoma gjumi me kreavtë. 

Të nesërmen me dy autobusë na dërguan në një fshat të bukur turistik që dukej se dikur kishte kishte qenë si poligon apo kazermë ushtarake, Rinkaby, afër qytetit Kristianstad, krahina e Skåne-s, jugu i Suedisë. 

Aty, qëndruam 1 javë. Flenim nëpër shatorrë. Ushqim të llojllojshëm me bollëk, me pije frekuese, qumëshjt, kafe e qaj merrim sa të donim. 

Në Rinkaby na dhanë edhe sapunë, shamponë, peshkira etj.    

Pas 1 jave na dërguan disa autobusë, dy prej tyre me shqiptarë dhe bashnjakë për në Nynäshamn, qytet (70 km.) afër Stocholmit.  

Fillimi i shtatorit më gjeti e bukur Oskarsham. Një mëngjes isha dalur pra oborrit dhe shikoja anijen e madhe me ushëtarë, makina, autobusë e kamionë se si dilnin nga dyert e anijës. Mendoja kot. Mendjen e kisha në katundin tim. Shakollat ishin hapur e zilja i thirrte nxënësit. Pas meje kishte qenë shefja, Monica me përkthyesin Ramazanin. Më pyeti suedisht që s`e kuptoja. Ramazni përkthente. Iu luta Ramazanin, që t`më pranoj Monika për një bisedë të shkurtër. 

Gjatë përgatitje për programin me nxënës për festën e 28 Nëntorit. Mësuesi Sinan Kastrati, Valdemarsvik, nëntor 1992

-Po, patjetër. 

U ulëm dhe i tregova pse jam i mërzitur. ”Në Kosovë ka fillua mësimi”. I erdhi keq por në hotel nuk kishte mundësi për mbajtjen e mësimit në gjuhën shqipe. Mësimi në shkollat në Suedi, fillon në fillim të gushtit, për mësues dhe në mes të gushtit, nxënësit fillojnë. 

Pas dy muajve e gjysëm qëndrimi në hotelin Nynäs, në Nynäshamn, shefja e kampit, Monica Karlsson që punonte në Entin për të huaj, me refugjatë me thirri dhe më tha:  

-Siann, vetëm ti dhe familja juaj do të transferoheni në Valdemarsvik, krahina e Östergötland. Atje e keni një banesë me 3 dhoma të mobiluar. Valdemarsvik, është qytet në kufi me qyetin Västervik që i takon një krahine tjetër, Småland, më afër Xhaferit ku unë dëshiroja të vendosem. Në krahinat tjera nuk mundem me të dërgua, tha Monica as në Oskarshamn, qyteti ku jetonte Xhaferi, në Kalmar Län, krahina e Småland-it, pa pasur Leje Qëndrimi (PUT, Permanent Uppehåtistånd) nga Drejtorati për të huaj, qendra e të cilit ishte Norrköping-u.  

Në Valdemarsvik ishte një lagje me të huaj, me refugjatë, ndoshta 200 familje e me beqarë që kishin ikur nga ish armata, ose nuk donin të shërbeni në APJ, sepse ajo i dërgonte në frontet e luftës në Kroaci.  

Shqiptarët në Valdemarsvik kishin qenë të organizuar bukur mirë. Mësimin në gjuhën shqipe e mbanin rregullisht, 3%-in shumica, e paguanin, 99 %, në bazë të listave që i kishim. Te stacioni i autobusëve në Valdemar më pritën puntorët e Entit për refugjatë më një kombi bus dhe më dërguan deri para banesës. Të nesërmen më thirrën dhe më dhanë edhe ndihmat materiale, para për 15 ditë, që ishin të mjaftueshme për ushqim  

Në mbrëmje erdhën 3 shqiptarë dhe më dëshiruan mirëseardhje dhe më pyetën: 

-A don me e pagua 3%-in dhe a don me i regjistrua fëmijët për mësimin në gjuhën shqipe? 

Përgjigja sigurishte ishte PO!  

Unë ia bashkangjita duke i përkrahur dhe ndihmuar ish kolegët dhe vullnetarët e tjerë.

Mësuesi Nazmi Thaçi me Mimozën dhe Entelën, në përgatitje për festën e 28 Nëntorit, nëntor 1992, Valdemarsvik

Kërkova nga SIV (Enti për të huaj) që ta kemi edhe një gazetë në gjuhën shqipe, RILINDJEN dhe vendin ku mund ta lexonim Rilindjen. Kërkesa na u plotësua dhe tash kishim mundësi që ta lexonim edhe Rilindjen ato 40 e më shumë familje shqiptare.   

