Në foto: Shkrimtarët Jusuf Buxhovi nga Prishtina dhe Zija Çela nga Tirana
Tiranë, Tetor 2021
Manifestimi kulturor “Tetori i librit”, i organizuar nga Qendra Kombëtare e Librit dhe Leximit në Tiranë tashmë është kthyer në një pikëtakim të shkrimtarëve shqiptarë, me ç’rast, libri shfaqet si referencë e përbashkët shpirtërore dhe kulturore, ku njihen veprat nga Prishtina, Shkupi, Tirana, Gjakova, Presheva, Shkodra dhe gjetiu, po edhe takohen shkrimtarë nga hapësira shqiptare politikisht e shkapërderdhur ndërsa kuluralisht e palidhur sa duhet përkundër mundësive që ka ofruar rënia e përdes së hekurt ideologjike që ka nda botën shqiptare si dhe tranzicioni i papërfunduar…
Duket, se në rrethanat, kur politika në trëkëndëshin Tiranë-Prishtinë-Shkup ka filluar ta kuptojë se roli i krijimtarisë shpirtërore shfaqet parakusht i bashkimeve shoqërore dhe atyre poltike pa marrë parasysh formatin dhe modelin që u imponohet, bërrështetasit e niveleve më të larta, siç ishte rasti i presidentit shqiptar Ilir Meta që mori pjesë në këto takime si shijues i letërsisë, paralajmëron se shkrimtarëve po u kthehet dinjiteti i indit të pashmangshëm i bashkimit shpirtëror, që deri më tash është anashkaluat ose nënçmuar…
