Florim Zeqa
Edhe pse qeveria në largim ishte e para në Kosovën e pavarur me legjitimitet të plotë qytetar, nuk arriti ta realizoj në plotni programin e saj qeverisës, e shumë më pak premtimet e dhëna ndaj qytetarëve.
Faturën e diplomacisë inerte e pagojë shrenjt Kosova
Paaftësia dhe pamundësia e zgjedhjes së problemeve të akumuluara ndër vite në të gjitha fushat e jetës ishte produkt i mungesës së zhvillimit ekonomik dhe stagnimit në politikën e jashtme.
Pas zgjedhjeve të 9 shkurtit Kosova ka nevojë për një Qeveri gjithëpërfshirëse dhe të qëndrueshme për zgjedhjen e shumë problemeve, sfidave dhe rrethanave ndërkombëtare para të cilave ndodhet vendi ynë.
Qëndrushmeria politike e qeverisë do të varet nga procesi i dialogut që po zhvillohet më Serbinë në Bruksel. Ikja nga kjo temë e të gjitha partive politike gjatë fushatës zgjedhore, do të jetë e pashmangshme pas formimit të qeverisë së re.
Është dëshmuar se në përballje me Serbinë në dialog duhen diplomatë të aftë dhe të pëgatitur që janë të zotët të ndërtojnë raporte të mira me ndërkombëtarëte e jo ta bëjnë të kundërtën e saj me gjuhë folklorike që e përdorin në Kosovë me elektoratin e tyre.
Përfaqësuesit politik të shtetit në dialog me Serbinë dhe në politikën e jashtme në përgjithësi, duhet të jenë largpamës dhe vizionarë, të urtë dhe vendosur në qëndrimet e tyre.
Sikur partia politike në pushtet t’i realizonte premtimet e dhëna para qytetarëve dhe mbajtjen e zotimeve në raport me dialogun me Serbinë, sot Kosova do ta kishte një pozicion më të favorshëm në arenën ndërkombëtare.
Mungesa e vizionit politik dhe diplomacia inerte i kushtuan Kosovës me mos anëtarësim në KiE dhe pa asnjë rezultat në politikën e jashtme. Degradimi i politikës së jashtme të Kosovës duhet t’i shërbejë si mësim qeverisë së re të dalë nga zgjedhjet e 9 shkurtit, që të mos i përseritë gabimet e së kaluarës.
Me këtë përbërje të kandidatëve në listat e partive politike, nuk pritet ndonjë ndryshim rrënjësorë dhe substancial, për shkak se mungojnë emrat me begrand politik dhe atdhetarë.
Pas zgjedhjeve, nga të cilat na ndajnë vetëm edhe pak ditë, qeverisë së re i duhet një refresh i thellë politik në qeverisjen e vendit, në të kundërtën na pret një theqafje akoma më e madhe nga ajo që e përjetuam përgjatë katër viteve në në politikën e jashtme!