Rilindja shtypej në Zofingen, në Zvicërr. 

Si mësues në mësimin në gjuhën shqipe punonin nëse nuk kam harrua 4 mësues por mund të bëhej edhe më shumë e jo veç të punohej sa me thënë, partizanqe.  

Punonin Nazmi Thaçi, kimist i diplomuar, Ismet Gashi, inxhinier i diplomuar, Skënder Hamza, kimist i diplomuar dha një tjetër me emrin Haxhi nga një katund afër Kijevës, komuna e Klinës. Ai kishte të kryer Akademinë Pedagogjike por më vonë iku në Gjermani dhe Nazmi Thaçi, në Norvegji ndërsa Skënder Hamzën e këthyen në Kosovë, pasi kishin marrë përgjigje refuzuese nga SIV (Statens Invardrarverk, tash Migrationsverket, Enti për të huaj, për refugjatë). 

Programi festiv më 28 Nëntor 1992, në Valdemarsvik. Në rreshtin e parë, mysafirë suedezë, polit. drejtorë shkollash … dhe Xhevat Durmishi me kostum me ngjyrë të zezë, kravatë bashkë me gruan Naxhën, gruan time, Nexhën. Valdemarsvik, 28 Nëntor 1992

Edhe Nexhmie Kastrati (Krasniqi, gruaja ime) e unë, filluam me punua si mësues. Duhët shtua edhe se klasë të mësimit nuk kishte pasur për nxënës shqiptarë. 

Tekstet mësimore të përshtatshme për moshën e fëmijëve gjithashtu nuk kishin pasur. Unë iu dhash disa tekste që mi kishte dhënë Xhafer Durmishi, libra nga Tirana që gëzoheshim shumë vetëm kur i shihnim se janë botuar në Tiranë anipse kishte tekstemësimore me përmbajtje ideologjike të kohës. 

Ato libra e literaturë i kam ende dhe i ruaj në raftin e bibliotekës time për nipin e mbesat dhe libra të tjerë për fëmijë që porosita më vonë nga Zofingeni, aty ku shtypej Rilindja. 

Njëri nga mësuesit, Ismet Gashi, inxhinier burrë i mirë e puntor shembullor punonte si mësues i lëndës ”Gjuhë Shqipe” por ai u ankua se nuk kishte asnjë libër, gramatikë në gjuhën shqipe. 

Protestë e nxënësve, mësuesve e prindërve shqiptarë dhe suedezë në përkrahje të shkollës shqipe në Kosovë. Në rreshtin e parë, në ballë të protestës mësuesja Nexhmie Kastrati, gruaja ime, gruaja e mësuesit Skënder Hamza me karrocë me fëmijë të vogël.

Unë ia dhash librin që e kisha ”Gramatikën e gjuhës së sotme letrare shqipe” (Morfologjia), grup autoresh, ribotim në Prishtinë. Librin, bashkë me Mesharin e Gjon Buzukit, dy pjesë që mi kishte falur Xhafer dhe dhjetëra libra të tjera për historinë, gjeografinë e Shqipërisë, libra leximi, romane, vjersha, tregime për të vegjël nga autorë vendas e të huaj.  

Me ato libra, që ishin të mjaftueshme, unë e fillova punën. Mësimin e mbaja në dhomën time të ditës, në banesën time.  Unë punoja me nxënës të rritur (deri në 20 vjet), e me më të vegjëlit, klasët e ulëta, punonte gruaja, që ishte normaliste dhe kishte punuar 15 vjet si mësuese klasore në Kosovë. 

Por jo të gjithë mësuesit mi kërkonin librat e mia. Sigurisht se nuk donin të tregoheshin para prindërve e nxënësve që janë më pakë të dishëm e të ligj, më pakë kompetentë e të papërgatitur. Si e sa kanë punua ata, nuk e di por libra në gjuhën shqipe, plan mësimor … e ditarë pune, me shënime të plota sa nxënës kishte, sa mungonin etj. nuk kanë pasur e nuk kanë mbajtur (administratë pedagogjike) deri sa kam shkua unë. Kjo nuk u prit mirë nga disa mësues dhe prindër për gjithë ato ndryshime që edhe u bënë me insistimin këmbëngulës timin. 

Mësuesi Sinan Kastrati me nxënës në mbështetje të nxënësve, mësueve e shkolles shqipe në Kosovë. Valdemarsvik, 1992

Mësuesi Ismet Gashi, pas një jave erdhi e më falenderoi për librin. Librin ma këtheu dhe më tha: 

-Sinan, unë më nuk punoj si mësues i lëndës në gjuhën shqipe. 

Mësimin e mbanim në disa lendë:  

Gjuhë shqipe, 

Histori, 

Gjeografi dhe  

Muzikë për shkakun se asnjë familje shqiptare nuk kishte leje qëndrimi dhe pritej që të gjitha familjet ose shumica e familjeve shqiptare të këtheheshin në Kosovë, pasi ”nuk kishte luftë në Kosovë”, arsyetoheshin organet e suedeze që mirreshin me refugjatë lufte, prandaj punonim aq sa mundnim, vullnetarisht që nxënësit të mos e harrojnë gjuhën dhe sado pakë, të fitojnë njohuri edhe në lëndët e tjera. 

Kur ua afruan festat e fundvitit, në bisedë me Nazmi Thaçin nga Shkarashniku, katund afër maleve të Berishës, komuna e Drenasit, iu lua dhe u pajtuam që për festën e 28 Nëntorit të pergatisim një program artistik me nxënës e prindër shqiptarë.  

Në vizitë në Stokholm, te Pallati Mbretëror. Sinan Kastrati me mësues shqiptarë. Pranverë, 1993, Stockholm

Disa na ndihmuan dhe bashkë me Selman Matoshin, një instrumentalist i shkëlqyer me shkollë profesionale të muzikës, ishte e vetmja familje shqiptare me leje qëndrimi në Valdemarsvik, e filluam punën për së mbari. Selmani na ndihmoi pa hile. Pastaj, Nazmi Thaçi, Ismet Gashi e Skënder Hamza nga Drenica, gjithashtu, pa harrua nxënënësit dhe disa prindër, Skënder Salihun pa të cilët nuk do të mund ta kurorëzonim punën tonë.  

Më 28 Nëntor 1992, për herë të parë në Valdemarsvik u festua 28 Nëntori me këngë e valle shqiptare, me vjershat e Naimit e rilindësve të tjerë, me një pjesë të shkurtër teatrale (autor isha unë) festuam shqip. 

Salla e madhe e shkollës, ishte plotë me shqiptarë e suedezë, mësues e drejtor shkollash që punonin me fëmijët shqiptarë. 

Prezentimin dhe fjalën hyerëse në gjuhën shqipe e mbajta unë ndërsa, suedisht, foli Nazmi Thaçi i cili e njihte suedishtën. 

Por kishte prindër shqiptarë jo vetëm që nuk më përkrahinin, se ndihmë nuk pritsha prej tyre por nuk i lejonin edhe fëmijët e tyre që të marrin pjesë në program e të vijnë në mësimin e gjuhës shqipe. Ata hapnin fjalë se unë jam i ai që i kam dënua shqiptarët në Kosovë.  

  

Pakëz pushim në Gjiun e Valdemarsvik-ut. Unë (Sinan Kastrati), Nëntori, djali im dhe Nexha, gruaja. Valdemarsvik, 1992

Kisha punua si kontrollor në Kosovatrans, Trafiku Urban dhe thirreshin në ate se i kam dënua udhëtarët që nuk kishin pas biletë. Fjala dënim ishte vërtetë fjalë e rëndë se mi kujtonte dënimet e shqiptarëve prej 15 ditë deri në 15 vite burgim nga pushteti serb. E vërteta ishte se nëse një udhtar nuk ka blerë biletë, është dënua, që është edhe normale dhe e ligjshme por jo nga unë, nga kontrollorët e tjerë. Asnjëherë në jetën time, tri vjet sa kam punua si kontrollor nuk kam dënua asnjë nxënës, student apo njeri të varfër. Kur kam hyrë në autobus me kontrollua, bashkë me një ose dy kontrollorë të tjerë, nëse kam njohur ndonjë të varfër, nxënës, student, kondukterit i kam thënë, mos i jep biletë e nëse ai e ka blerë biletën, jashtëligjshëm ia kam marrë biletën e kondukterit i kam thënë, këtheja paratë!  

Vazhdon me jetën dhe punën si mësues në Mönsterås   

Malmö, 29, 30 janar 2024  

sinankastrati09@hotmail.com 

1...880881882...1,774Faqja 881 nga 1,774